Ijeremaya 36:14 - IWE ỌNỊNỊ

¹⁴ Dị ẹnị ọdọvịdị ẹnẹnị tụ ọnọnị ana aā hị́ Ijehudi ozi Inetanaya ne tu Ibaruki nị. Ijehudi ọnọnị vị aazị ọnọrụ ana aā hị́ Isẹrẹmaya, dị ọ vị ẹmaazị ọnọrụ ana aā hí Ikusi nị. Ẹ ka, ọ̀ kà a yị Ibaruki ka ọ̀ sị iwe ọnị ọ kà yị aza vẹ o. Ịzẹyịza dị Ibaruki sị ọ ve tu wa nị.

Ijeremaya 36:14 ပူးပေါင်းရင်းမြစ်များ

2 Ohinọyị 25:23

Ịjị ọdọvịdị Anịjuda ọnịrị isoja ẹnẹ ẹ yị va ẹnya ịrẹkụ hi ẹtẹ wụ́ ka ohinọyị Ịbabịrọnị ọ raà sị Igidarịya mẹ̀ Ịgọvọnọ, dị ẹnịnị va ụvọ beri ọ Imizipa nị. Ọdọvịdị ẹnẹẹ ẹ vị Isimẹrị ozi Inetanaya, Ijohananị ozi Ikareya, Iseraya ozi Itanihumẹtị hụrẹ ẹkụra Inetohwa, ọnịrị Ijaazanaya ozi Imaaka.

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 36:21

Dị ohinọyị tụ́ Ijehudi ka ọ̀ na sị iwe ọnọọ vẹ nị. Dị ọ́ na sị ọ hụụnị aku Erisama nị. Ộ kà a zụ ohinọyị ọnịrị ezi ahụ anị ana jẹẹ pe e ịzọọ.

Ijeremaya 36:4

Ijeremaya ka, ịzẹyịza, dị ọnị hị́ Ibaruki ana vị ozi ọnọrụ ana aā hí Ịnẹraya, dị ọnị za avaba ịrẹyị ọnị Ẹnẹyịmavara kà yị ọnị ịrịka hi ẹtẹ yọ nị. Dị Ibaruki chẹrẹ wa hi ịnị iwe gọdọ ọnọọ nị.

Ijeremaya 40:8

 nyị anọrụ ẹnẹẹ ana aā hị́ Isimẹrị ozi Inetaniya, Ijohananị ozi Ikareya, Iseraya ozi Itanihumẹtị, ẹnị ezi Ehwayi ana vị Aninetohuwa, ọnịrị Ijezaniya ana vị Animaaka. Dị ẹnịrị aza ẹnịnị ve tu Igidarịya Imizipa nị.

Ijeremaya 41:16

Dị Ijohananị ọnịrị ẹnị ọdọvịdị isoja ọnị ọnịrịị zị kụ avaba aza ọnị Isimẹrị za ọrịhị hụrị Imizipa nị. Isimẹrị ộ vịdị sị Igidarịya wụ. Aza ẹnẹ kụ varẹma hụrị Igibiyọnị yị: Isoja nịnị, anyẹnẹẹ, ezweyi, ẹnịrị ẹnị ọnụkọrọ ịnị ikootu nịnị.

Ijeremaya 41:18

Ẹnịnị ee zwee yị Anibabironi. Angwa ẹnịnị ee hí wa agụvị ka Igidarịya ọnị ohinọyị Ịbabịrọnị sị mẹ Ịgọvọnọ ẹkụra (Ijuda), Isimẹrị ọ sị ọ wụ.

Ịzẹhwanaya 1:1

 nyị ụmẹ ọnya aanị, ịnị ụmẹ ọnọọ Ijosaya ana vị ozi Amọnị sị vị ohinọyị Ijuda nị. Ịnị ụmẹ ọnọọ â nyị ọnọrụ ọnya aanị ọnị ịrẹha anị rị Ịzẹhwanaya. Ada anị ọ rị Ikusi ana vị ozi Igidarịya, ozi Amarịya ana ada anị rị Ihezekaya nị. Ẹnẹyịmavara ộ tụ ộ ụtụ hi Anịjuda nịnị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!