Ijeremaya 39:18 - IWE ỌNỊNỊ

¹⁸ Ka, ịzẹyịza ọnị vaa dọ ụ ha. Ịrẹkụ ẹ́ yị vaa rị ụ. Ọ kà ụ vaa ha agụvị ka waa sị ayị tụra ọnị.

Ijeremaya 39:18 ပူးပေါင်းရင်းမြစ်များ

1 Ịtọpa 5:20

Ẹnịnị ệ sị ayị tụra Ohomorihi, dị ẹ mẹ̀ aduwa ka ọ̀ gụ ẹnị ụvọ nị. Ohomorihi ộ wụ́ aduwa ẹnịnị, dị ọ́ mẹ ka ẹnịnị ẹ̀ nyị ẹbẹẹba Anihaga nịnị ẹnịrị avaba aza ana saasa wa nị.

Ijoovu 5:20

O vee sere wụ dị ụngwẹ ọ yị wụ wụ ini ụmẹ ụngwẹ. O vee sere wụ dị ịrẹkụ ẹ yị rị wụ.

Ahẹ Ụgama 147:11

Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị, agụvị ka ệ yẹ ka vi oō sì ịrẹyị ọza pooro nị.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ahẹ Ụgama 33:18

Ẹnẹyịmavara ô si eyi pè aza avaba ene ee hí angwa anị Avaba aza ana jẹẹ zi ọ, dị ẹ sị ayị tụra ayamva anị.

Ahẹ Ụgama 34:22

Ẹnẹyịmavara vaa dọ aza anịị tụ́ Avaba ọza ene zwe na vaka a ệ yẹ ka ẹnị ẹ sị há.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ahẹ Ụgama 84:12

Ẹnẹyịmavara Ochẹtẹẹngụ, aza ana sị ayị tụra wụ ẹ̀ nyarị ịrẹsụ ọyịza.

Ahẹ Ụgama 91:7

Wa nyẹngụ ee re aza otomiroku mèe su vaa hi ẹtẹ eyi ụvọ ọnyị ọsa, ama ẹ yị nyị ịsị aa kanyị ẹwụ.

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Ijeremaya 21:9

Ọza ana aa sị ahụ vaka ẹtẹ tu Ijerusarẹmị vị ọnị ịrẹkụ vaa rị; ẹ̀ yị vavọọ dị ụngwẹ à vị ụkụ wụ ọ. Ama ọza tụra ọza ana aa jịnẹ tụ ẹhẹ di ọ́ hụrẹ ẹngụ anịị ụvọ hẹẹ yị Anibabironi enee pe wa kụ ịrẹkụ booro aanị nị, e yi vee su.

Ijeremaya 38:2

Ẹnẹyịmavara kà, ịrẹkụ ụngwẹ, à vị ụkụ ọ́ vaa wụ̀ ọza tụra ọza ana àa yị yà ịnị ẹtẹ Ijerusarẹmị nị. Ama ọza ana àa sị ẹngụ anị ne chire Anibabironi ụvọ vaa yàra.

Aniroomi 2:12

Avaba aza ẹnẹ ẹ̀ yị yẹ ọda Aniju dị ẹ yaa mẹ ịvị nị, vị ene vee vu ẹtẹ; ama ayị vị ọda ọnọọ, a vaa sị mẹ̀ ọkarẹyị yị wa. Avaba aza ana rẹ yẹ ọda ọnọọ dị ẹ yaa yịị mẹ ịvị nị, vị ene re vee vu ẹtẹ; ọda ọnọọ a vaa sị mẹ̀ ọkarẹyị yị wa nị.

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.