Ijeremaya 33:7 - IWE ỌNỊNỊ

⁷ Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ijeremaya 33:7 ပူးပေါင်းရင်းမြစ်များ

Ahẹ Ụgama 126:1

Ịjị Ẹnẹyịmavara và Anisirẹrị vavẹ udi anị, vị ọ sị mẹẹ anka ụra avọọ eyi ayị nị.

Ahẹ Ụgama 126:4

Ẹnẹyịmavara, và yị nọ udi ayị ịyẹẹyẹ anka orihi mẹ̀ẹ zụ̀, di okuha ana vịdị sị wụ kụkụ aa kụ́ ọhaara avọọ.

Ahẹ Ụgama 14:7

Ọ́ máá navọ Ohomorihi ọ̀ hụrẹ vẹ dị ọ̀ va dọ Anisirẹrị tụ́. Ịjị Ẹnẹyịmavara ọ raà mẹ ka aza anị ọnị ịrẹkụ kụ́ ẹ̀ vavẹ, ẹnịnị vaa daa jẹ kẹnẹ!

Ahẹ Ụgama 85:1

Ẹnẹyịmavara, wâ vayị aza ene hi ịnị ẹtẹ ọnọnị. Wa raà mẹ ka ẹngụ Anisirẹrị ẹ̀ rẹ varẹma hunẹnẹ.

Ayịsaya 1:26

Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya.

Ayịsaya 52:8

Sị ụtọ pe ẹtẹ! Aza enee sere ẹkụra ee nowu. Ẹnịnị dudu aa jị ahẹ agụvị ka ayị ẹnịnị ee hine. Ee sị eyi ẹnịnị ee re ka, Ẹnẹyịmavara ọ sị varẹma aa vẹ Ịzayọnị.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 30:18

Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 30:20

Ẹnẹyịmavara kà, ọnị vaa mẹ ka ezi ẹnịnị ẹ̀ yà anka ẹ mẹ yà ịyẹẹyẹ. Ọnị vaa varẹma sị ẹkụra ẹnịnị hi ẹtẹ geri-geri. Dị ọnị sị ụya rị avaba aza ana mẹ ẹvaya (ehuna) yị wa.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 31:28

Ọ kà anka ọnị mẹ mẹ ka è hu wa hụrị ẹtẹ, dị a ma wa nyẹtẹ, dị ọnị mẹ ka à kụ wa hụrị ẹtẹ, è vu wa ẹtẹ dị a gara wa va ha avọọ, avọọ ọnị mẹ rẹ vaa mẹ ka à hị́ wa dị ẹẹ hụ nị.

Ijeremaya 31:38

Ẹnẹyịmavara kà ụmẹ aa vẹ ene e vee tenyi Ijerusarẹmị dà anka ẹkụra. A vaa dà a hụrị ohurohuro Ịhananẹrị eyi ọnị ọyịị̄ zị naa ngụ ẹtẹ naa ngụ oze ovwoovu ẹkụra ana yà ịnị ịkọna.

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 42:10

wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị.

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Arụwẹ 4:22

Ụyọrị Anịzayọnị vaa ta. Ẹnẹyịmavara ẹ yị kụkụ vaa za ayị ku aha ịzị a za ayị ọrịhị ne hi aanị. Ama Ẹnẹyịmavara vaa sị ụya ịvị Anedomi rị wa. Ọ vaa kụ wa uruvo hi ẹhẹ dị è re ebira odivi ẹnịnị.

Ezikẹẹrị 39:25

Ama booro aanị, Ẹnẹyịmavara Ananyị yị ka, ọnị vaa vayị evere Ijekọvụ; ẹnị ẹ vị Anisirẹrị nịnị nị, dị ọnị mẹ ka ọ̀ varẹma zee yị wa. Ọnị vaa hụ̀ agụvị ịrẹha ọnịnị anịị kụ ụhị.

Ihoseya 2:15

Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Ịzẹhwanaya 3:20

Ẹnẹyịmavara kà, ụmẹ aa vẹ ọnị ọnị vaa kụ́ aza ana gara hi ẹhẹ vavẹ eehi ẹnịnị. Ọnị vaa mẹ̀ ka ẹ ngụrẹyị ịnị avaba ẹhẹ Ẹnẹyịmavara kà ọnị vaa mẹ̀ ka ọ varẹma zee yị avaba ẹnịnị.

Ịzakaraya 1:17

Anggẹẹrị ọnọọ kà Ịzakaraya ọ rẹ kà a ka Ẹnẹyịmavara Ochẹtẹẹngụ kà ọ varẹma zee yị ẹkụra nịnị. Ọnị vaa gụ Ịzayọnị ụvọ, dị ọnị nyị Ijerusarẹmị ka ọ vị anị.