Ijeremaya 33:26 - IWE ỌNỊNỊ

²⁶ Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 33:26 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ẹzịra 2:1

Ịnị ụmẹ ọnị Inebukadineza sị vị ohinọyị Ịbabịrọnị, ộ kụ ịrẹkụ na rị Ijerusarẹmị ọnịrị ẹkụra ene hi ẹtẹ Ijuda, dị ọ kụ aza huu ịzọọ ne hi ẹtẹ Ịbabịrọnị nị. Ezi aza ẹnẹẹ ẹ varẹma ve eehi ohiku ẹnịnị aanị nị.

Ẹzịra 2:70

Avaba ohirẹsụ irehi Ohomorihi nịnị, Anireevi nịnị, ọjahẹ nịnị, oserẹtẹ nịnị ẹnịrị anụkọrọ irehi Ohomorihi ne beri aza ẹnyị ana vọ ẹ ra ịnị ẹkụra eweyi-eweyi ana gụrị Ijerusarẹmị. Aza ana vọ vị ana varẹma na ẹkụra ọsa ene hi ịnị ẹtẹ Ijuda ịzị vị eehi ẹnịnị.

Ahẹ Ụgama 126:1

Ịjị Ẹnẹyịmavara và Anisirẹrị vavẹ udi anị, vị ọ sị mẹẹ anka ụra avọọ eyi ayị nị.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ayịsaya 54:8

Ayị ộ kụ́ mị, dị mị navọ ụ tịtẹ ụmẹ chee nị, ama mị vaa sị zụ̀ wụ m mẹmẹ sì ịrẹyị awụ pooro. Ẹnẹyịmavara ana dọ wụ ha, ọ kà avọọ nị.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ijeremaya 31:35

Ẹnẹyịmavara ọ mẹ ọyị ka ọ̀ vị ẹtohweyi yị ọọdụ nị, ọnị ọ mẹ ụhwẹ ọnịrị ụzọmị ka ẹẹ zẹtẹ ịrahụ nị. Ọnị ọ mẹ ka oku ọọ jị ayị dị ọọ da vụụvụ nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 31:37

Ẹnẹyịmavara kà aza ẹ̀ẹ zụ ngọ ẹbẹẹba, dị ẹ rẹ zụ sị iruvo ọnị mẹmẹ ka ẹhẹ ẹtẹ nị, ọnị vaa hụ agụvị avaba ịsị ọnị ezi Anisirẹrị nịnị mẹ, dị ọnị dụ wa kwooze.

Ijeremaya 33:24

Ọnị ọ́ọ́ si ụtọ pe ẹtẹ dị ọnị ọ wụ̀ aza maa kà a ka Ẹnẹyịmavara o re yị Anisirẹrị ọnịrị Anijuda, ovwoovu ẹyịva ọnị ọ nyị tịtẹ? Agụvị avọọ dị ẹ kụkụ aa sị eyii wụ̀ wa dị ẹnịnị sị eyi ẹkụra ọyịvụrụ rẹ wa nị.

Ezikẹẹrị 39:25

Ama booro aanị, Ẹnẹyịmavara Ananyị yị ka, ọnị vaa vayị evere Ijekọvụ; ẹnị ẹ vị Anisirẹrị nịnị nị, dị ọnị mẹ ka ọ̀ varẹma zee yị wa. Ọnị vaa hụ̀ agụvị ịrẹha ọnịnị anịị kụ ụhị.

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ihoseya 2:23

Ẹnẹyịmavara kà ọnị vaa sị Isirẹrị jẹẹ, di o zee yọ. Ọnị vee sì ịrẹyị aza ọnị ọnị e yi vịdị si, dị aza ọnị ọnị ka ẹ yị vị aza anị kụkụ vị aza anị, dị ẹ yaa hị́ ọnị Ohomorihi ẹnịnị.

Ịzakaraya 10:6

Ẹnẹyịmavara kà ọnị vaa sị ụkata yị Ijuda, ọnị aa dọ anineehi Ijosẹẹhụ ha. Ka ọnị ọ vayị ẹnịnị ọnị vaa va wa ịrẹma nọ udi ẹnịnị. Ẹnịnị vaa sị mẹ ka ọnị ẹ yị yi wa avọọ nị, ka ọnị Ẹnẹyịmavara ọ vị Ohomorihi ẹnịnị, ọnị vaa wụ́ aduwa ẹnịnị.

Aniroomi 11:32

Ohomorihi ọ raà kụ́ avaba aza hi ịnị ẹngwa ka anakamawụ ẹ vị nị, agụvị dị ọ̀ zụ vayị avaba aza.