Ijeremaya 35:4 - IWE ỌNỊNỊ

⁴ dị ọnị kụ wa vẹ ịnị irehi Ẹnẹyịmavara nị, ọ ka ọnị ộ kụ wa ngụ ịnị akụ ezi ọza Ohomorihi ọnya ana aā hị́ Ihanani. Ada Ihanani â hị́ Igidarịya nị ọ ka aku ọnị ọnị kụ wa ngụ ịnị anị aanị vị ana gụrị aku ẹnị ọdọvịdị ịnị irehi Ẹnẹyịmavara, dị ọ yà ẹbẹẹba akụ ọnọrụ ana aā hị́ Imaseya ana vị ozi Isarumi nị.

Ijeremaya 35:4 ပူးပေါင်းရင်းမြစ်များ

1 Ohinọyị 12:22

Ẹkụhị ọnya dị Ohomorihi va kà ịrẹyị yị Isemaya ana vị ọza Ohomorihi nị. Dị ọ ka

1 Ohinọyị 13:1

Ẹkụhị ọnya di Ijerobowami hịrẹ nọ aha ịsọvọ ka ọnị ọ̀ na rị eturare ịra mẹ̀ ịsọvọ nị. Ọ mẹ̀ vavọọ yà ịzọọ, di o vene re ka ọza Ohomorihi ọnya aanị ộ hụrẹ Ijuda vẹ nị. Â nyị ịrẹyị ẹnị Ẹnẹyịmavara sị tụ́ ọza ọnọọ ka ọnị ọ̀ kà yị aza ene hi Ịbẹtẹrị.

1 Ohinọyị 13:26

Dị ọnịsẹ ọzọkụ ọnọnị ana za ọza Ohomorihi ọnọọ hụrẹ oze vẹ wụ́ ọ nị. Dị ọ ka, “Ọza Ohomorihi ẹnị Ẹnẹyịmavara kà yọ nọ. Ẹnẹyịmavara ọ ra a sị ọ yị idu ka ọ̀ na a va ha dị ọ̀ wụ ọ. Ịrẹyị ẹnị Ẹnẹyịmavara kà yọ ka ọ vaa mẹ ọ sẹ tụ́ ọ ịrẹsụ avọọ nị.”

1 Ohinọyị 17:18

Dị ọnẹẹ ọnọọ va hị́ Erija dị ọ ka, “Sị ẹ na jị gẹ ẹmịrị ẹwụ kẹ, ẹwụ ọza Ohomorihi? Vị ụ vẹ ịda amị ka wa va mẹ ka à tamayị ebira odivi ọnị mị vịdị mẹ, dị à wụ ozi emi nii?”

1 Ohinọyị 17:24

Dị ọnẹẹ ọnọọ kà a yi Erija dị ọ ka, “Booro aanị ẹmị va yẹ ka ọza Ohomorihi ụ vị nị. Ma rẹ sị yẹ ka ịrẹyị Ẹnẹyịmavara ụ waa kà ịzẹyịza nị.”

1 Ohinọyị 20:28

Dị ọza Ohomorihi ọnya aanị kà pè ohinọyị Anisirẹrị, dị ọ kà, “Ẹnẹyịmavara kà ọnị ka Anisiriya ee ro o ka Ẹnẹyịmavara vi ori ịnị ataba, a yi vi ori ini ozi ọ vị. Ọ kà avaba aza otomiroku ẹnẹnị, ọnị vaa kụ́ wa chire wụ ụvọ. Ọ kà ẹwụ nịnị vaa yẹ ka ọnị ọ vị Ẹnẹyịmavara nị.”

2 Ohinọyị 1:9

Dị ọ tụ́ ọga isoja ene sị eyi pe aza ẹvarẹwụ ka ọ̀ kụ́ aza ẹnị ẹvarẹwụ ka ẹ̀ na za Erija vẹ nị. Ọga isoja ọnọnị ô ne tu ka Erija yaatụ ịrẹsụ ataba, dị ọ kà a yọ ka: Ẹwụ ọza Ohomorihi, ohinọyị ka we chí vẹ o.

2 Ohinọyị 12:9

Dị Ijehoyada, ohirẹsụ irehi Ohomorihi mẹ apoti, dị ọ mẹ uhwohwo tụ ini oku anị nị. Ộ sị apoti hi ẹtẹ akaha ụta ịsọvọ, eyi ụvọrị, ọza àaa ngụ ini irehi Ohomorihi ohirẹsụ irehi Ohomorihi anaā jẹẹ enoze irehi Ohomorihi ẹẹ̄ sị ẹkẹhị ana aza ana va mẹ ahẹkẹ sị vẹ, dị ẹ sị tụ ịnị apoti ọnọọ.

2 Ohinọyị 25:18

Ịrẹma ịsa ẹnẹnị, Inebuzaradani, ohi ịrẹkụ ộ kụ́ Iseraya, ohirẹsụ ọbanyị irehi Ohomorihi ohirẹsụ, Ịzẹhwanaya ohirẹsụ irehi Ohomorihi ana sị irenu tụra a, ọnịrị aza ọkọọka ẹẹta ịnị irehi Ohomorihi ọrịhị ịrẹkụ nọ Ịbabịrọnị.

2 Ohinọyị 5:14

Ịzẹyịza, dị ọ na Okuha Ịjọdanị nị. Ô tu ịzọọ, dị o chi ngụ ọ ụpẹ ịhịmba anka ọza Ohomorihi mẹ̀ kà a yọ nị. Ụpẹngụ anị ộ vavẹ eehi, dị ọ kụkụ ya anka ụpẹngụ ozinụvọ avọọ nị. Ẹngụ anị ộ ta.

2 Ohinọyị 5:20

Ama Ịnaamanị ộ da zị chẹẹ dị Igehazi, ozi ahụ Erisa, ọza Ohomorihi kà a yị ẹngụ anị ka, vị ọga anị navọ Ịnaamanị ka ọọ na ọọhẹ ka asị á nyị ịsị o sị́ nị. Â vọrọ ka ọ̀ dọ ọ ẹyịza ọnị ọ sị vẹ. Ọ kà ọnị ộ sị Ẹnẹyịmavara hị́ eku, ọnị ee zwee dụ ọ, dị ọnị ọ̀ na dọ ọ ịsa nị.

2 Ohinọyị 6:10

Ịzẹyịza, dị ohinọyị Ísirẹrị tụ na ka aza ene hi ịzọọ ọnọ nị, dị ẹnịnị ee sere ịzọọ nị. Ụmẹ ọrụrụ-ọrụrụ ịrẹyị ọnọnị maanị mẹ nị.

2 Ohinọyị 7:17

Ọdọvịdị ana gụrị ohinọyị ẹtẹẹtẹrẹ, ohinọyị nyị ka ò si eyi pe oze ọbanyị ọbanyị ẹkụra nị. Aza ệ tụ́ ọ ụvọ nyẹtẹ, dị ẹ kụ ahụ hi ọ pooro di o su nị. Avọọ Erisa mẹ̀ vịdị kà a ka ọ vaa ya ịhị oni ohinọyị ve tu ọ nị.

2 Ohinọyị 7:2

 nyị ozi ahụ ohinọyị ọnya ọnị ọ hụraa tụ́ ụtụ. Ộ kà a yị Erisa ka, ịzị ọ na vị̀. Ẹnẹyịmavara ọ̀ọ daka na ozokete ihinẹba, dị ọ zụ̀ orihi ka ịsa ẹ̀ mẹ nị, ọ́ọ́ zụ vavọọ yà? Ama Erisa ộ kà a yọ ka, ọ vaa sị eyi anịị re e, ama ẹ yị vaa rị ịnị anị.

1 Ịtọpa 9:27

Ẹnịnị vị ana ra gụrị Irehi Ohomorihi agụvị ka ẹnị ee sere e nị. Ẹnị e reē na oze ọbanyị nịnị ẹnẹnẹ-ẹnẹnẹ nị.

2 Ịtọpa 8:14

Idevidi ada Isoromọnị ộ saasa ọda ọnị ada anị Idevidi vịdị mẹ̀ tịtẹ ka aa sịị mẹ̀ ụkọrọ ịnị irehi Ohomorihi. Ohirẹsụ irehi Ohomorihi vị ọnị ọ́ nyị ka ẹẹ mẹ̀ ụkọrọ ịnị irehi Ohomorihi, dị Anireevi nịnị ẹẹ̄ gụ wa ụvọ dị ẹẹ̄ jị ahẹ. Dị ộ ga ụkọrọ yị oserẹtẹ nịnị eneē sere oze ọnyọọnya eyinị-eyinị. Avọọ Idevidi ọza Ohomorihi mẹ mẹ̀ ọda yị wa nị.

Ahẹ Ụgama 84:10

Ọza ọ̀ọ yà ini eehi awụ ẹkụhị ọnya, ô hine ọza huna ka ọ̀za ọ̀ na yà aha ọsa mẹ ẹkụhị otomiroku. Ọ̀ọ sị ka ọnị mị va naa ra ịnị ajẹngụ aza edivi, mâ vana dọ ka ma si eyi pè oze ini eehi Ohomorihi amị.

Ijeremaya 21:1

 nyị ohinọyị Ijuda ọnyaa ana aā hị́ Ịzẹdẹkaya. Ẹkụhị ọnya dị ọ́ tụ ọnọrụ ana aā hị́ Ipasihuri ana vị ozi Imikaya ọnịrị Ịzẹhwanaya ozi Imaseya ne tu Ijeremaya nị. Ịzẹhwanaya vị ohirẹsụ irehi Ohomorihi.

Ijeremaya 26:10

Ijeremaya ka ịjị ẹnị ọdọvịdị ẹkụra wụ ịsị ana mẹ, dị ẹnịnị hụụnị irehi ohinọyị va ngụ ịnị irehi Ohomorihi nị. Ẹ va sị ngụ ịnị irehi Ohomorihi, dị ẹ yaatụ enoze ọwọọwa ana a zịị ngụ ịnị irehi Ohomorihi nị.

Ijeremaya 35:3

Ịzẹyịza dị ọnị na hị́ ọnọrụ ana aā hị́ Ijaazaniya ana vị ozi ọnọrụ ana aā hị́ Ijeremaya nị. Ijeremaya ọnọnị vị ozi ọnọrụ ọnya ana aā hị́ Ihabazinaya. Ijeremaya ka ọnị ộ hị́ Ijaazaniya ọnọnị ọnịrị ẹyịnyara anị beri avaba ezi anị,

Ijeremaya 52:24

Inebuzaradani, ana vị ọdọvịdị isoja ene ee sere ohinọyị aanị ộ zá ohirẹsụ ịrẹsụ ọbanyị irehi Ohomorihi ana aā hị́ Iseraya. Dị ọ́ rẹ za ohirẹsụ irehi Ohomorihi ana va tụra a, ana aā hị́ Ịzẹhwanaya beri ọdọvịdị irehi Ohomorihi ọkọọka ọsa ẹẹta nị.

Ezikẹẹrị 40:38

Ịnị ohweje ana ya ẹhẹ, â nyị irehi oweyi ana á dà vaka aku ana ya enoze, oze ọbanyị ana ya eyi ẹbẹẹba. Ộ nyị oze na ngụ ịnị aku ana á dà tu enoze aanị. Aku ọnọọ vị ana và eyi ka ohweje. Ịzọọ á yaa nyịna uye ana a sị va mẹ̀ ịsọvọ aa si ọ wụ nị.

Ezikẹẹrị 43:8

Ohinọyị ẹnịnị ệ mẹ ẹbanoze ọnịrị oze irehi ẹnịnị, dị ẹ́ và wa eyi ka oze irehi ọnị Ohomorihi gẹdẹ-gẹdẹ, dị ahịka ugene kẹnẹ ọ jị ọnịrị wa ịnẹ nị. Ẹnịnị aa sị ịsị eenyisi ẹnẹ ẹ́ yaa mẹẹ du ọnị ịrẹha, agụvị avọọ ọnị sị ọyịkụ-ọyịkụ vu wa ẹtẹ nị.

Iwe Ọhụhị Imosiisi ana aa hị́ Ọyịvatụrọda 33:1

Aanị Imosiisi, ọza Ohomorihi mẹẹ mẹ̀ aduwa yị Anisirẹrị nịnị dị ò ve su nị.

1 Itimoti 6:11

Ama ẹwụ ana vị ọza Ohomorihi, asị ụ sị ụvọ tụ́ ịnị ịsa ẹnẹẹ! Sị vụrị we re ka waa mẹ̀ ebira ana vọrọ, dị o re zé Ohomorihi eyi! Wa yịị sị ayịị tụra Ohomorihi! Wee sì ịrẹyị ọza, dụ wa nyị isuuru, dụ wa rẹ nyị ebira hẹẹ!

2 Itimoti 3:17

Ọ vaa mẹ ka ọza Ohomorihi ò zụ tenyi ẹngụ ẹtẹẹtẹrẹ, dị ọ̀ rẹ nyị avaba ịsị a vọrọ ka ọ̀ sịị mẹ avaba ụkọrọ ozoza.

Ijosuwa 14:6

 nyị ụmẹ ọnya aanị, ịnị ụmẹ ọnọọ Anisirẹrị vị ana yị kụ́ udi tụ́ Igirigari. Dị Ịkarẹbị ana vị ozi Ijehwụnẹ ana hụụnị abara Ikenazi kụ́ aza ọrụrụ hụrẹ ịrẹsụ Ijuda ve tù Ijosuwa nị. Dị ọ ka Ijosuwa óó tamayị ịrẹyị anị ọnị Ẹnẹyịmavara kà yị Imosiisi ana vị ọza Ohomorihi Ịkẹdẹsị Ibaneya.

1 Ịsamụwẹrị 2:27

Ẹkụhị ọnya ọza Ohomorihi ọnya aanị ộ va kà ụtụ ọnị Ẹnẹyịmavara tụ́ hi Eri. Ọ kà ụmẹ ọnị óhiku ẹnịnị sị vị ọrịhị tụ́ ịnị ụvọ ohinọyị Anijipiti, ọnị ộ sị ẹngụ anị zụ̀ wa.