Ijeremaya 33:2 - IWE ỌNỊNỊ

² Ẹnẹyịmavara ana tụ́ ẹhẹ ọnọnị, dị ọ sị ọ hi ẹtẹ aha anị ọ́ mẹ sị ọ mẹ; ịrẹha anị ọ rị Ẹnẹyịmavara nị; ọ ka,

Ijeremaya 33:2 ပူးပေါင်းရင်းမြစ်များ

Ahẹ Ụgama 102:16

Ẹnẹyịmavara o reè tenyi dà, ọ vaa sị zụ̀ ka ọnị ộ nyị ụbanyị.

Ahẹ Ụgama 87:5

Aza vị ana vaa kà a ka avaba anẹkụra e hí Ịzayọnị nị. Ohomorihi ana nẹba hu keekere ọnị ụvọta ọ vaa sị Ịzayọnịị jẹẹ nị.

Ọyịkụra 15:3

Ẹnẹyịmavara vị ọkụrẹkụ, Ịrẹha anị ọ rị Ẹnẹyịmavara nị.

Ọyịkụra 6:3

Ộ kà ọnị ộ sị ẹngụ zụ̀ Abụrahamị ọnịrị Ayiziiki ne beri Ijekọvụ kà ẹnịnị ệ yẹ ka ọnị ọ vị Ohomorihi Ochẹtẹẹngụ nị. Ọ kà ama ọnị ọ yị sị ẹngụ anị zụ̀ wa ka ẹ̀ yẹ ka ọnị ọ̀ rị Ẹnẹyịmavara nị.

Ayịsaya 14:32

Anẹkụra ẹnẹẹ èe ve họ̀ use ịrẹyị, a mẹmẹ vee tụ́ wa ohi? Dị a kà a yị wa ka Ẹnẹyịmavara o re è tenyi jẹẹ. Aza anị ana a vịdị sị ụya rị vee re aha ẹvagu ịzọọ.

Ayịsaya 37:26

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Ayịsaya 42:8

Ẹma vị Ẹnẹyịmavara nị, ịrẹha amị ọ rị avọọ nị; Mẹ yị vaa sị igirima amịị yị ọza ẹnẹsa, Mẹ yị vaa sị ụga amị yị ori ọnyọọnyị.

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Ayịsaya 43:21

Ẹnịnị ẹ vị aza ẹnị mị mẹ yị ẹngụ amị nị, agụvị ẹnịnị ẹ̀ vaa jị ahẹ kụ́ mị avọọ.

Ayịsaya 62:7

Ẹnịnị ẹ yị vaa zẹ ka ọ tụ́ ụhwọ́ pooro dị ọ va Ijerusarẹmị nọ udi anị. Dị ọ mẹ̀ ẹ ẹkụra ọnị avaba anẹhẹ vaa ga.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 16:21

Ẹnẹyịmavara kà agụvị avọọ ọnị aa sị ụkata anị zụ wa nịnị dị ẹ̀ yẹ ka ọnị ọ vị Ẹnẹyịmavara nị.

Ijeremaya 32:18

Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Ijeremaya 51:19

Ohomorihi Anisirẹrị nịnị ọnịrị wa ẹ́ yị vị ọnyọọnya, ka ọnị ọ mẹ avaba ịsa nị. Ọnị ọ nyị Anisirẹrị nịnị ka ẹnịnị ẹ̀ vị aza obooro-obooro nị. Ịrẹha anị ọ rị Ẹnẹyịmavara Ochẹtẹẹngụ nị.

Emọsị 5:8

Ẹnẹyịmavara ọnị ọ mẹ̀ ụzọmị nịnị nị. Ọnị ọ mẹ oserụhwẹ ọnịrị ụhwaazị nị, ọnị ọọ̄ vara etohozi eyọnị, dị ẹtohweyi vara ịrahụ nị. Ọnị o tụra enyi hụụnị oku vaa hịrẹ, dị ọ zwọ ọ orihi chi vẹ hi ẹtẹ nị.

Emọsị 9:6

Ẹnẹyịmavara vị ana da irehi anị tụ ẹbẹẹba dị ọ sị eteesu mẹ ohyẹtẹ anị. Ọnị o tura enyi hịrẹ hụrẹ ịnị oku, dị ọ vara eyi zụ ọ orihi hi ẹtẹ nị.

Anihiburu 11:10

agụvị ka Abụrahamị ee zí eyi ẹkụra ọnọọ oni Ohomorihi sị dà, ana ahịka vị ọ nyayịnẹ jẹẹ geri-geri nị.

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Ẹtore 21:10

Dị Ụhwẹ Ọnịnị dọ avaba ayị amị, dị anggẹẹrị ọnọọ sị mị nọ ịrẹsụ ataba ọnya aanị ana nẹba ẹtẹẹtẹrẹ nị. Dị ọ sị ẹkụra ọnịnị ọnọọ zụ̀ mị, ana vị Ijerusarẹmị nị, o mèe chíi hụrẹ ẹbẹẹba ịda Ohomorihi vẹ.

Ẹtore 21:2

Ẹmị Ịjọọnụ, mée re ẹkụra ọnịnị ọnọọ ana vị Ijerusarẹmị ka ee chíi hụrẹ ẹbẹẹba ịda Ohomorihii vẹ. Di e tenyi ọọ ẹngụ anka ọnẹẹ anaa mẹ ọvị yị ọva anị avọọ nị.