Ijeremaya 34:22 - IWE ỌNỊNỊ

²² Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 34:22 ပူးပေါင်းရင်းမြစ်များ

2 Ịsamụwẹrị 16:11

Di Idevidi va hị́ Abisayi ọnịrị avaba ezi ahụ anị dị ọ ka, “Ozi ọnị mị ma hụụnị ẹngụ amị oni ee sì ka ọnị ọ̀ wụ mi aanị nị. Ana Anịbẹnjamịnị ọnọrụ ọnị va mẹ aa óó divi hu nị? Naavọ nịnị ọ̀ọ kụ̀ mị ụhụ. Ẹnẹyịmavara ọ kà a ka ọ̀ọ kụ̀ mị ụhụ nị.

2 Ohinọyị 25:6

Dị isoja Anibabironi ẹnẹẹ za ohinọyị Ịzẹdẹkaya na yị ohinọyị Inebukadineza ana ya ẹkụra ana aā hị́ Iribira. Ịzọọ ọ ya kà a ka a na wụ̀ ọ nị.

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

Ayịsaya 13:3

Ẹnẹyịmavara ọ raà hị́ isoja anị ka ẹ̀ na sị ụya rị aza ọnị ịrẹyị anị aa kụ́ ọnị ayị. Ezirẹkụ ẹnẹẹ vị ana vaa jẹ ka Ananyị yị ọ sị ọnịvị anị huna.

Ayịsaya 24:12

Ẹkụra vị ana jị eburu hi ẹtẹ, a kụ́ oze anị chaka.

Ayịsaya 37:26

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ayịsaya 64:10

Avaba ẹkụra awụ ẹ sị vara ụnọmị. Ijerusarẹmị ọ raa tụ́ osusu.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 33:10

Ẹnẹyịmavara kà, aza aa kà a ka ịzị ẹnị ọ sị tụ osusu, ẹ́ yị kụkụ nyị aza à vị ịsụpa ịnị anị vụrụ-vụrụ. Ịzẹyịza yọ nị, ẹkụra ene hi Ijuda ẹnịrị oze Ijerusarẹmị kụkụ vị osusu; ẹ́ yị nyị aza, ẹ́ yị nyị ịsụpa ịzọọ. Ama ịzị ẹnị ọnọnị ọnyọọnya ụ vanaa wụ ka,

Ijeremaya 34:2

Ọ kà, Ẹnẹyịmavara, Ohomorihi Anisirẹrị nịnị ộ kà a yị ọnị ka, ọnị ọ̀ na kà a yị Ịzẹdẹkaya, ohinọyị Ijuda ka, ọnị Ẹnẹyịmavara vaa hụrẹ ẹkụra ọnọnị ụvọ yị ohinọyị Ịbabịrọnị dị ọ rị ọ ịra.

Ijeremaya 38:23

Ijeremaya ka ọnị ộ rẹ kà a yị ohinọyị Izedekaya ka; a vaa kụ avaba ese ewu ẹnịrị ezi ewu tụ ẹhẹ yị Anibabironi nịnị. Ẹwụ ụvọta ẹ́ yị vaa haa hụrẹ wa ụvọ, ohinọyị Ịbabịrọnị vị ana vaa za awụ, dị aa rị ẹkụra ọnọnịị ịra.

Ijeremaya 39:8

Anibabironi nịnị ệ rị irehi ohinọyị Ijuda ọnịrị irehi aza ana vọ ịra, dị ẹnịnị wú ọvọ ana jị kara Ijerusarẹmị và hi ẹtẹ nị.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 50:13

Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Ijeremaya 52:13

Dị ọ rị irehi Ohomorihi ịra nị. Ộ rẹ rị irehi ohinọyị ọnịrị irehi aza ọkọọka ene hi Ijerusarẹmị ịra.

Ijeremaya 52:7

Ẹnịnị ệ zị oze eyi ọnya dị ẹ chaka ọvọ ana a kara Ijerusarẹmị, dị avaba isoja ẹnịnị zị avọọ zwe tụ ẹhẹ ịrahụ nị. Isoja Anibabironi nịnị vị ana yị họ̀ kara Ijerusarẹmị ụmẹ ọnọọ. Isoja Anijerusarẹmị ệ zi oze ịnị ụbazị ohinọyị, dị ẹ zị oze ịnị oze ọbanyị ana yà ịnị akakana ọvọ ẹẹva jịnẹ tụ ẹhẹ nị. Ẹnịnị ee zwè, dị ẹ sị ịrẹsụ ka oze inozi Ijodani aa na nị.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Imika 7:13

Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.

Ịzakaraya 1:12

Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ.

Ịzakaraya 7:14

Ọnị vaa sị opomi gara wa hi avaba ẹhẹ, dị ẹtẹ ẹnịnị dụ osusu, dị ọza ẹ yị zụ ngụ ọ, ẹ yị zụ jịnẹ. Aanị ẹkụra ọyịza ọnọọ mẹ vaa dụ osusu nị.

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.