Ijeremaya 38:18 - IWE ỌNỊNỊ

¹⁸ Ama wẹ̀ yị hụrẹ ẹngụ awụụ ụvọ, ẹkụra ọnọnị vị ana vaa hụrẹ ụvọọ yị Anibabironi, dị ẹ rị ọ ịra. Ẹwụ ụvọta ẹ́ yị vaa há o.

Ijeremaya 38:18 ပူးပေါင်းရင်းမြစ်များ

2 Ohinọyị 24:12

Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị.

Ijeremaya 21:10

Ẹnẹyịmavara kà ọnị ọ́ sị ọ ka ka ẹkụra ọnọnị vị ọnị ọnị è vú ẹtẹ, ẹ yị yaa vọ. Ọ kà vị ọnị vaa hụrẹ Ijerusarẹmị ụvọ yị ohinọyị Ịbabịrọnị dị ọ rị ọ ịra nị.

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ijeremaya 37:8

Ịjị ẹẹ sị varẹma, Anibabironi vaa kụ́ ịrẹkụụ vaavẹ ẹkụra ọnọnị dị ẹẹ zaa, dị ẹẹ rị ọ ịra.

Ijeremaya 38:23

Ijeremaya ka ọnị ộ rẹ kà a yị ohinọyị Izedekaya ka; a vaa kụ avaba ese ewu ẹnịrị ezi ewu tụ ẹhẹ yị Anibabironi nịnị. Ẹwụ ụvọta ẹ́ yị vaa haa hụrẹ wa ụvọ, ohinọyị Ịbabịrọnị vị ana vaa za awụ, dị aa rị ẹkụra ọnọnịị ịra.

Ijeremaya 38:3

Ijeremaya ka ọnị aa kà a yị wa ka Ẹnẹyịmavara kà, ọnị vaa sị ẹkụra ọnọnịị chire Anibabironi nịnịị ụvọ, dị ẹnịnị zaa.

Ijeremaya 39:3

Ịjị ụvọ sị kara Anijerusarẹmị, dị avaba ezida ohinọyị Ịbabịrọnị ngụ eehi, dị ẹ́ yaatụ oze ịnị akakana ana aā zị ngụ ịnị ẹkụra nị. Aza ẹnẹnị ẹ vavọọ ngụ eehi nị: Inagari-Ịsarẹza, Ịsamịga-Inebo, Isasekimi, Inagari-Ịsarẹza ọsa beri ẹnị ọdọvịdị ịdị ohinọyị Ịbabịrọnị ana vọ.

Ijeremaya 39:8

Anibabironi nịnị ệ rị irehi ohinọyị Ijuda ọnịrị irehi aza ana vọ ịra, dị ẹnịnị wú ọvọ ana jị kara Ijerusarẹmị và hi ẹtẹ nị.

Ezikẹẹrị 12:13

Ẹnẹyịmavara kà ọnị vaa và ịrẹpaa zi ọ, dị ọnị za a, ọnị ọ̀ọ sị ọ za, dị ọnị sị ọ va ngụ Ịbabịrọnị. É yị ve re e dị ò sú tụ ịzọọ.

Ezikẹẹrị 17:15

Ama ohinọyị Ijuda ộ kụ̀ hịrẹ ohinọyị Ịbabịrọnị, dị ọ́ tụ aza nọ ẹtẹ Ijipiti ka ẹ na dọ umaata ọnịrị isoja tatarata va yị ọnị nị. Ẹnẹyịmavara kà wéé ro ka ọ vaa vị ọ mẹ? Ọ́ọ́ va nyẹngụụ rị ọ? Ẹ yị zụ jịnẹ ịrẹyị ọnị ọ dọ beri, dị a sị ọ rị ụya anị.