Ijeremaya 39:7 - IWE ỌNỊNỊ

⁷ Ịrẹma ọnọọ, dị ọ ka à tụ Ịzẹdẹkaya eyi, dị à sị ẹba sụ́ ọ, dị à sị ọ aa nọ Ịbabịrọnị nị.

Ijeremaya 39:7 ပူးပေါင်းရင်းမြစ်များ

2 Ohinọyị 25:7

Eyi Ịzẹdẹkaya â ya wụ̀ ezi anị, dị Inebukadineza ka a tụ́ ọ eyi, dị a tụ́ ọ ịchẹkẹchẹkẹ, dị a sị ọ nọ́ Ịbabịrọnị nị.

Ahẹ Ụgama 119:8

Ọda awụ mị vaa saasa nị, aarịhịnị asị u hi ayị amị.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ijeremaya 34:3

Ẹnẹyịmavara kà ẹwụ Ịzẹdẹkaya ẹ yị vaa ha, vị á vaa za wụ dị aa sị ụ ne chiree ụvọ nị, ọ ka ẹwụrị ọ vaa và eyi ka ẹngụ, dị u re e dị ẹwụrị aa kà ịrẹyị; dị wa vaa nọ Ịbabịrọnị ọgọnị.

Ijeremaya 44:30

Ọ kà, ọnị vaa sị Ihohwira, ohinọyị Ijipiti chire ọnịvị anị enee si ọ usu ụvọ, anka ọnị mẹ sị Ịzẹdẹkaya, ohinọyị Ijuda chire Inebukadineza, ohinọyị Ịbabịrọnị ụvọ. Ọnịvị anị ọ̀ vị, dị ee si ọ usu nị.

Ijeremaya 52:11

Ịjị a sị wa ụ, dị Inebukadineza ka à tụ̀ Ịzẹdẹkaya eyi nị. A sị Ịzẹdẹkaya tụ eyi, dị Inebukadineza ka à kụ́ ẹba hi ọ ụvọ, dị à sị ọ aa nọ Ịbabịrọnị nị. Ê tu ịzọọ, dị ẹ sị ọ tụ ịnị ẹngwa pooro dị ẹkụhị isu anị tù nị.

Ezikẹẹrị 12:13

Ẹnẹyịmavara kà ọnị vaa và ịrẹpaa zi ọ, dị ọnị za a, ọnị ọ̀ọ sị ọ za, dị ọnị sị ọ va ngụ Ịbabịrọnị. É yị ve re e dị ò sú tụ ịzọọ.

Ọdọvịdị 16:21

Ịjọnọọ, dị Anihwirisiti nịnị za a dị ẹ tụ eyi anị ẹyịịva, dị ẹ sị ọ nọ Igaza nị. Ịjị e tu ịzọọ, dị ẹ sị ẹba tụ ọ ahụ, dị ẹ sị ọ tụ ịnị ẹngwa nị, dị Ịsamịsịnị aa kwọ ịsa yị wa ịnị ẹngwa ịzọọ nị.