Ijeremaya 37:7 - IWE ỌNỊNỊ

⁷ ọnị, Ohomorihi Anisirẹrị nịnị ka; ọnị ọ̀ kà a yị ohinọyị Ijuda ana tụ ọnị ve tu ọnị avọọ ka: isoja Anijipiti yà oze aa vẹ vaa gụ wa ụvọ, ama ẹnịnị vaa vàa nọ eehi ẹnịnị.

Ijeremaya 37:7 ပူးပေါင်းရင်းမြစ်များ

2 Ohinọyị 22:18

Aa vị ohinọyị Ijuda ụvọta yọ, Ẹnẹyịmavara Ohomorihi Isirẹrị kà yị. Ọ kà ộ wụ́ ịrẹyị ana chẹrẹ tụ́ ini iwe ọnọọ,

2 Ohinọyị 24:7

Ohinọyị Ijipiti ọnịrị isoja anị nịnị ẹ yị vana jịnẹ hụrẹ ẹkụra tụ́ ẹhẹ agụvị ka ohinọyị Ịbabịrọnị ộ raa dọ ẹtẹ anị hụrị irehu Iyuhwuretisi na ngụ irehu Ijipiti.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 30:7

Mị ka ệ kụ́ ọ aa nọ Ijipiti ana ahịka ẹ yị va zụụ gụ wa ụvọ vụrụ-vụrụ. Agụvị avọọ m maa sịị hị́ Ijipiti Ịrahabị nị. Ọnị ọ vị ka ẹ yị nyị ịsị ọ zụ mẹ.

Ayịsaya 36:6

Dị ọga isoja ọnọọ rẹ ka ohinọyị Asiriya ka à họ̀ wa ka a vi Anijipiti ẹ sị eyi kà a? Ọ kà Anijipiti vi okutẹ ẹpọmọ, ọza òo che ayị za a, di o che, dị ọ varẹma há kụ́ ọ ụvọ. Ọ kà avọọ Íhwarawo ana vị ohinọyị Anijipiti mẹ̀ vaa tẹ avaba aza ana sị ayị tụra a nị.

Ijeremaya 2:18

Ọ kà, ọgụ sị ụ va rị nịnị ịnị enyi ịnị irehu Ịnayịrị ọnị ụ nọ Ijipiti ne hú nịnị booro aanị? Ọgụ sị ụ rị nịnị ịnị enyi ịnị irehu Iyuhwireti ọnị ụ nị Asiriya ne hú nịnị?

Ijeremaya 2:36

Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Ijeremaya 2:37

Ụhị-ụhị ụ vaa sị hụrẹ Ijipiti nịnị. Ẹnẹyịmavara kà aza ọnị ụ sị ayị tụra nịnị avọọ vị ọnị ọnị yi tịtẹ. Ẹ yị nyị ọgụ ịsị ụ vaa rị hụụnị ụvọ ẹnịnị.

Ijeremaya 21:1

 nyị ohinọyị Ijuda ọnyaa ana aā hị́ Ịzẹdẹkaya. Ẹkụhị ọnya dị ọ́ tụ ọnọrụ ana aā hị́ Ipasihuri ana vị ozi Imikaya ọnịrị Ịzẹhwanaya ozi Imaseya ne tu Ijeremaya nị. Ịzẹhwanaya vị ohirẹsụ irehi Ohomorihi.

Ijeremaya 21:2

Ẹnịnị ê ne tu Ijeremaya dị ẹ́ ka, aarịhịnị, ò pe ẹnị pe Ẹnẹyịmavara kà ịrẹyị agụvị ka Inebukadineza ohinọyị Ịbabịrọnị ọnịrị Isoja anị ẹ́ raa kụ ịrẹkụ ee vee tu Ijerusarẹmị. Ẹ ka ẹyịyara, Ẹnẹyịmavara vaa mẹ ịvọpa yị ẹnị dị ọ dụ Inebukadineza varẹma.

Ijeremaya 37:3

Ijeremaya ka, ohinọyị Ịzẹdẹkaya ộ tụ ọnọrụ ọnya aanị ana aā hị́ Ijehukari, ozi Iseremaya beri Ịzẹhwanaya ozi Imaseya ve tu ọnị. Ịzẹhwanịya ọnị vị ohirẹsụ irehi Ohomorihi. Ọ kà, aarịhịnị, ọnị ò pe ẹnị mẹ̀ aduwa hi Ẹnẹyịmavara, Ohomorihi ẹnịnị de.

Ijeremaya 37:5

Ezirẹkụ Anibabironiya nịnị vị ana kara Ijerusarẹmị okiri-okiri ụmẹ avọọ. Ama ịjị ẹnịnị wụ́ ka isoja Ihwarawo ohinọyị Ijipiti aa vẹ, dị ẹnịnị si zwe varẹma nị.

Ijeremaya 37:6

Ijeremaya ka, dị Ẹnẹyịmavara va kà a yị ọnị ka,

Arụwẹ 1:7

Anijerusarẹmị maa rị ụya, ẹ kụkụ aa tamayị ẹhẹ ọyịza-ọyịza ene ẹnị ra ịyẹẹyẹ. Ịjị ụvọ ọnịvị ẹnịnị ku wa, ẹnịnị e yi re ọza va gụ wa ụvọ, dị ọnịvị ẹnịnị kụkụ è nyị wa unyi nị.

Arụwẹ 4:17

Eyi ayị ọ sị jị tụ oze i mee sì ọnọgụvọ ọnị ye yi ve re. Ẹnị ee zi ọgụvọ pooro ne tu ka ẹnị ee zi anẹkụra ẹnị ẹ̀ yị nyị ịsị ẹ zụ mẹ ka, ẹ̀ va gụ ẹnị ụvọ.

Ezikẹẹrị 17:17

Ịjị Anibabironi nịnị ẹẹ kụ́ ịrẹkụ tu ọ, dị e gu ịsa jẹẹ na hịrẹ ọvọ ẹnịnị nị. Ịjị ẹnịnị ẹẹ chị́ ụsị ọ̀ yị wụ̀ aza và ha, ohinọyị Ijipiti ọnịrị isoja anị tatarata ẹ́ yị va zụụ gụ ọ ụvọ.

Ezikẹẹrị 29:16

Anisirẹrị nịnị ẹ́ yị ma vanaa và ẹngụ ya wa. Ịsị e tu Anijipiti nịnị vaa mẹ ka Anisirẹrị nịnị ẹ̀ yẹ ka, ẹ́ yị vọrọ ka ẹnị ẹ̀ sị ayị tụra wa. Anisirẹrị nịnị vaa yẹ ịjọnọọ ka ọnị ọ vị Ẹnẹyịmavara Ochẹtẹẹngụ nị.

Ezikẹẹrị 30:22

Booro anị, ọnị Ẹnẹyịmavara kà, ọnịvị ohinọyị Ijipiti ọnị vị̀ nị. Ọnị vee che e ụvọ anị ẹyịva ene zoza ọnịrị ene vịdị che. Ụhwọ anị vaa jị ọ ụvọ.