Ijeremaya 36:26 - IWE ỌNỊNỊ

²⁶ Ama dị ọ tụ ozi anị ọnya ana aā hị́ Ijerahimẹẹrị beri anọrụ ana aā hị́ Iseraya ozi Azireri ọnịrị Iseremaya ozi Abideeri ka ẹ̀ na za Ibaruki ọnịrị Ijeremaya ana vị ọnịsẹ vẹ nị.

Ijeremaya 36:26 ပူးပေါင်းရင်းမြစ်များ

1 Ohinọyị 17:3

“Hụụ ịzẹnị wa na, dị wa yá ịzị oze ọnị ọyịị̄ zịị̄ hụrẹ dị wa na tẹ̀ ini orosi ana aā hị́ Ikiriti. Orosi ọnọọ yà akẹnẹ Okuha Ịjọdanị.

1 Ohinọyị 17:9

“kwẹẹtẹ dị waa nọ Ịzarẹhwatị ịnị ẹtẹ Ịsịdọnị, dị wa na yà ịzọọ. Ma raà mẹ ọda yị ọnẹẹ ọnya aanị ana vị osoku ana yà ịzọọ ka ọ̀ọ sị ịsọyịrị va yị wụ.”

1 Ohinọyị 18:4

Ịnị ụmẹ oni Ijezebẹrị hyakụ aa sị wụ ọnịsẹ Ẹnẹyịmavara, Ọbadaya ộ kụ́ ọnịsẹ ẹchẹhị, dị ọ gà wa ẹvarẹwụ-ẹvarẹwụ dị ọ vavọọ kụ́ wa hi ịzọọ, dị aa sị ịsọyịrị naa yị wa nị.

1 Ohinọyị 19:10

Di Erija ka, “ụhị vị ọnị mị nyayịnẹ aa kụ̀ agụvị Ẹnẹyịmavara ana vị Ohomorihi anaā kụ̀ ịrẹkụ. Ịrẹyị ẹnị ẹmịrị Anisirẹrị kà tịtẹ, ẹ sị và hụụnị anị, atakuji ịzị a yàa mẹ̀ ịsọvọ wụ, e si o wú và ha, dị ẹ rẹ za ọnịsẹ awụ dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yèe si ka ẹnị ẹ̀ hyakụ dọ mị ụhwẹ bẹẹ nị.”

1 Ohinọyị 19:14

Di Erija ka, “Ụhị vị ọnị mị nyayịnẹ aa kụ̀ agụvị Ẹnẹyịmavara ana vi Ohomorihi anaā kụ̀ ịrẹkụ. Ịrẹyị ẹnị ẹwụrị Anisirẹrị kà tịtẹ, ẹ sị và hụụnị anị, atakuji ịzị a yàā mẹ̀ ịsọvọ wụ, e si o wú va ha, dị ẹ rẹ za ọnịsẹ awụ, dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yee sì ka ẹnị ẹ̀ hyakụ dọ mị ụhwẹ bẹẹ nị.”

1 Ohinọyị 22:26

Di ohinọyị Anisirẹrị ka, “Za Imikaya ọnọọ nịnị, dị wa sị ọ varẹma nọ Amọnị ịda Ịgọvọnọ ana sị eyi pe ẹkụra ọnịrị ịda Ijowasi ana vị ozi ohinọyị.

2 Ohinọyị 11:2

Ama â nyị ọnẹẹ ọnya ana aa hị́ Ijehosẹba, ozi ohinọyị Ijorami, dị ọ vị onyeyiza Ahaziya nị. Ộ sị Ijowasi ozi Ahaziya hụrẹ ẹngụ ezi ohinọyị ana vọ ana aa vaa wụ̀; dị ọ sị ọnịrị ọza anaa tẹsị anị na tẹ̀ ịnị aku nị. Avọọ ọ mẹmẹ sị ọ tẹ yị Atarịya, dị ọ̀ yị rẹ va zụ wụ ọ nị.

2 Ịtọpa 18:26

Wèe tù ịzọọ dị ụ kà a ka mị ka à sị ọ tụ́ ịnị ẹngwa, dị waa dà ịsa kiiki yọ, dị wa rẹẹ sị enyi chee yọ. Ọ̀ vavọọ yà ịzọọ pooro dị ma vavẹ ịnị ẹngwọọrọ.”

Ahẹ Ụgama 105:15

asị ẹ sị ụvọ kanyị aza anị. Ọ rẹ ka asị a nyị ịsị ẹ sị mẹ ọnịsẹ anị.

Ahẹ Ụgama 121:8

Wàa jịnẹ wàa ngụ eehi, Ẹnẹyịmavara vi ene vee sere wu hụrẹ ọyaanị pooro zịna-zịna.

Ahẹ Ụgama 27:5

Mâ yẹ ka ịhị ịrẹyị ọ̀ọ vẹ, ọ vaa sị mịị tẹ ini eehi anị ịzọọ. Ini eehi anị ọnọọ ọ vaa sị mịị tẹẹ tụ́, dị ẹ yị nyị ịsị ẹ zụ kanyị mị nị.

Ahẹ Ụgama 32:7

Ohomorihi, ịda awụ mi zwe va tẹ nọ mâ yẹ ka ụ va dọ mịị hụụnị akanya dị maa jị ahẹ ka wa sị mị dọ tụ́.

Ahẹ Ụgama 57:1

Ohomorihi, aarịhịnị kwogwo navọ wa vayị amị Wâ yẹ ka ẹwụ mi zwe va vaka nị Ịda awụ m maa vakaa tụ́ pooro dị avaba ẹtẹ ana aa sụ́ kúkùkù ọ̀ ta nị.

Ahẹ Ụgama 64:2

Aza edivi ẹ kụ́ wara gụ, ẹ yaa kụ́ ịrẹka ẹ màa gẹ eyi amị Navọ asị ụ zẹẹ ka è re mi za.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

Ayịsaya 26:20

Ẹwụ nịnị aza amị, ngụ ini eehi awụ di we gù oze hi ẹngụ nịnị. Vavọọ sị ẹngụ awụ nịnị tẹ ịzọọ chee di Ohomorihi ọ̀ mẹ ọyịkụ anị ta.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 26:24

Ijeremaya ka, agụvị ka ọnọrụ ana aā hị́ Ahikami ozi Isahwani ộ jẹẹ ọnị ịrẹma, ọza ẹ yị rẹ va sị ọnị chire aza ụvọ ka ana wụ ọnị.

Ijeremaya 36:19

Dị ẹnịnị ka, Ibaruki ọnịrị Ijeremaya ọnọọ è sị aha na tẹ̀ nị. Ẹ ka asị ẹ zẹẹ ka ọza ọ̀ yẹ́ ịzị ẹ na yà.

Ijeremaya 36:5

Ijeremaya ka, dị ọnị kà a yị Ibaruki ka, á raa mẹ ọda yị ọnị ka asị ọnị kụkụ jị ahụ ngụ ịnị irehi Ohomorihi.

Ijeremaya 38:6

Ijeremaya ka, ịzẹyịza, dị ẹnịnị sị ọnị, dị ẹ́ tụ ọnị obo, dị e ne ọnị ngụ ịkangga nị. Ozi ohinọyị ana aā hị́ Imarikija ọ nyị ịkangga ọnọọ nị. Ịkangga ọnọọ ẹ́ yị nyị enyi, ụdọ-ụdọ ọ vị nị, dị ọnị chì ngụ ụdọ nị.

Ịjọọnụ 11:57

Ohirẹsụ ẹbanyị irehi Ohomorihi ọnịrị Anihwarisi nịnị ệ vịdị sị ọda mẹ ka àa nyị ọza ana yẹ ịzị Ijeesu yà, ọ̀ va kà a, agụvị dị ẹnị ẹ̀ zụ na za a.

Ịjọọnụ 7:32

Anihwarisi nịnị ệ wụ́ ka aza tangwa vavọọ aa kà ịrẹyị Ijeesu. Agụvị avọọ dị ẹnịrị ohirẹsụ ẹbanyị irehi Ohomorihi tụ́ iporisi irehi Ohomorihi ka ẹ̀ na za Ijeesu vẹ nị.

Ịjọọnụ 8:20

Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 8:59

Dị ẹ kụ́ ụvọ kụ́ ịrẹta, ka eni è ne e hi Ijeesu nị, ama dị Ijeesu sị ẹngụ anị tẹ yị wa, di o hụụnị irehi Ohomorihi nị.

Odeyi 12:11

Dị Ipita sị yẹ ịsị ẹ mẹ, dị ọ ka, “Booro aanị, ma sị yẹ ka ịzẹyịza yọ. Ananyị yị ọ raà tụ́ anggẹẹrị anị ka ọ̀ va dọ mị hụụnị ụvọ Ịhẹrọdị ọnịrị avaba ịsa ana Aniju nịnị ro ka ẹnị vaa mẹ.”