Ijeremaya 38:19 - IWE ỌNỊNỊ

¹⁹ Dị ohinọyị tụ́ ohi ka, angwa anẹkụra ẹnịnị ene zwe na vaka Anibabironi nịnị ee hí ọnị, agụvị ka á zụ hụrẹ ọnị ụvọ yị wa, dị ẹẹ sị ụya rị ọnị.

Ijeremaya 38:19 ပူးပေါင်းရင်းမြစ်များ

2 Ịtọpa 30:10

Ọnụtụ ẹnẹẹ ẹ ngụ avaba ẹkụra ene hi ịnị ẹtẹ Ehwireemi, ọnịrị Ịmanasẹ huu na ngụ ẹtẹ Izeburuni oze eyi ẹbẹẹba. Ama aza vị anaa nyị wa unyi dị ẹ yaa mẹ̀ wa isiya.

Inehemaya 4:1

Ịjị Ịsanbaratị wụ́ ọ ka yee tenyi ọvọ Ijerusarẹmị tụra, dị ayị anị sị du chuku-chuku nị. Dị aa sị yị mẹ enyinyi nị.

Ijoovu 31:34

Mé me hí angwa ka ịsị aza vaa kà; mẹ̀ ma sị irenu ku oku, à vị ka à sị mị nyayịnẹ jịnẹ hụụnị eehi, agụvị ka aza vaa kụ mị isiya.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Ijeremaya 20:7

Ijeremaya ka, tee! Ẹnẹyịmavara, ọ sị ọnị vene ọ, ọ ka, Ẹnẹyịmavara ọ nyị ụkata hu ọnị nị, ọ́ raa nyị ẹbẹẹba anị. Dị avaba ọza kụkụ ee nyi ọnị unyi eyinị-eyinị nị.

Ijeremaya 38:22

Ijeremaya ka ọnị ô re ka, aa kụ avaba anyẹnẹẹ ana vọ tụ ịnị eehi ohinọyị Ijuda tụ ẹhẹ yị ezida ohinọyị Ịbabịrọnị. Dị anyẹnẹẹ ẹnẹẹ kụkụ aa ka yị ẹwụ ohinọyị ka. Avaba ọta awụ ẹnị ụ sị ayị tụra ẹ̀ reè vene wu, dị ẹ nyị ẹbẹẹba awụ nị. Wa raa ngụ ụdọ booro aanị, ẹnịnị ẹ́ sị zwe.

Ijeremaya 38:5

Ohinọyị Ịzẹdẹkaya ô tụ́ ohi ka, ô zoza, ịsị ee ze wa eyi kẹnẹ ẹ̀ na mẹ̀ ọnị. Ọnị ẹ̀ yị za wa jẹ.

Ijeremaya 39:9

Ọdịrẹma anị, â nyị ọnọrụ ana aā hị́ Inebuzaradani ana vị ohirẹsụ isoja Anibabironi. Ộ kụ aza ana vọ hí Ijerusarẹmị beri aza ene zwe ne tu ọ ne hi Ịbabịrọnị, dị ẹ vị ọrịhị tụ ịzọọ nị.

Ịjọọnụ 12:42

Ama â hyakụ nyị ọdọvịdị Aniju nịnị ọrụrụ-ọrụrụ ana rẹ sị ayị tụra Ijeesu. Ama ẹnịnị ẹ yị sị tụra eyi agụvị Anihwarisi nịnị. Eyee hí angwa ka a va dụ ẹnị hụụnị irehi Ohomorihi Aniju nịnị.

Ọdọvịdị 16:25

Ịnẹ ẹnịnị o hine pooro ne tu ka ệ na owu ka a sị Ịsamịsịnị tu ẹhẹ dị ọ vaa sị aahẹ mẹ ẹnị unyi. Ịzẹyịza dị a hị́ Ịsamịsịnị jịnẹ hụrị ịnị irehi ẹngwa vẹ nị. Ịjị ọ vẹ, dị a sị ọ jẹ ịnị akakana ohinẹ irehi ọnọọ, dị Ịsamịsịnị aa nyị ẹzẹ zụ wa nị.

Ọdọvịdị 9:54

Obobooro ọnọọ, Abimẹrẹkị hị́ ọza ana aā kụ ẹnya ịrẹkụ anị gụ ọ ka ọ tụ ụ̀hwọ̀ anị dị ọ wụ ọnị. Ọ kà a mẹ vaa wụ́ ka ọnyẹnẹẹ ọ wụ ọnị nị. Ịzẹyịza dị ozi ahụ anị ọnọọ jị ụhwọ ngụ ẹngụ dị ọ wụ̀ ọ nị.

1 Ịsamụwẹrị 15:24

Dị Ịsọọrụ va kà a yị Ịsamụwẹrị dị ọ ka, “Ma sị ebira odivi mẹ̀, ma raà jịnẹ ọda ọnị Ẹnẹyịmavara mẹ̀ ọnịrị ịrẹyị ọnị ụ kà yị mị. Aza ana saasa mị nọ ịrẹkụ mi ne hí angwa anị, dị mị na dọ ooho yị wa nị.

1 Ịsamụwẹrị 31:4

Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị.