Ijeremaya 34:10 - IWE ỌNỊNỊ

¹⁰ Dị avaba aza ẹnịrị ọdọvịdị ẹnịnị ana vavọọ dọ ka ọzọza ọ̀ na hụrẹ ọrịhị anịị ụvọ dị asị a kụkụ za wa ọrịhị naa dị ẹ na hụrẹ wa ụvọ nị, ọrịhị ẹnịnị anọrụ ọnịrị anẹẹ ẹ́ hụrẹ ụvọ nị.

Ijeremaya 34:10 ပူးပေါင်းရင်းမြစ်များ

Ọyịkụra 21:2

Wàa na hị́ Anihiburu ọrịhị, ọ vaa mẹ ụkọrọọ wụ mẹ ịrayị ịhịnọnyị. Ịnị ịrayị ana gụ ọ ịrayị ịhịmba dị ụ naavọ ọ̀ọ na kẹnẹ. Ẹ yị nyị ụta oni o vee sìi yị wụ.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ijeremaya 26:10

Ijeremaya ka ịjị ẹnị ọdọvịdị ẹkụra wụ ịsị ana mẹ, dị ẹnịnị hụụnị irehi ohinọyị va ngụ ịnị irehi Ohomorihi nị. Ẹ va sị ngụ ịnị irehi Ohomorihi, dị ẹ yaatụ enoze ọwọọwa ana a zịị ngụ ịnị irehi Ohomorihi nị.

Ijeremaya 26:16

Dị ẹnị ọdọvịdị nịnị ẹnịrị aza ana vọ va kà a yị ẹnị ohirẹsụ irehi Ohomorihi ẹnịrị ọnịsẹ nịnị ka, ẹ́ yị vọrọ ka à wụ̀ ọza ọnọnị o. Ka ịrẹyị Ẹnẹyịmavara Ohomorihii ẹnịnị ọ va ka yị ẹnị nị.

Ijeremaya 34:11

Ama ộ da ku chee, dị ẹnịnị sị ayị vara nị. Ẹnịnị ệ na kụ wa varẹma, dị ẹ rẹ sị ụkata za wa ọrịhị nị.

Ijeremaya 34:19

Ọ kà avaba ẹnị ọdọvịdị Ijuda ọnịrị Ijerusarẹmị beri ẹnị ọdọvịdị ikootu ohinọyị, ẹnị ohirẹsụ irehi Ohomorihi ẹnịrị avaba ọdọvịdị ẹkụra nịnị ana kụ ahụ hi ozi ụnọ ọnọọ dị ẹ zẹẹ ịzẹzẹ beri ọnị avọọ,

Ijeremaya 36:12

Dị ọ́ nọ ịnị eehi ohinọyị nị. Ô tu ịzọọ dị ọ́ nọ ịnị akụ ọza anaā chẹrẹ ịsa nị. Avaba ẹnị ọdọvịdị yà ozukọrọ ịzọọ ụmẹ ọnọọ. Aza ẹnẹnị e hi ịzọọ ụmẹ avọọ nị: Erisama anaā chẹrẹ ịsa ịnị ikootu, Ịdẹraya ana vị ozi Isemaya, Ẹrinata ozi Achibọ, Igẹmarịya ozi Isahwani, Ịzẹdẹkaya ozi Ịhananịya, ọnịrị avaba ẹnị ọdọvịdị ana vọ.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Ireevi 25:10

Ọ kà aanị ẹnịnị mẹmẹ vaa sị ana gụ ọ ịrayị ẹvarẹwụ tụ irenyi nị. Ẹnịnị vaa nọ̀ọ ịnị ịrayị ọnọọ ka aa ngwa avaba aza ana ra ịnị ẹtẹ ọnọọ tịtẹ. A vaa và avaba ogu ana a vịdị ná ịrẹmaa yị aza ana vịdị nyị wa, à vị yị ezi ẹnịnị, dị a hụrẹ avaba aza ana vịdị hị́ ọrịhị ụvọ ka ẹẹ vàa ka anda ẹnịnịị na.

Ịmaakị 6:20

agụvị ka Ịhẹrọọdụ vị ene ee hí angwa Ịjọọnụ, agụvị ka ộ yẹ ka Ịjọọnụ vị ọnịrẹyịzẹyịza, dị ọ rẹ vị ọza ọnịnị nị. Agụvị avọọ dị Ịhẹrọdị ka à sị eyi pe Ịjọọnụ nị. Ịhẹrọdị ọ̀ọ wụ́ ịrẹyị Ịjọọnụ, dị ayị anị sị vazi, ama dị ịnẹ anị ee yii hine ka ọnị ọ̀ wụ́ ịrẹyị anị.