Ijeremaya 36:9 - IWE ỌNỊNỊ

⁹ Ịnị ụhwẹ ọhụhị ịrayị ọhụhịịna ọnị Ijehoyakimi rị ohinọyị Ijuda, aza ệ ba awẹ ka ahịka Ẹnẹyịmavara vaa vayị ẹnịnị. Avaba aza ana ra hi Ijerusarẹmị ẹnịrị aza ana hụrị aha irenyi-irenyi ẹtẹ Ijuda vẹ, ẹ ba awẹ ọnọọ nị.

Ijeremaya 36:9 ပူးပေါင်းရင်းမြစ်များ

2 Ịtọpa 20:3

Ịjị ọ maanị wụ́ ọ kẹnẹ, dị angwa hi ọ, dị ọ aduwa ka Ẹnẹyịmavara ọ sị oze zụ ẹnị nị. Dị ọ kà avaba Anijuda ẹ za awẹ,

Inehemaya 9:1

Ịnị ẹkụhị ohurẹwụrẹna ịnị ụhwẹ ịhịmba ịrayị, Anisirẹrị nịnị ệ kụ ẹngụ gụ, dị ẹ za awẹ, dị ẹ kụ edudu ku ịrẹsụ ana sị zụ ka ayị ẹnịnị ô du agụvị ịvị ẹnẹ ẹ mẹ nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ijeremaya 36:1

Ijeremaya ka, ana tụ ọ ịrayị ọhụna ọnị Ijehoyakimi ozi Ijosaya rị ohinọyị Ijuda, Ẹnẹyịmavara ộ kà a yị ọnị ka,

Ijeremaya 36:22

Ụmẹ ọgụ ọ́ vị nị. Â nyị ịzị ohinọyịị yị ịnị irehi anị ụmẹ ọgụ. Dị ọ̀ yaatụ aa wà ịra ana a kà tụ ọvịdị anị nị.

Ijeremaya 36:6

Ama ọnị ee si ka ọ̀ nọ ịzọọ ịhị aza aa ba awẹ. Òo tu ịzọọ dị ọ̀ jẹẹ ịzị avaba aza vaa zụụ wụ́ ọngwẹ anị, dị ọ̀ kà avaba ịrẹyị ọnị Ẹnẹyịmavara kà yị ọnị, ọnị ọnị kà yị ọ, dị ọ chẹrẹẹ tụ ịnị iwe ọgọdọ aanị. Ọnị ka ọ̀ kà a boro-boro dị avaba Anijuda ana hụrẹ ẹkụra irenyi-irenyi vẹ ịzọọ ẹ̀ wụ́.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 1:14

Hị́ ịragụ gụ Mẹ̀ ẹ ọda ka a za awẹ. Kụ́ azọkụ ọnịrị avaba anijuda nịnị gụ ịnị irehi Ẹnẹyịmavara Ohomorihi ẹnịnị, dị ee sụ́ ùnè hi Ẹnẹyịmavara ẹngụ.

Ireevi 23:27

ịhị ẹ tụ ọ ẹkụhị ẹẹwụ ịnị ụhwẹ ọhụhịmba ọnọnị ọ vị ẹkụhị ọbanyị ana aā sịị vagu ịvị yị aza nị. Ẹkụhị ẹnẹ ẹnịnị vaa sị waraa gụụ hẹkẹ ọnị ọ vị nị. Ọ kà ẹkụhị ọnọọ vị ẹnẹ ẹnịnị vaa sị awẹ, dị ẹnịnị va mẹ̀ ịsọvọ ana aa rị ịraa hi Ẹnẹyịmavara.

Ijona 3:5

Ịjị Anininivẹ nini wụ́ enube ọnọnị, dị ẹ dọ Ohomorihi wụ́, dị ẹ̀ nọ̀ ọ ka ọzọza ọ za awẹ agụvị avọọ nị. Dị ọzọkụ hi ozweyi ẹnịnị kụ ẹnya anaā sịị zụ ka ẹ yaa zị ẹngụ nị.

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.

Ọdọvịdị 20:26

Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị.

1 Ịsamụwẹrị 7:6

Ịzẹyịza di Anisirẹrị wara gụ Imizipa nị. Dị ẹ dà enyi dị ẹ ká a hi ẹtẹ yị Ẹnẹyịmavara nị. Dị ẹ ba awẹ ịhị ọnọọ dị ẹ yaa dọ irenu ebira odivi ẹnẹ ẹ mẹ nị. Dị ẹ ka, “Ẹnẹyịmavara, ya raà mẹ akụvị ka wụ vẹ.” Imizipa ịzọọ Ịsamụwẹrị yà dị ahịka ọnị ọ vị ọdọvịdị Anisirẹrị nị.