Ijeremaya 36:24 - IWE ỌNỊNỊ

²⁴ Angwa e yi re ve hí ohinọyị ọnịrị ezi ahụ anị ana wụ́ ịrẹyị ọnọnị. Ẹnịnị ẹ́ yị daba mẹ̀ ebira ana sị zụ ka ẹnị ee du ayị vụrụ-vụrụ.

Ijeremaya 36:24 ပူးပေါင်းရင်းမြစ်များ

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

2 Ịsamụwẹrị 1:11

Di Idevidi ọnịrị aza ene hi ịzọọ pè e za awuru ẹnịnị dị ẹ na a, áyị màa kụ́ wa nị.

1 Ohinọyị 21:27

Ahabị mẹ̀ maanị wụ́ ịrẹyị ẹnẹnị, dị ọ za ịta anị dị ọ nà a nị. Dị ọ sị ịta kú ẹngụ ọ́za oni oku sú avọọ, dị aa ba awẹ, dị ọ hụtụ tụ́ ịnị atịtọ nị. Di ahịka vị ọ kụkụ aa zi siisii nị.

Ijoovu 15:4

Ộ ka ịrẹka ọnị Ijoovu aa kụ́ ọọ hụụ mẹ ka asị ọza hí angwa Ohomorihi, dị o vee ro ịrẹyị anị.

Ahẹ Ụgama 36:1

Aza edivi vị ana nyayịnẹ sì ịrẹyị ebira odivi ịnị ayị ẹnịnị Ẹnịnị ẹ yị hyakụ hị́ angwa Ohomorihi vụrụ-vụrụ.

Ahẹ Ụgama 36:2

Ee vene ẹngụ anị, ee ro ka iruvo ka iruvo anị ọ yị vaa tụ́ ẹhẹ ịnị ebira odivi anị ana vaa mẹ ka à nyị ịhyẹrẹ anị.

Ahẹ Ụgama 64:5

Aza edivi ẹnẹẹ vị ana aa sị ọtụụ kà ẹngụ ịrẹma ka ẹnị ẹ̀ẹ mẹ̀ ebira odivi, Ẹ ka ịsa ẹnị aa mẹ vị ẹnị ẹnị sị tẹ, ẹ yị nyị ọza ene zụ re ẹnị.

Ọyịkụra 7:23

Di Ihwarawo si hu aa nọ ini eehi anị nị. Ọ yị hyakụ sị ayị ro nọ ịnị ịrẹyị ọnọọ.

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 36:22

Di Eriyakimi ozi Ihirikaya ana si eyi pè ohweje Ijowa ohinọyị ọnịrị Ịsẹbina ana vị ọchẹrịsa ne beri Ijowa ozi Asahwi ana si eyi pè iwe ịdị ohinọyị za awuru ẹnịnị dị ẹ na a áyị ẹnịnị mẹ̀ du, di e si hu aa nọ ịda ohinọyị nị. Ẹ́ mẹ̀ vavọọ tù ịzọọ, dị ẹ kà a yị ohinọyị avaba ịrẹyị ọnị ọga isoja Anasiriya va kà nị.

Ayịsaya 37:1

Ịjị Ihezekaya ohinọyị wụ́ enube ẹnịnị kẹnẹ, dị ộ na awuru anị, dị ọ sị achị anaā sịị zị ẹngụ chẹrẹ, dị ộ nọ irehi Ẹnẹyịmavara Ohomorihi nị.

Ijeremaya 36:16

Ịjị ẹnịnị wụ́ avaba ịrẹyị ọnọnị, dị ẹnịnị kụkụ ee ré ẹngụ goro-goro angwa mee hi wa nị. Dị ẹ kà a yị Ibaruki ka aa nyị ka ẹnị ẹ̀ na ka ịrẹyị ọnọnị yị ohinọyị nị.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijona 3:6

Ohinọyị Ininivẹ mẹ vavọọ wụ́ ịrẹyị ọnọọ kẹnẹ, ộ kwẹẹtẹ hụrẹ ịrẹsụ aga ohinọyị anị, dị ọ ngwa irikimba anị tịtẹ nị. Dị ọnị rẹ sị achị ana aā sị zị ẹngụ ku ẹngụ anị, dị ọ yaayịtẹ ịrẹsụ atịtọ nị.

Imatiwu 12:41

Ịnị ẹkụhị ọkarẹyị, Anininivẹ vaa kwẹẹtẹ, dị ẹ jị ịvị yị anụmẹ ọnọnị; Íjona mẹ̀ kà ịrẹyị Ohomorihi yị aza ẹnẹẹ, ée ro ịnẹ varẹma hụụnị ebira odivi ẹnịnị. Di u we re ka ọza ene ve huna Ijona, ọ yà ịzẹnị aanị nị.

Aniroomi 3:18

Ẹnịnị ẹ yị nyị angwahi Ohomorihi vụrụ-vụrụ.