Ijeremaya 38:17 - IWE ỌNỊNỊ

¹⁷ Ijeremaya ka dị ọnị vaa kà a yị Ịzẹdẹkaya ka, Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, waa hụrẹ ẹngụ awụ ụvọ yị aza ohinọyị Ịbabịrọnị, ụ vaa há. Ọza ẹ̀ yị vaa rị ẹkụra ọnọnịị ịra. Ẹwụrị ovwoovu awụ vaa há.

Ijeremaya 38:17 ပူးပေါင်းရင်းမြစ်များ

Oyinyima 12:13

Dị ọ ka agụvị avọọ ọ̀ kà a ka ọyịnyara anị ọnị vị nị. Wàa vavọọ kà, ẹ vaa hụ agụvị anị dị ẹ yị wụ ọnị dị e sì ọnị.

2 Ohinọyị 24:12

Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị.

2 Ohinọyị 25:27

Ịnị Ịrayị ana tụ́ ọ ịrayị ohurẹẹwụ tụra ịhịmba ọnị a sị za Ijehoyakimi ohinọyị Ijuda ọrịhị, Evirimerodaki sị vị ohinọyị Ịbabịrọnị nị. Ịnị ẹkụhị ohurịhịmba ịnị ụhwẹ ẹwụrẹva anị Ijehoyakimi hụrẹ ẹ hụụnị ẹngwa nị.

1 Ịtọpa 17:24

Ọ kà Ẹnẹyịmavara vaa daa ngụrẹyị kẹnẹ, dị avaba aza aa kà a pooro ka Ẹnẹyịmavara Ochẹtẹẹngụ ọ vị Ohomorihi Anisirẹrị nịnị nị. Ọnị ọ ka ọnị vee sere ezi anị yị ọnị nị.

Ẹzịra 9:4

pooro ne tù ụmẹ ịsọvọ oruva nị. Dị avaba aza ana wụ ịsị Ohomorihi Anisirẹrị vịdị ka ịnị ịpa ịvị ọnị aza ana hụrị Ịbabịrọnị vavẹ aanị mẹ, va gụ kara mị nị.

Ijoovu 23:13

Ama Ohomorihi ọ mā vara. Ẹnẹ zụ za a ka asị ọ mẹ ene zee eyi?

Ahẹ Ụgama 80:14

Ohomorihi Ochẹtẹẹngụ, navọ wa và kà yị vẹ. Navọ wa kana eyi hụrẹ ẹbẹẹba di we re, navọ wa sị eyi pè ọchị ịvayịnị ọnọnị.

Ahẹ Ụgama 80:7

Ohomorihi Ochẹtẹẹngụ, navọ wa vayị ayị dị ya zụ há.

Ijeremaya 27:12

Ijeremaya ka ọnị ộ rẹ vavọọ kà a yị Ịzẹdẹkaya ohinọyị Ijuda ka, ọ̀ọ ka ọnịrị aza anị ẹ yàra, ọ̀ wụ́ chire ohinọyị Anibabironi, dị ẹẹ kụkụụ hẹkẹ ẹ.

Ijeremaya 27:17

Asị ụ wụ́ ịrẹyị ẹnịnị o! Hụrẹ ẹngụ awụ nịnị ụvọ yị ohinọyị Anibabironiya dị wa yara nịnị. Sị ẹ vẹ dị aa vaa hụ aza hụrị ẹkụra ọnọnị kẹnẹ-kẹnẹ?

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ijeremaya 38:2

Ẹnẹyịmavara kà, ịrẹkụ ụngwẹ, à vị ụkụ ọ́ vaa wụ̀ ọza tụra ọza ana àa yị yà ịnị ẹtẹ Ijerusarẹmị nị. Ama ọza ana àa sị ẹngụ anị ne chire Anibabironi ụvọ vaa yàra.

Ijeremaya 39:3

Ịjị ụvọ sị kara Anijerusarẹmị, dị avaba ezida ohinọyị Ịbabịrọnị ngụ eehi, dị ẹ́ yaatụ oze ịnị akakana ana aā zị ngụ ịnị ẹkụra nị. Aza ẹnẹnị ẹ vavọọ ngụ eehi nị: Inagari-Ịsarẹza, Ịsamịga-Inebo, Isasekimi, Inagari-Ịsarẹza ọsa beri ẹnị ọdọvịdị ịdị ohinọyị Ịbabịrọnị ana vọ.

Ijeremaya 40:9

Igidarịya ộ kà a yị wa ka, asị ẹnịnị hí angwa ọ̀ yị hụrẹ ẹngụ ẹnịnị ụvọ yị Anibabironi nịnị. Ọ kà ẹnịnị ẹ̀ yaatụ ịnị ẹkụra ẹnịnị dị ẹ̀ sị ịrẹsụ yị ohinọyị Ịbabịrọnị ka ọ vaa rọ̀ wa ẹngụ.

Ijeremaya 44:7

Ẹnẹyịmavara Ochẹtẹẹngụ, Ohomorihi Anisirẹrị ka, ọnị aa họ̀ wụ nịnị ka, sị ẹ vẹ dị waa mẹ ẹngụ ịsa edivi ẹnẹnị hi ẹngụ awụ nịnị aanị? Vị́ wee si ka we vú ẹngụ awụ nịnị ẹtẹ, dị asị a nyị ọza ana kụkụ vọ nị?

Ezikẹẹrị 8:4

Ezikẹẹrị ka ọnị mẹ ya ịzọọ, oni ô re ẹtohweyi anaa za chanyị-chanyị ana sị zụ ka Ohomorihi Anisirẹrị nịnị yà ịzọọ. Avọọ ọnị mẹ vịdị re e ọnị mẹ ya ụtọ irehu Icheba nị.

Emọsị 5:27

avọọ Ẹnẹyịmavara ana vị Ohomorihi ọga isoja vaa navọ ka aa za wa ọrịhị na aha ana para Ịdamasịkọsị huu.