Ijeremaya 33:9 - IWE ỌNỊNỊ

⁹ Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 33:9 ပူးပေါင်းရင်းမြစ်များ

2 Ịtọpa 20:29

Anẹkụra ọzọza ana wụ́ ọ Ẹnẹyịmavara mẹmẹ hu ọnịvị Anisirẹrị nịnị divi-divi.

Inehemaya 6:16

Ịjị ọnịvị ayị nịnị ọnịrị avaba ẹkụra ana kara wa wụ́ ka ọvọ ọ sị jị, dị angwahi ngụ wa ẹngụ agụvị ka ệ yẹ ka Ohomorihi ộ gụ yị ụvọ da a nị, dị ụhị kụkụ aa nyị wa nị.

Ẹsịta 8:17

Dị avaba Aniju ene hi ịzị ọda ọnọọ tù ịnị ẹtẹ ọnọọ aa rị eche anị. Dị aahẹ aa sụ́ ịrẹyị kuu ịnị avaba ẹtẹ ọnọọ nị. Dị angwahi sị ngụ aza ana vọ ẹngụ nị. Dị aza ọrụrụ-ọrụrụ anẹkụra irenyi-irenyi kụkụ aa hí ẹngụ ẹnịnị Aniju nị.

Ahẹ Ụgama 130:4

Ama ẹwụ vị ana aa vagu ọza ana àa mẹ̀ ebira odivi, avọọ aza sịị̄ nyị angwahi awụ nị.

Ahẹ Ụgama 40:3

Ohomorihi ộ mẹ̀ ka ma zụụ jị ahẹ dị ma sịị sị ụbanyịị yị ọnị Aza ọrụrụ-ọrụrụ vee re ịsị Ohomorihi mẹ, dị ẹ yaa sị ụbanyịị yọ, dị ẹ rẹ sị ayị tụra a.

Ayịsaya 43:21

Ẹnịnị ẹ vị aza ẹnị mị mẹ yị ẹngụ amị nị, agụvị ẹnịnị ẹ̀ vaa jị ahẹ kụ́ mị avọọ.

Ayịsaya 55:13

Ọchị ịsayịpụrọọsị vee nyi hi ịzị avị ikeyi-ikeyi nyị hi booro aanị. Ọchị ana aā hị́ Imatiri vaa chịị tụ ịzị ikeyi nyị hi. Apọtẹrẹwa ọsọnị vaa vị̀ pooro zịna-zịna nị. A vaa sị tamayị ịsa ẹmị Ẹnẹyịmavara mẹ.”

Ayịsaya 60:5

U vee re ịsa ọnọnị, dị ọ vị ịrajẹ yị wụ. Dị ụ mẹrị ayohine. Ogu anẹkụra nịnị vị ana vaa kụ va yị wu; hụrẹ akẹnẹ oku vị ana vaa kụ ẹkẹhị vẹ.

Ayịsaya 62:1

Ẹnẹyịmavara kà a, agụvị Ịzayọnị ọnị e yi vee chi iriji, agụvị Ijerusarẹmị ọnị ẹ yị vaa tụ́ ụhwọ́, ẹ yị ịjị ịzẹyịza anị aa zẹtẹ, dị ẹdọha anị aa za anka ịra ịtọchị.

Ayịsaya 62:12

A vaa hị́ wụ nịnị “aza ọnịnị Ohomorihi”, aza ọnị Ẹnẹyịmavara sị dọ ha Ijerusarẹmị vị ana vaa hị́ ẹkụra ọbanyị ọnị Ohomorihi sị ịrẹyị anị. Ẹkụra ọbanyị ọnị Ohomorihi ọ yị hụrẹ ụvọ.

Ayịsaya 62:4

Ọza ẹ yị kụkụ vaa hị́ wụ eneyi, a vị dị aa hị́ ẹtẹ awụ nịnị Enezweyị, ama ịrẹha ọwọọwa awụ nịnị ọ rị onimisi, Ẹtẹ awụ nịnị ọ rị Anaanyị. Agụvị ka ayị Ẹnẹyịmavara ô hine tu wụ, ọnị ọ vaa nyị ẹtẹ awụ nịnị anka ọza ộ nyị ọnẹẹ avọọ.

Ayịsaya 62:7

Ẹnịnị ẹ yị vaa zẹ ka ọ tụ́ ụhwọ́ pooro dị ọ va Ijerusarẹmị nọ udi anị. Dị ọ mẹ̀ ẹ ẹkụra ọnị avaba anẹhẹ vaa ga.

Ayịsaya 64:2

Ẹnịnị vaa da ẹgahị anka enyi ene sì hii ịra, dị aa há avọọ. Vẹ, wa va sị ụkata awụ zụ ọnịvị awụ nịnị, dị ụ wa mẹ ka anẹhẹ ẹẹ da ẹgahị eyi awụ.

Ijeremaya 13:11

Ẹnẹyịmavara kà, Anisirẹrị ọnịrị Anijuda nịnị vị ọnị ọnị sì ka ẹ sị ụvọ za ọnị bịrị-bịrị anka a mẹẹ̄ sị ụbaja sụ́ ọtẹ avọọ. Ọ kà, agụvị ka vi ọnị sì ka ẹnịnị ẹ̀ vị aza anị, dị ẹnịnị ẹẹ sị ụga ọnịrị ụbanyị yị ịrẹha anị nị. Ama ẹnịnị ẹ yị ma saasa ịrẹyị anị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 29:1

Ijeremaya ka ọnị ộ chẹrẹ ịrẹta tu hi ohirẹsụ irehi Ohomorihi nịnị, ọnịsẹ nịnị, ẹnị ọdọvịdị nịnị ọnịrị avaba aza ana vọ ọnị Inebukadineza za ọrịhị hụrị Ijerusarẹmị ne hi Ịbabịrọnị.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 3:19

Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ijeremaya 31:14

Ẹnẹyịmavara kà, ọnị vaa sị ịsọyịrị ọyịza-ọyịzaa yị ohirẹsụ irehi Ohomorihi ẹnịnịị rị. Ọ kà, avaba ịsị aza anị ee si vị ọnị ọnị vaa sịị yị wa dị ịnẹ ha wa.

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ijeremaya 32:42

Ẹnẹyịmavara kà, anka ọnị mẹ kụ ịrẹyị odivi tu aza ẹnẹnị aanị, avọọ gẹdẹ-gẹdẹ ọnị mẹ rẹ vaa mẹ ọyịzaa yị wa anka ọnị mẹ kà a yị wa nị.

Ijeremaya 33:14

Ẹnẹyịmavara kà, re, ụmẹ aa vẹ ọnị ọnị vaa mẹ avaba ịsa ọnị ọnị ka ọnị vaa mẹẹ yị Anijuda ẹnịrị Anisirẹrị nịnị aanịị yị wa.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ijeremaya 49:25

Aza ẹ sị hụ hụrẹ ẹkụra ana maanị ngụ ịrẹyị dị ẹ jẹ ịrajẹ pooro kene.

Ezikẹẹrị 26:20

Ẹnẹyịmavara kà ọnị vaa dụ wụ nịnị ngụ ụsị nee tu aza ene wusu hụrị ụmọrụmọ. Ọnị vaa mẹ ka ẹwụrị oku nịnị ẹ̀ kụkụ na ra hi iruvo ẹtẹ. Wẹ́ yị ma vana vavẹ ẹhẹ ọnọnị va ra nịnị.

Ezikẹẹrị 36:35

Dị avaba aza aa kà a ka ẹtẹ ọnọnị ana vị ụnọmị tịtẹ ịhị ọnọọ, ọ kụkụ ya anka ụbazị Edẹnị aanị nị. Dị ẹ rẹ ka, wéé re ẹkụra ana a gara và ha, dị á kụ wa ẹnya, dị a jị wa eburu và hi ẹtẹ ịhị ọnọọ, ọnị a maanị va ra hi ịnị anị, dị a jị ọvọ kara a aanị nị?

Ezikẹẹrị 39:13

Avaba aza ene hi ịnị ẹkụra va mẹ ọgụvọ dị è ne wa, ọsọnị a vaa sị sị́ ụbanyị yị wa ịhị ọnị ọọ raa nyị ẹbẹẹba ọnịvị anị nịnị nị. Ọnị, Ẹnẹyịmavara ọ kà avọọ nị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịzakaraya 1:17

Anggẹẹrị ọnọọ kà Ịzakaraya ọ rẹ kà a ka Ẹnẹyịmavara Ochẹtẹẹngụ kà ọ varẹma zee yị ẹkụra nịnị. Ọnị vaa gụ Ịzayọnị ụvọ, dị ọnị nyị Ijerusarẹmị ka ọ vị anị.

Ịzakaraya 12:2

Ọnị vaa mẹ Ijerusarẹmị anka ako eche avọọ. Ẹkụra ana kara a vee hú dị aa mẹrị wa anka ohweche avọọ. Ịjị ẹnịnị ẹ̀ẹ kara Ijerusarẹmị hi, ẹkụra ana vọ ịnị ẹtẹ Ijuda ẹ yị vaa ha.

Iwe Ọhụhị Imosiisi ana aa hị́ Ọyịvatụrọda 30:5

Ẹnẹyịmavara vaa vavọọ mẹ agụvị dị ụnanka ẹnịnị ẹ dọ ẹtẹ ọnị ohiku ẹnịnị vịdị ra varẹma. Ọ vaa mẹ ka o zee yị wa, dị ẹ rụrụ hụụnị ohiku ẹnịnị mẹ vịdị ya.