Ọ kà ohinọyị Ịzẹdẹkaya ọ jị ọnị ẹngwa tụ ịzọọ nị, agụvị ka ọnị ộ va kà a ka Ẹnẹyịmavara kà ọnị vaa sị Ijerusarẹmị chire ohinọyị Ịbabịrọnị ụvọ dị ọọ nyị ẹbẹẹba ẹnịnị.
Ijeremaya ka, â nyị ọnọrụ ọnya aanị ana aā hị́ Ebedi-Ịmẹrẹkị, Anikusi ọ vị̀ nị, dị aa mẹ̀ ụkọrọ ịdị ohinọyị nị. Ọnọrụ ọnọnị ộ wụ ka asị ọnị ne ngụ ịkangga. Ụmẹ avọọ vị ọnị ohinọyị aa mẹ̀ ọkarẹyị enoze Ịbẹnjamịnị.
Taarụ ada ayị, vị aza ẹnẹnị aa chamayị kẹnẹ aanị nọ̀. Ẹ sị Ijeremaya ne ngụ ịkangga o. Ọnị ộ yẹ́ ka ịzọọ ee súu tụ nị, agụvị ka ẹ́ yị kụkụ nyị ịsọyịrị ịnị ẹkụra.
Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.
