Ijeremaya 34:9 - IWE ỌNỊNỊ

⁹ Ẹ ka ọzọza ọ̀ na hụrẹ ọrịhị ẹnịnị ana vị Anihiburuu ụvọ, ọ̀ọ vị ọnọrụ ọ̀ọ vị ọnẹẹ; asị a nyị ọza ana kụkụ za Aniju ọhụva anị ọrịhị.

Ijeremaya 34:9 ပူးပေါင်းရင်းမြစ်များ

Oyinyima 14:13

Dị ọza ịnya ana vụrị há ịnị ịrẹkụ ọnọọ va kà a yị Abụramị Anihiburu ọnọọ nị. Ịjọnọọ Abụramị ọnị vị ana ra ọgụrị ọchị aroni. Imamire Anamọrị ọ nyị ọchị ẹnẹẹ nị. Imamire ọnịrị ẹyịnyara anị ana aā hị́ Esikori ọnịrị Aneri ẹnị vị ogu Abụramị.

Oyinyima 40:15

Ọ kà ịnị ẹtẹ Anihiburu a sị ụkata za ọnị hụrẹ vẹ nị. Ọ kà ọnị mè re tù ịzẹnị, ẹ yị nyị ịsị ọnị mẹ dị a sị ọnị va tụ́ ịnị ẹngwa ọọhẹ kẹnẹ nị.

Ọyịkụra 2:6

Ịjị ozi Ihwarawo ọnọọ hụ agaga ọnọọ, di o re ka ozi yà ịnị anị di ee nowu nị. Ayị ozi ọnọọ ọ́ va a, dị ọ ka, “Wáá yẹ ka ọnya ini ezi Anihiburu nịnị yị.”

Ọyịkụra 3:18

Ohomorihi rẹ ka ẹnịnị vaa dọ ịrẹyị Imosiisi. Ọ kà ọnịrị azọkụ Anisirẹrị è dudu zị nọ ịda ohinọyị Anijipiti dị ẹ̀ kà a yọ ka Ẹnẹyịmavara ana vi Ohomorihi Anihiburu nịnị o ve tù ẹnị nị. Ọ kà ẹ̀ kà a yọ ka aarịhịnị ọ̀ sị oze yị ẹnị dị ẹ̀ zị ụsẹ ẹkụhị ẹẹta nọ ịnị avị, ka ẹ yaa naa mẹ ịsọvọọ yị Ohomorihi ẹnịnị ana vị Ẹnẹyịmavara.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 30:8

Ẹnẹyịmavara Ochẹtẹẹngụ ka, ịhị ẹkụhị ọnọọ oo tu, ọnị vee che ọkẹẹkẹrẹ ana a sị tụ aza anị ọbẹ dị ọnị ngwara ẹba ana a sị sụ́ wa. Ẹnịnị ẹ́ yị kụkụ vaa vị ọrịhị yị anẹkụra ọsa.

Ijeremaya 34:10

Dị avaba aza ẹnịrị ọdọvịdị ẹnịnị ana vavọọ dọ ka ọzọza ọ̀ na hụrẹ ọrịhị anịị ụvọ dị asị a kụkụ za wa ọrịhị naa dị ẹ na hụrẹ wa ụvọ nị, ọrịhị ẹnịnị anọrụ ọnịrị anẹẹ ẹ́ hụrẹ ụvọ nị.

1 Anịkọrịntị 6:8

Ama ẹwụ nịnị ụvọta ọ hyakụ ee sì ẹngụ ịrẹyị, dị ụ raa mẹ ẹngụụ rị nịnị ịnị ụmẹ ana ahịka ọdọwụ ụ vị nịnị nị.

2 Anịkọrịntị 11:22

Àa vị ka ệ vị Anihiburu yọ, Anihiburu ẹmị rẹ vị nị. Ẹ̀ẹ ka ẹnị vị Anisirẹrị, ẹmị rẹ vị Anisirẹrị. Ẹ̀ẹ rẹ va ka ezi Abụrahamị ẹnị vị nị, avọọ ẹmị mẹ̀ rẹ vị nị.

Iwe Ọhụhị Imosiisi ana aa hị́ Ọyịvatụrọda 15:12

Àa nyị Anihiburu, ọ̀ọ vị ọnọrụ, ọ̀ọ vị ọnẹẹ ana na ẹngụ anị ọrịhị yị ọza, ịrayị ịhịnọnyị kẹnẹ a sị ya ahụ ọza ọnọọ dị ọ nyị ẹngụ varẹma nị.

Anihwiripi 3:5

M mẹ̀ vị ẹkụhị ịhịnta kẹnẹ, a jị mị ụvẹvẹnẹ nị. Anisirẹrị obooro mị vị nị. Ini ovwoovu Ịbẹnjamịnị mị chị hụrẹ vẹ nị. Anihiburu mị vị nị, dị ahịka Anihiburu ọ rẹ ma mị nị. Àa va vị ịrẹyị ọda Aniju nịnị ị yọ, ini ogu Anihwarisi nịnị mị yà nị.

1 Ịsamụwẹrị 14:11

Ịzẹyịza dị ẹnị ẹyịva sị ẹngụ ẹnịnị na ka isoja ene hi udi Anihwirisiti è re ẹnị nị. Dị Anihwirisiti nịnị ka, “wéē re, Anihiburu nịnị aa tụ̀ụ jịnẹ vẹ hụụnị ụsị ẹnị ẹ na tẹ̀ tụ́.”

1 Ịsamụwẹrị 4:6

Ịjị isoja Anihwirisiti nị vavọọ wụ́ ẹtẹ ịrẹyị dị ẹ ka sị ẹ vẹ di isoja ene hi udi Anihiburu nịnị maanị ee nowu kẹ? Ịjị ẹ sị yẹ ka apoti oto Ohomorihi a sị va ngụ udi Anisirẹrị nịnị,

1 Ịsamụwẹrị 4:9

Dị ọdọvịdị Anihwirisiti ka, “Ẹwụ nịnị anda ayị, asị u rè hí angwa nịnị. Waā kụ́ ịrẹkụ awụ nịnị anka ọnọrụ. Wẹ̀ yị nyị ọtụtụrụma nịnị, vi Anihiburu aa za wụ nịnị ọrịhị anka ị mẹ̀ vịdị za wa ọrịhị nị. Asị u hí angwa, wa kụ̀ ịrẹkụ awụ nịnị!”