Ijeremaya 38:23 - IWE ỌNỊNỊ

²³ Ijeremaya ka ọnị ộ rẹ kà a yị ohinọyị Izedekaya ka; a vaa kụ avaba ese ewu ẹnịrị ezi ewu tụ ẹhẹ yị Anibabironi nịnị. Ẹwụ ụvọta ẹ́ yị vaa haa hụrẹ wa ụvọ, ohinọyị Ịbabịrọnị vị ana vaa za awụ, dị aa rị ẹkụra ọnọnịị ịra.

Ijeremaya 38:23 ပူးပေါင်းရင်းမြစ်များ

2 Ohinọyị 25:7

Eyi Ịzẹdẹkaya â ya wụ̀ ezi anị, dị Inebukadineza ka a tụ́ ọ eyi, dị a tụ́ ọ ịchẹkẹchẹkẹ, dị a sị ọ nọ́ Ịbabịrọnị nị.

Ijeremaya 21:10

Ẹnẹyịmavara kà ọnị ọ́ sị ọ ka ka ẹkụra ọnọnị vị ọnị ọnị è vú ẹtẹ, ẹ yị yaa vọ. Ọ kà vị ọnị vaa hụrẹ Ijerusarẹmị ụvọ yị ohinọyị Ịbabịrọnị dị ọ rị ọ ịra nị.

Ijeremaya 32:4

Ẹnẹyịmavara kà, Ịzẹdẹkaya ohinọyị Ijuda ẹ́ yị vaa ha hụrị Anikaridi nịnị ụvọ. Ama a vaa za a nee chire ohinọyị Ịbabịrọnị ụvọ. Ọnịrị ọ vaa ha eyi tụra ẹngụ dị ẹyaa kà ịrẹyị.

Ijeremaya 34:3

Ẹnẹyịmavara kà ẹwụ Ịzẹdẹkaya ẹ yị vaa ha, vị á vaa za wụ dị aa sị ụ ne chiree ụvọ nị, ọ ka ẹwụrị ọ vaa và eyi ka ẹngụ, dị u re e dị ẹwụrị aa kà ịrẹyị; dị wa vaa nọ Ịbabịrọnị ọgọnị.

Ijeremaya 37:8

Ịjị ẹẹ sị varẹma, Anibabironi vaa kụ́ ịrẹkụụ vaavẹ ẹkụra ọnọnị dị ẹẹ zaa, dị ẹẹ rị ọ ịra.

Ijeremaya 38:18

Ama wẹ̀ yị hụrẹ ẹngụ awụụ ụvọ, ẹkụra ọnọnị vị ana vaa hụrẹ ụvọọ yị Anibabironi, dị ẹ rị ọ ịra. Ẹwụ ụvọta ẹ́ yị vaa há o.

Ijeremaya 38:24

Dị Ịzẹdẹkaya ka, asị ọnị zẹẹ ka ọzọnyị-ọzọnyị ọ̀ wụ́ ịrẹyị ẹnẹ ẹnị kà aanị o, dị asị á nyị ịsị ẹ mẹ̀ ọnị.

Ijeremaya 39:5

Ama dị isoja Anibabironi dụ wa, dị ẹ za Ịzẹdẹkaya ịnị orere ẹtẹ Ijeriko nị. Ẹnịnị ệ sị ọ ne tu Inebukadineza ẹkụra ana aā hị́ Iribira ịnị ẹtẹ Ihamati. Dị Inebukadineza mẹ̀ ọkarẹyị yị Ịzẹdẹkaya ịzọọ nị.

Ijeremaya 39:6

Ẹtẹ Iribira ịzọọ, ohinọyị Ịbabịrọnị yà, dị ọ́ wụ̀ avaba ezi Ịzẹdẹkaya ẹnịrị ọdọvịdị Anijuda nịnị eyi Izedekaya nị.

Ijeremaya 41:10

Dị ọ zá avaba ezi anẹẹ ohinọyị ọrịhị beri avaba aza ana vọ hi Imizipa nị. Aza ẹnẹẹ vị ọnị Inebuzaradani ka Igidarịya ò si eyi pee. Isimẹrị ộ za wa ọrịhị, dị ọ kụ wa zị oze Amọnị aa na nị.

Ijeremaya 6:12

Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Ezikẹẹrị 14:9

Àa nyị ọnịsẹ ene e vene dị o tụ́ ohi ẹnẹ ẹ̀ yị vị ịzẹyịza nị, ọnị Ẹnẹyịmavara o vene e nị. Ọnị vee vu ọnịsẹ ọnọọ ẹtẹ hụụnị akakana aza anị Anisirẹrị nịnị.

Ezikẹẹrị 17:15

Ama ohinọyị Ijuda ộ kụ̀ hịrẹ ohinọyị Ịbabịrọnị, dị ọ́ tụ aza nọ ẹtẹ Ijipiti ka ẹ na dọ umaata ọnịrị isoja tatarata va yị ọnị nị. Ẹnẹyịmavara kà wéé ro ka ọ vaa vị ọ mẹ? Ọ́ọ́ va nyẹngụụ rị ọ? Ẹ yị zụ jịnẹ ịrẹyị ọnị ọ dọ beri, dị a sị ọ rị ụya anị.

Ezikẹẹrị 43:3

Ọ kà ẹtẹ ọnị ọnị ré aanị vị ana sị mẹẹ anka ẹngụ ọnị ọnị ré ụmẹ ọnị Ohomorihi sị ve vú Ijerusarẹmị ẹtẹ. Ô re vene ẹngụ ẹtẹ ọnị ọnị ré ụtọ irehu Ịchẹẹba ụmẹ ọnya aanị. Dị ọnị ne ẹngụ anị nyẹtẹ, dị ọnị và eyi ku ẹtẹ nị.

Ịrịka 4:18

asị ẹ zẹ ka ezi Ikoha e vú ẹtẹ ịnị akakana Anireevi nịnị.