Ijeremaya 36:4 - IWE ỌNỊNỊ

⁴ Ijeremaya ka, ịzẹyịza, dị ọnị hị́ Ibaruki ana vị ozi ọnọrụ ana aā hí Ịnẹraya, dị ọnị za avaba ịrẹyị ọnị Ẹnẹyịmavara kà yị ọnị ịrịka hi ẹtẹ yọ nị. Dị Ibaruki chẹrẹ wa hi ịnị iwe gọdọ ọnọọ nị.

Ijeremaya 36:4 ပူးပေါင်းရင်းမြစ်များ

Ayịsaya 30:8

Ohomorihi ka ma chẹrẹ ebira ana aza ẹnẹẹ aa mẹẹ tịtẹ. Ọ kà iwe ọnọọ ọ vaa vị ivenu pooro zịna-zịna ịrẹma ụhwọọ nị ka aza edivi aza ẹnẹẹ vị nị.

Ayịsaya 8:1

Ẹnẹyịmavara kà ma na sị ọparị ọgana ọnya aanị ana aā chẹrẹ ịsaa tụ́, dị ma chẹrẹ ịsa nyanggada-nyanggada tụ́ ọ. Ịsị ọ ka ma chẹrẹ tụ́ ọ yị: “Ịmahẹrị-Ịsararị-Ịhasị-Ịbazị ọ nyị nị.”

Ijeremaya 25:13

Ẹnẹyịmavara kà avaba ẹngụkata odivi ọnị ọnị wo oto ka ọnị vaa kụụ tu ẹkụra ẹnẹnị ịnị ịrẹyị ọnị ọnị ka yị Ijeremaya avọọ, ọnị vaa sị sị ụyaa rị Ịbabịrọnị nị. Á mẹ chẹrẹ ẹ tụ ịnị iwe gẹdẹ-gẹdẹ avọọ ọnị vaa mẹ̀ ẹ nị.

Ijeremaya 30:2

Ọ̀ chẹrẹ avaba ịrẹyị ọnị ọnị kà yọ tụ ịnị iwe,

Ijeremaya 32:12

Ọ kà, ọnị ộ kụ iwe ẹnẹnị yị ọnọrụ ana aā hị́ Ibaruki ana vị ozi Ineraya dị ọ vị aazị Imaseya. Ijeremaya ka eyi Ihanameri ọnịrị ẹnị onivenu ana a sị ụvọ tụ ịnị iwe ana a sị hị́ ẹtẹ ọnọọ, ọnịrị eyi avaba aza ana yaatụ ịnị ohweje ohinọyị ọnị ku iwe ọnọọ yọ nị.

Ijeremaya 36:14

Dị ẹnị ọdọvịdị ẹnẹnị tụ ọnọnị ana aā hị́ Ijehudi ozi Inetanaya ne tu Ibaruki nị. Ijehudi ọnọnị vị aazị ọnọrụ ana aā hị́ Isẹrẹmaya, dị ọ vị ẹmaazị ọnọrụ ana aā hí Ikusi nị. Ẹ ka, ọ̀ kà a yị Ibaruki ka ọ̀ sị iwe ọnị ọ kà yị aza vẹ o. Ịzẹyịza dị Ibaruki sị ọ ve tu wa nị.

Ijeremaya 36:21

Dị ohinọyị tụ́ Ijehudi ka ọ̀ na sị iwe ọnọọ vẹ nị. Dị ọ́ na sị ọ hụụnị aku Erisama nị. Ộ kà a zụ ohinọyị ọnịrị ezi ahụ anị ana jẹẹ pe e ịzọọ.

Ijeremaya 36:23

Ijehudi ộ maanị ka ohu ẹẹta à vị ẹẹna avọọ kẹnẹ, dị ohinọyị rẹ sị ụhwọ na wa và hí ịra. Avọọ ọ mẹ mẹ pooro dị ọ rị avaba iwe ọnọnị ịra nị.

Ijeremaya 36:26

Ama dị ọ tụ ozi anị ọnya ana aā hị́ Ijerahimẹẹrị beri anọrụ ana aā hị́ Iseraya ozi Azireri ọnịrị Iseremaya ozi Abideeri ka ẹ̀ na za Ibaruki ọnịrị Ijeremaya ana vị ọnịsẹ vẹ nị.

Ijeremaya 36:27

Ijeremaya ka, ohinọyị Ijehoyakimi mẹ raa rị iwe ọnị Ibaruki chẹrẹ ịrẹyị ọnị nị ka yị ọ tụ ịra, Ẹnẹyịmavara ộ kà a yị ọnị ka,

Ijeremaya 36:28

ọnị ọ rẹ si iwe ọgọdọ ọsa, dị ọnị ọ̀ chẹrẹ avaba ịsa ana a vịdị chẹrẹ hi ịnị ịpaapa tụ ọ.

Ijeremaya 36:32

Dị ọnị sị iwe ọgọdọ ọsa yị Ibaruki anaa chẹrẹ ịsaa yị ọnị nị. Ộ chẹrẹ avaba ịrẹyị ọnị ọnị ka yọ. Avaba ịrẹyị ana yị ịnị iwe ịpaapa ọnịrị ịrẹyị ana vọ ọnị ọnị ka yọ vị ọnị ọ chẹrẹ saka-saka.

Ijeremaya 36:6

Ama ọnị ee si ka ọ̀ nọ ịzọọ ịhị aza aa ba awẹ. Òo tu ịzọọ dị ọ̀ jẹẹ ịzị avaba aza vaa zụụ wụ́ ọngwẹ anị, dị ọ̀ kà avaba ịrẹyị ọnị Ẹnẹyịmavara kà yị ọnị, ọnị ọnị kà yị ọ, dị ọ chẹrẹẹ tụ ịnị iwe ọgọdọ aanị. Ọnị ka ọ̀ kà a boro-boro dị avaba Anijuda ana hụrẹ ẹkụra irenyi-irenyi vẹ ịzọọ ẹ̀ wụ́.

Ijeremaya 43:3

Ẹnịnị ka Ibaruki ozi Ineraya aa tụ ọnị ịrẹyị tu ẹnị nị. Ẹ ka, vị ee si ka à kụ ẹnị chire Anibabironi ụvọ, dị ẹ̀ wụ ẹnị, dị ẹ̀ kụ ẹnị ana vọ ne hi Ịbabịrọnị nị.

Ijeremaya 51:59

 nyị ọza ịnyara aanị ana aā hị́ Iseraya. Ada anị aā hị́ Ineraya nị. Dị ọ vị aazị Imaseya nị. Iseraya ọnọnị ọ vị ọza anaa gụ ohinọyị Ịzẹdẹkaya ụvọ nị. Ịnị ịrayị ọhụna ọnị Ịzẹdẹkaya rị ohinọyị Ijuda, dị Iseraya saasa a aa nọ Ịbabịrọnị nị. Ijeremaya ka, ẹ maa na, dị ọnị maanị tụ Iseraya ụtụ nị.

Ijeremaya 51:60

Ijeremaya ka ọnị ộ chẹrẹ avaba ụya ọnị Anibabironiya nịnị vaa rị beri ịrẹyị ana vọ ịnị ịpa Ịbabịrọnị tụ ịnị iwe.

Ezikẹẹrị 2:9

Ezikẹẹrị ka ọnị ô ré ka ọza ộ tana ụvọ hi ọnị, dị ọza ọnọọ sị iwe ọgọdọ ana chẹrẹ ịsa hi rị ụvọ nị.

Ịdanịyẹrị 7:1

Ịnị ịrayị ịpaapa ọnị ọnọrụ anaā hị́ Iberisaza rị ohinọyị ẹtẹ Ịbabịrọnị. Ịdanịyẹrị ka ọnị me hụtẹtẹ dị ọnị aa sụ̀ ara, ọnị ộ rá ụra, dị a nyị ẹtẹ ọnị ọnị re nị. Ọ kà ọnị ộ chẹrẹ ụra ọnọọ ọnịrị avaba ẹtẹ ọnị ọnị ré tịtẹ.

Ịzakaraya 5:1

Ịzakaraya ộ rẹ kana eyi va hịrẹ di o re iwe ene hira

Aniroomi 16:22

Ẹmị Ịtẹtịyọsị ana chẹrẹ iwe ọnọnị, mâ sị Ananyị yị kụ́ wụ nịnị.