Ijeremaya 37:18 - IWE ỌNỊNỊ

¹⁸ Ijeremaya ka ọnị ộ varẹma họ̀ ohinọyị Ịzẹdẹkaya use ka, ebira odivi sị ọnị mẹ hi ọ ọnịrị ọdọvịdị anị nịnị, sị ọnị mẹ aza, ọnị asị jị ọnị ẹngwa kẹ?

Ijeremaya 37:18 ပူးပေါင်းရင်းမြစ်များ

Oyinyima 31:36

Ayị ọ sị kụ́ Ijekọvụ dị ọ ka, “Sị ọnị mẹ̀ ẹ? Ye re ịsa odivi ọnị ọnị mẹ dị ọ maanị kụ́ chire ọnị ịrịịra.

Ụhịrẹyị 17:13

Ọza anaā sịị ọhịmị sị atọ ọyịza, ịrẹyị odivi ẹ yị mā vana ta hụrẹ irehi pàá.

Ụhịrẹyị 17:26

Ẹ́ yị zoza ka àa dà ọza ọnị ẹ̀ yị nyị ịsị ọ mẹ ẹkẹhị. Ẹ́ yị mẹ ka aa sị ụya rị ọza ọyịza.

Ijeremaya 26:19

Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ịdanịyẹrị 6:22

Ọ kà, Ohomorihi ộ tụ anggẹẹrị anị va sị ịsa kú idu nịnị irenu ka asị ẹ zụ mẹ̀ ọnị ịrẹyị. Agụvị ka ộ yẹ ka ẹ yị nyị odivi ọnị ọnị mẹ, dị ẹ̀ yị rẹ nyị odivi ọnị ọnị mẹ hi ẹwụ ohinọyị nị.

Ịjọọnụ 10:32

Dị Ijeesu ka, “Ma raà mẹ̀ ụkọrọ ozoza-ozoza éyi awụ nịnị ana Ada amị sị ụkata mị ka ma mẹ. Ye re ana a vọrọ ka we si ne mi ịrẹta ịnị ụkọrọ ẹnẹẹ nịnị?”

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 24:16

Dị maa sịị vụrị ka me re ka ayị amị ộ nị ọ́vịdị Ohomorihi ọnịrị aza nị.

Odeyi 25:11

Màa jịnẹ ọda, dị mị mẹ̀ ịsaa vọrọ ka à sị wụ̀ mị nị, mẹ yị kà ka asị aa wụ̀ mị. Ama àa vị ireche kẹnẹ ị́rẹyị ẹnịị vị nị, ẹ yị nyị ọza ana nyẹngụ sị mị chire wa ụvọ. Maa sị ịrẹyị amịị nọ ịda ohinọyị Aniroomi.”

Odeyi 25:25

Ama me yi re ka â nyị ịsị ọ mẹ anaa vọrọ ka à sị wụ ọọ. Ọnị ụvọta ka ọnị aa sị ịrẹyị anịị nọ ịda Ọgọsịtọsị. Ma raà sị tụ́ ịnị ayị ka maa sị ọọ na.

Odeyi 25:8

Dị Ịpọọrụ rẹ kụ́ irenu anị, dị ọ ka, “Mẹ yị mẹ̀ ịsa odivi hi ọda Aniju nịnị, mẹyị rẹ mẹ̀ ịsa odivi hi irehi Ohomorihi, àa vị ohinọyị Aniroomi.”

Odeyi 26:31

Ẹ mẹ̀ hụụ ịzọọ, dị ẹyaa kà a yị ẹngụ ka, “Ẹ yị nyị ịsị ọnọrụ ọnọnị mẹ anaa vọrọ ka à sị wụ ọọ. Ẹ yị hyakụ vọrọ ka à sị ọọ tụ́ ịnị ẹngwa bẹẹ.”

Anigaratiya 4:16

M máá kụkụ sị vara ọnịvị awụ nịnị agụvị ka maa kà ịzẹyịzaa wụ nịnị nị?