Ijeremaya 33:22 - IWE ỌNỊNỊ

²² Ẹnẹyịmavara kà, ọza ẹ̀ yị mẹ zụ zá ụzọmị ene hi ẹbẹẹba ịrịka, dị ọza ẹ̀ yi rẹ zụ ngọ ààrẹ ụtọ ókụ̄ avọọ, avọọ gẹdẹ-gẹdẹ ọnị mẹ vaa mẹ ka ezi Idevidi ọnịrị Anireevi ana vị ohirẹsụ irehi Ohomorihi ka ẹ̀ rụrụ dị ọza ẹ́ yị zụ zá wa ịrịka nị.

Ijeremaya 33:22 ပူးပေါင်းရင်းမြစ်များ

Oyinyima 13:16

Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Ahẹ Ụgama 22:30

Ezi ịrẹma-ịrẹma vaa hẹkẹ Ẹnẹyịmavara A vaa pa ịta yị wa ịsa ọnị ọ mẹ.

Ahẹ Ụgama 89:29

Wa rẹ kà a ka ovwoovu anị vị ọnị ụ vaa sị jẹẹ pooro, dị ahịka ọnị ọ vị ohinọyị pooro zịna-zịna nị.

Ayịsaya 48:19

Ezi ẹnịnị vaa rụrụ anka aarẹ avọọ. Ọnị vaa mẹ̀ ka asị a nyị ịsị mẹ̀ wa.

Ayịsaya 66:21

Ẹnẹyịmavara kà ọnị vaa sị aza ẹnyị ẹnịnị ka ẹ vị ohirẹsụ irehi anị, dị ẹnyị vị Anireevi ana mẹ ọgụvọ.

Ijeremaya 30:19

Ẹnịnị va jị ahẹ gono ọnị, dị eyee nowu ẹ́ẹẹ maa jẹ ịrajẹ. Ọnị vaa mẹ ka ẹnịnị ẹ̀ rụrụ, ẹnịnị ẹ yị ma vana jịha. Ọnị vaa mẹ ka a sị ụbanyị yị wa, ọza ẹ́ yị ma vana sị eyi oweyi re wa.

Ijeremaya 31:37

Ẹnẹyịmavara kà aza ẹ̀ẹ zụ ngọ ẹbẹẹba, dị ẹ rẹ zụ sị iruvo ọnị mẹmẹ ka ẹhẹ ẹtẹ nị, ọnị vaa hụ agụvị avaba ịsị ọnị ezi Anisirẹrị nịnị mẹ, dị ọnị dụ wa kwooze.

Ijeremaya 33:18

Anireevi ẹnị ẹ rẹ vaa vị ohirẹsụ irehi Ohomorihi pooro, dị ẹyaa hẹkẹ ọnị nị. Ẹnị ẹ vaa rị ịsa ịsọvọ ịra dị ẹyaa mẹ ịsọvọọ hi ọnị nị.

Ijeremaya 33:23

Ijeremaya ka Ẹnẹyịmavara ộ kà a yị ọnị ka,

Ezikẹẹrị 37:10

Ịzẹyịza dị ọnị vavọọ kà ịsẹ anka a mẹ kà a yị ọnị nị. Kẹnẹ dị oku ẹnẹnị nyima aa tụ́ ụhwẹ nị, dị ẹnịnị kụkụ yára nị. Ẹnịnị ệ kwẹẹtẹ jẹẹ anka ọkọnị isoja nịnị avọọ.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ịzakaraya 10:8

Ẹnẹyịmavara kà ọnị vaa hị́ anị, dị ọnị kụ́ wa gụ, dị ọnị dọ wa ha, dị ọnị mẹ̀ wa ka ẹ varẹma rụrụ anka ẹ mẹ vịdị ya.

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Ịzakaraya 2:4

Dị ọ ka oni o zwe na ka yị ozwọọmụha ọnọọ, ka Ijerusarẹmị aa vaa vara ẹkụra ẹnẹ ẹ yị nyị ọvọ. Ọnị ọ vavọọ na kà a agụvị aza ọrụrụ ọnịrị ịsụpa ọdẹngụ ene hi ịzọọ.

Anihiburu 11:12

Ịnị ụmẹ ọnọọ, Abụrahamị ộ ta bo, ọ hyakụ e vee sú. Ama ọnị ọyị va ma ezi ana ahịka ẹẹ rụrụ anka ụzọmị, dị ẹ rẹ rụrụ anka ààrẹ ụtọ ókụ̄ ọnị ọza ọ̀yị zụ za ịrịka nị.