Ijeremaya 33:6 - IWE ỌNỊNỊ

⁶ Tizọ-tizọọ, Ẹnẹyịmavara kà ọnị vanaa sị Ijerusarẹmị ọnịrị aza anị ẹngụụ nịya. Ọnị vaa mẹ ka ò zee yị wa eyi ụvọnị-ụvọnị, dị ọnị ee sere wa.

Ijeremaya 33:6 ပူးပေါင်းရင်းမြစ်များ

Ahẹ Ụgama 147:3

Aza ana ayị anị kú du vi oni o vee hunẹnẹ ayị, di o si isuuru yị wa.

Ahẹ Ụgama 37:11

Aza ana kà ẹngụ ẹnịnị chi ẹ vaa nyị ẹtẹ ọnọọ nị Ẹ́ vaa nyị ụbanyị, dị ẹngụ ẹnịnị rọ.

Ahẹ Ụgama 67:2

Ohomorihi, wàa vavọọ mẹ, aza vaa yẹ ịsa ọnị ụụ̄ mẹ, avaba anẹhẹ vaa yẹ ka ẹwaā dọ ọzaa há nị.

Ahẹ Ụgama 72:7

Ụmẹ ohinọyị ọ̀ vị ụmẹ ana avaba aza vaa sị mẹ ịzẹyịza dị ahịka vi ee zozaa yị avaba aza pooro dị ẹhẹ ọ̀ kara ụ̀pa nị.

Ọyịkụra 34:6

Ọ mẹ̀ zị ọvịdị Imosiisi aa parahu, dị aa hị́ ẹngụ anị ịrẹha dị ọ ka ọnị Ẹnẹyịmavara ana vị Ohomorihi anaā vayị ọza ẹtẹẹtẹrẹ. Ọ kà ọnị ọ mā hụra kụ́ ayị, ama ọnịị̄ sì ịrẹyị ọza dị ọnị rẹ nyị ịzẹyịza nị.

Ịrẹyị Ọzwọzịsa 3:3

Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị. Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.

Ayịsaya 2:4

Ohomorihi vaa mẹ̀ ọkarẹyị yị anẹkụra ẹbanyị-ẹbanyị ana àa nyị ahankata. Ụhwọ ana aza ẹnẹẹ vịdị aa sịị kụ̀ ịrẹkụ vi eni e vene sii tụ́ ẹdụ, dị ẹ rẹ sị ọha ẹnịnị tụ́ ụhwọ́ ana a sịị mẹ̀ ụkọrọ ịnị aarẹ. Anẹkụra nịnị ẹ mā vana kwẹẹtẹ tù ẹngụ ka vị ẹnị aa kụ̀ ịrẹkụ nị. Ẹnịnị ẹ yị kụkụ vaa jị ẹnya ịrẹkụ.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Ayịsaya 39:8

Dị Ihezekaya tụ́ Ayịsaya ohi ka ịrẹyị ọnị Ẹnẹyịmavara kà o zoza. Ama ọnị ô ro o, Áa vaa nyị ẹngwọọrọ ọnịrị ọyịtụreyi ịnị ụmẹ anị?

Ayịsaya 54:13

Ẹmị ụvọta vaa zụ̀ ezi ewu ịsa. Mị vaa mẹ ka ò ze yị wa ẹtẹẹtẹrẹ, dị mị sị ẹngwọọrọ yị wa.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ayịsaya 57:18

“Me reè re ịsị ẹ mẹ, ama mị vaa mẹ wa ụkụ. Mi vaa zụ wa oze, dị maa mẹ̀ ọgụvọọ yị wa. Ẹnịnị enee su ùnè, mi vee hunẹnẹ wa ayị.

Ayịsaya 57:19

Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ.

Ayịsaya 58:8

Ẹnẹyịmavara kà, ẹnịnị ẹ̀ẹ vavọọ mẹ, ụbanyị ayamva anị vaa zẹtẹ ịnị ẹhẹ ẹnịnị anka ọyị ẹnẹnẹ avọọ. Ụnava ẹnịnị vaa hụra vị, dị ọnị yaa pe wa, dị ọnị dọ wa ha, dị ọnị ee sere wa eyi ụvọnị-ụvọnị.

Ayịsaya 66:12

Ẹnẹyịmavara kà ọnị vaa mẹ ka ize ẹnịnị ọ nọ ịrẹma. Ogu anẹkụra nịnị vaa ngụ tu wa anka irehu meē si dị ẹ yị wụ́ avọọ. Ẹ vaa sị mẹẹ anka ozi ọnị ọnyị anị sị rị ụvọ aa ka ịrẹva, dị ọ sị eyi pe ẹtẹẹtẹrẹ agụvị ka o sì ịrẹyị anị avọọ nị.

Ijeremaya 17:14

Ijeremaya ka, Ẹnẹyịmavara ọ̀ mẹ̀ ọnị ụkụ, ka ẹngụ anị vaa nịya saka-saka. Ọ̀ ka Ẹnẹyịmavara ọ̀ dọ ọnị tụ, dị asị á nyị ịsị ẹ mẹ̀ ọnị vụrụ-vụrụ. Ẹnẹyịmavara, ẹwụ ọnị aa sị ụgaa yị nị.

Ijeremaya 29:11

Ọ kà agụvị ka ọyịnyara ọ yẹ́ aro ọnị nyị yị ụ nịnị nị, ọnị ọọ nyị aro ọ́ mẹmẹ vee zee ụ nịnị ẹ́ yị vị ọ́ mẹmẹ vaa kata ụ nịnị ẹngụ, ọnị ọọ nyị aro ịsa ọnị waa tụra eyi nịnị ụhwọọ mẹmẹ vaa gẹẹ yị ụ nịnị.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Imika 4:3

Ohomorihi vaa mẹ̀ ọkarẹyị yị anẹkụra ene ee pè ẹngụụ zyaazị, ẹkụra ẹbanyị ana nyị ụkata ana gụrị ẹtẹ ọnịrị ene noze. Ụhwọ ana aza ẹnẹẹ vịdị aa sịị kụ́ ịrẹkụ vi eni e venee si tụ́ ẹdụ ana a sịị kụ́ ịrịkụ. Dị ẹ sị ọha ẹnịnị tù ụhwọ ana a sịị mẹ̀ ụkọrọ ini aarẹ, aanị tụ́ ịnị ịrẹyị ẹnịnị. Mị ka o vee ji ịrazị ana aza ee pè ẹngụụ zị. Anẹkụra ẹ mā vana kwẹẹtẹ tụ́ ẹngụ ka vị ẹnị aa kụ̀ ịrẹkụ nị. Ẹ yị kụkụ vaa nyị ka vị aza aa kọsẹ ịrẹkụ nị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Ịjọọnụ 10:10

Oyi vị anaā vẹ kẹnẹ ka oni ò ve yi ịsa, dị ọnị ọ̀ wụ̀ ọza, di oni ò re du ịsa ha. Àa vị ẹmịị yọ, ẹmị vị ana vẹ ẹhẹ ka ma sị ẹhẹ obooro-obooro yị aza, ana ahịka ọza o yi zụ sị irenu juwe anị.

Anẹhwẹsọsị 6:23

Ohomorihi Ada ayị ọnịrị Ijeesu Ikirisiti Ananyị yị ẹ̀ sị ẹngwọọrọ yị avaba anịragụ anị, dị ẹ̀ rẹ mẹ ka ẹ̀ẹ sị ayịị tụra Ohomorihi; ọ̀ rẹ navọ ẹnịnị èe sì ịrẹyị ẹngụ!

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.