Ijeremaya 34:20 - IWE ỌNỊNỊ

²⁰ vị ọnị ọnị vaa kụ chire ọnịvị ẹnịnị enee si wa usu ụvọ. Inomi ịnị ahị ẹnịrị uye ịnị avị nịnị ẹ vaa rị oku ẹnịị nị.

Ijeremaya 34:20 ပူးပေါင်းရင်းမြစ်များ

1 Ohinọyị 14:11

Aza Ijerobowami ene èe sú ịnị ẹkụra vi oni irezi vaa rị. Ẹnẹyịmavara kà ọnị ọ kà avọọ nị.”

1 Ohinọyị 16:4

Aza awụ ene èe sú tụ́ ịnị ẹkụra, vi oni irezi vaa rị, ene èe ne sú tụ́ ịnị avị vị ọnị ụba ene eē hira ẹbẹẹba vaa rị.”

Ahẹ Ụgama 79:2

Dị ẹ kụ́ oku aza awụ yị ụba ọnịrị uye ịnị avị ka ẹẹ rị wa nị.

Ijeremaya 11:21

Avọọ dị Ẹnẹyịmavara kà yị ọnị ka, aza ene hi Anatọtị ee sị ọnị isu, dị ẹ ka asị ọnị vana vaa kụ tụ Ẹnẹyịmavara yị ẹnị, ka ẹyịvavọọ vị ẹnị aa wụ ọnị nị.

Ijeremaya 12:9

Ẹnẹyịmavara kà, aza anị vị ana kụkụ sị mẹẹ anka ezi ụụhwẹ ọnị ukokoro ee bè oze eyi ụvọnị-ụvọnị avọọ. Hị́ avaba uye ịnị avị vẹ ka ẹ̀ va rị eche nịnị.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 19:7

Avaba eyi ọnị Anijuda nịnị ọnịrị Anijerusarẹmị nịnị aa gẹ vị ọnị ọnị vaa gara hi wa ụvọ ịzẹnaanị. Ọ kà, ọnị vaa navọ ka ọnịvị ẹnịnị e huna wa eyi ịrẹkụ dị ẹ wụ̀ wa ha. Oku ẹnịnị vị ọnị ọnị vaa sị mẹ̀ ịsọyịrị yị inomi ọnịrị uye ịnị avị nịnị.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 22:25

Ọ kà ọnị vaa sị ọ chire aza enee si o usu, ọnị ọ́ vavọọ ee hí angwa anị avọọ ụvọ. Ọnị vaa sị ọ chire Inebukadineza, ohinọyị Ịbabịrọnị ọnịrị isoja anị nịnị ụvọ.

Ijeremaya 38:16

Ọ kà, dị ohinọyị Ịzẹdẹkaya were kà a yị ọnị ka, ọnị ộ sị Ohomorihi ana sị ụhwẹ yị avaba aza hị́ eku ka, ọnị ẹ́ yị vaa wụ̀ ọnị. Ọnị ẹ́ yị rẹ vaa hụrẹ ọnị ụvọ yị aza enee si ọnị isu nị.

Ijeremaya 39:6

Ẹtẹ Iribira ịzọọ, ohinọyị Ịbabịrọnị yà, dị ọ́ wụ̀ avaba ezi Ịzẹdẹkaya ẹnịrị ọdọvịdị Anijuda nịnị eyi Izedekaya nị.

Ijeremaya 4:30

Sị ụ kụkụ aa mẹ, ẹwụ ana a sị gara ha aanị? Ọvị ịsị ụ kụkụ aa mẹ, dị ụ sị ịta ovivi akàaka ọnịrị igooru kụ hi ẹngụ, dị ụ kụ ịsa sisi eyi bẹẹ? Ọvị ọọhẹ kẹnẹ ụ kụkụ aa mẹ nị. Onyeehi awụ nịnị ẹ sị ụ hụrẹ ụvọ. Ẹnịnị vị ene kuku ee si u usu.

Ijeremaya 44:30

Ọ kà, ọnị vaa sị Ihohwira, ohinọyị Ijipiti chire ọnịvị anị enee si ọ usu ụvọ, anka ọnị mẹ sị Ịzẹdẹkaya, ohinọyị Ijuda chire Inebukadineza, ohinọyị Ịbabịrọnị ụvọ. Ọnịvị anị ọ̀ vị, dị ee si ọ usu nị.

Ijeremaya 49:37

Ọ kà, ọnị vaa mẹ ka Anerami ee hí angwa ọnịvị ẹnịnị enee sì wa isu. Ayị anaa kụ ọnị, ọnị vaa kụ ẹngụkata tu Anerami, dị ọnị tụ isoja ịrẹyị tu wa nee tu ọnị ọ sị wa vú ẹtẹ kwooze.

Ijeremaya 7:33

Ọ kà, inomi nịnị ẹnịrị uye ịnị avị nịnị ẹ vanaa rị oku ẹnịnị nị. Ẹ yị vaa nyị ọza ana aa dụ wa kwooze.

Ezikẹẹrị 23:28

Ẹnẹyịmavara Ananyị ụkata hu ka, ọnị vaa hụrẹ ẹwụ nịnị ụvọọ yị aza ọnị wè yi sì ịrẹyị anị, dị ịrẹyị ẹnịnị si du wu eyi nịnị.

Ezikẹẹrị 29:5

Ọnị vee ne ẹwụrị ivovo ẹnẹẹ naa ngụ ịnị ụnọmị. Oku awụ vị ana vaa tịtẹ, dị ọza é yi ne wu. Inomi ẹnịrị uye ịnị avị nịnị ẹ vaa rị oku awụ nị.

Ezikẹẹrị 32:4

Ọnị vee ne e nya ẹtẹ, dị ọnị kụ́ avaba inomi ọnịrị uye ene hi ịnị ẹhẹ vẹ, ka ẹ̀ vaa rị uye anị.

Iwe Ọhụhị Imosiisi ana aa hị́ Ọyịvatụrọda 28:26

Inomi nịnị ẹnịrị uye ịnị avị ẹ vaa rị oku awụ nịnị nị. Ẹ yị vaa nyị ọza ana vaa dụ wa kwooze.

1 Ịsamụwẹrị 17:44

Di Anihwirisiti ọnọọ ka Idevidi ọ̀ọ vẹ kẹ. Ọ kà uye Idevidi vị ọnị aa gàa yi inomi ene hi ẹbẹẹba ọnịrị uye ịnị avị.

1 Ịsamụwẹrị 17:46

Ẹnẹyịmavara aa sị wụụ chire mị ụvọ ịzẹnị ka ma wụ̀ wụ ajịnị. Maa wụ̀ wụ, dị mị jị wụ ịrẹsụ kwooze. Ajịnị mi maa sị oku isoja Anihwirisiti yi inomi ene hi ẹbẹẹba ọnịrị uye ịnị avị nị. Avaba anẹhẹ vaa yẹ ka Anisirẹrị ệ nyị Ohomorihi.