Ijeremaya 38:20 - IWE ỌNỊNỊ

²⁰ Ijeremaya ka, dị ọnị kà a yị ọ ka, ọza ẹ́ yị vaa hụrẹ ụvọ yị wa nị. Ọnị aa dá ịpẹẹ yị ọ ka ọ̀ mẹ ịsị Ẹnẹyịmavara kà ọnị ọ̀ kà yị ọ aanị. Ịjọnọọ ọ́ vaa rọ̀ ọ ẹngụ, dị ọ ha nị.

Ijeremaya 38:20 ပူးပေါင်းရင်းမြစ်များ

Oyinyima 12:13

Dị ọ ka agụvị avọọ ọ̀ kà a ka ọyịnyara anị ọnị vị nị. Wàa vavọọ kà, ẹ vaa hụ agụvị anị dị ẹ yị wụ ọnị dị e sì ọnị.

Oyinyima 19:20

Ọ kà aarịhịnị, ẹkụra ọsọọ ộ gụrị ẹtẹ, o yi noze. Ẹ navọ ọnị ò zwe nọ ịzọọ di asị ọnị sú. Ọ kà Ẹkụra chee ọ vị nị.”

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

Ụhịrẹyị 4:4

Ada amị ọ kà a yị mị ka asị mị hi ayị ịrẹyị anị. Ọ kà ma saasa a agụvị ẹhẹ amị o zee yị mị.

Ụhịrẹyị 7:2

Sị ụvọ za ịrẹyị amị dị ẹhẹ awụ o zoza. Sị eyi pe ịrẹyị amị anka ipapameyi meē sere igoreyi ọza avọọ.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ijeremaya 11:4

Ịrẹyị ọnị ọnị mẹ ọda anị yị ohiku ẹnịnị ọnị mẹ kụ wa hụrị ẹtẹ Ijipiti ọ vị ọnọọ nị. Ẹtẹ Ijipiti vị ana sị mẹẹ anka arasị ịrịịra avọọ yị wa. Ọnị ộ kà a yị wa ka ẹ wụ́ chire ọnị dị ẹẹ mẹ avaba ịsị ọnị mẹ ọda anị yị wa. Ọnị ka ẹnịnị vaa vị aza anị, dị ọnị vị Ohomorihi ẹnịnị.

Ijeremaya 11:8

Ama ẹnịnị ẹ yị wụ́ chire ọnị. Ẹnịnị ẹ yị wụ́ ịrẹyị anị. Dị ahịka ịsị ayị ọzọza ọọ ka yị wa kẹnẹ ẹ yaa saasa nị. Ayị ẹnịnị ọọ katẹngụ, avọọ o me divi nị. Ọ kà ọnị ộ kà a yị wa ka ẹnịnị ẹ̀ sị ụvọ za ịrẹyị ọnị ẹnị dọ beri ẹngụ tụ ịnị aanị ama ẹnịnị ê yi. Avọọ, ọnị aa sị avaba ụya ana ya ịnị anịị rị wa nị.

Ijeremaya 26:13

Ọ kà, aa nyị ka wa vara ẹhẹ ọnị waa ra nịnị ọnịrị ịsa ọnị waa mẹ nịnị, dị waa saasa ịrẹyị Ẹnẹyịmavara Ohomorihi awụ nịnị. Wàa vavọọ mẹ nịnị, ẹ́ yị kuku vee vu u nịnị ẹtẹ anka ọ mẹ kà a.

Ijeremaya 38:21

Ama Ẹnẹyịmavara ọ́ raa sị zụ ọnị ịsị e vee tù ọ, ọ̀ọ ka ọnị ẹ́ yị hụrẹ ẹngụ anịị ụvọ yị Anibabironi nịnị.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Emọsị 5:4

Ẹnẹyịmavara kà Anisirẹrị ẹ va ka ọnị vẹ dị ẹ zụ yara.

Emọsị 5:6

Ẹnẹyịmavara kà Isirẹrị ẹ varẹma ka ọnị vẹ. Agụvị avọọ ọnị vee hị́ wa hụrẹ ẹtẹ anka ịra mẹ rị ịsa avọọ nị. Ịbẹtẹrị ẹ yị vee re ọza ana vọrọ ka ọ dọ ọ tụ

Odeyi 26:29

Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”

2 Anịkọrịntị 5:11

Ya sị yẹ, a mẹmẹẹ̄ nyị angwahi Ananyị yị. Agụvị avọọ ị yaa da ịpẹẹ yị aza ka ẹ̀ va saasa a nị. Ohomorihi ộ yẹ yị ẹtẹẹtẹrẹ. Mee ro ka ẹwụ nịnị ọ rẹ yẹ yị ini ivehu awụ nịnị.

2 Anịkọrịntị 5:20

Ẹya vị odeyi Ikirisiti tụ́ ịzẹnị nị. Vị ọ sị mẹẹ ka Ohomorihi ụvọta aa zị oze ịnị ụvọ ayịị dá ịpẹẹ wụ nịnị aanị nị: “Yâ sị Ikirisiti dá ịpẹẹ wụ nịnị ka wa navọ Ohomorihi ọ̀ vara wụ nịnị ọta anị.”

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Ijemiisi 1:22

Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.