Ijeremaya 34:17 - IWE ỌNỊNỊ

¹⁷ Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 34:17 ပူးပေါင်းရင်းမြစ်များ

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Ijeremaya 15:2

Ẹnịnị èe họ̀ use ka, ịzị ẹnị ẹẹ nọ, ọnị ọ̀ kà a yị wa ka, Ẹnẹyịmavara kà, aza ẹnyị ẹnịnị vị ọnị ụkụ vanaa za, dị o su, aza ẹnyị ẹnịnị va naa wụ eyi ịrẹkụ, aza ẹnyị ẹnịnị vị ọnị ụngwẹ vanaa wụ, aza ẹnyị vana vaa za ọrịhị nọ ẹkụra ọsa, ịzị ẹ vaa nọ ọ vị ọnọọ nị.

Ijeremaya 15:4

Ịsa ọnị ọnọrụ anaā hị́ Ịmanasẹ ozi Ihezekaya mẹ Ijerusarẹmị ụmẹ ọnị ọ sị vị ohinọyị Ijuda, ọnị vaa mẹ ka ịrẹyị Anijuda nịnị ọ̀ za avaba anẹhẹ zizi ẹtẹẹtẹrẹ.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 29:17

Ẹnẹyịmavara Ochẹtẹẹngụ ka, ọnị aa kụ́ ịrẹkụ, ụngwẹ ọnịrị ụkụ vee tù wa. Ọnị vaa mẹ wa anka ihwigi ana vụ̀ pooro dị ẹ̀ yị kụkụ wụra rị avọọ.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 32:25

Ijeremaya ka: Ama Ohomorihi Ananyị ka dị a daka aa yịị vaa sị ẹkụra ọnọnị yị Anibabironi aanị, ọnị sị ẹkẹhị na hị́ ẹtẹ ọnọnị dị ọnị ọ̀ nyị onivenu tụ ọ.

Ijeremaya 32:36

Booro aanị, Ẹnẹyịmavara, Ohomorihi Anisirẹrị nịnị ka, Anẹkụra ọnọnị ana aza aa kà a ka ịrẹkụ, ụngwẹ ọnịrị ụkụ vaa mẹ ka ẹ̀ hyẹdụ yị ohinọyị Ịbabịrọnị aanị;

Ijeremaya 34:8

Ẹnẹyịmavara ộ kà ịrẹyị yị Ijeremaya ịrẹma ọnị ohinọyị Ịzẹdẹkaya ọnịrị Anijerusarẹmị nịnị raa dọ ka ẹnị aa hụrẹ ọrịhị ẹnịnị ụvọ.

Ijeremaya 38:2

Ẹnẹyịmavara kà, ịrẹkụ ụngwẹ, à vị ụkụ ọ́ vaa wụ̀ ọza tụra ọza ana àa yị yà ịnị ẹtẹ Ijerusarẹmị nị. Ama ọza ana àa sị ẹngụ anị ne chire Anibabironi ụvọ vaa yàra.

Arụwẹ 1:8

Anijerusarẹmị nịnị ẹ sị tẹ agụvị ebira odivi-odivi ẹnẹ yaa mẹ̀. Ẹ yị kụkụ nyị ụbanyị vụrụ-vụrụ. Asị iruvo ẹnịnị re. Eyee rimanya, ụhị maa nyị wa ẹ kụkụ à sị eyi tẹ̀.

Ịdanịyẹrị 6:24

Dị ohinọyị ọnọnị mẹ ọda ka à na zá avaba aza ana sị ịrẹyị Ịdanịyẹrị va tụ ịrẹka nị. Ịzẹyịza dị a na zá wa nị. Dị a kụ wa beri ezi ẹnịnị ọnịrị ose ẹnịnị, dị e ne wa và hí ịnị ụsị ana kụ idu nịnị hi nị. Dị a naa nyị ka ê tu ẹtẹ idu za wa, dị ẹ nà wa rị chẹ́kẹ̀-chẹ́kẹ̀ nị. Ẹchụkụ ẹnịnị ikonyara ẹ yị hyakụ vẹtẹ.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Anigaratiya 6:7

Asị u vene ẹngụ awụ nịnị! ẹ yị nyị ọza ana zụ mẹ Ohomorihi rị. Ịsa tụra ịsa ọnị ọza òo chire, ọnị ọ rẹ vaa há nị.

Iwe Ọhụhị Imosiisi ana aa hị́ Ọyịvatụrọda 19:19

dị aa mè ẹ ịsị o si ka ọnị ọ mẹ ọnọhụva anị. Ịnị oze ọnọnị a zụ sị kụ odivi hụrẹ ẹtẹ hụụnị akakana awụ nịnị nị.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.