Ijeremaya 33:18 - IWE ỌNỊNỊ

¹⁸ Anireevi ẹnị ẹ rẹ vaa vị ohirẹsụ irehi Ohomorihi pooro, dị ẹyaa hẹkẹ ọnị nị. Ẹnị ẹ vaa rị ịsa ịsọvọ ịra dị ẹyaa mẹ ịsọvọọ hi ọnị nị.

Ijeremaya 33:18 ပူးပေါင်းရင်းမြစ်များ

Ẹzịra 3:5

Ịrẹma ịsọvọ ẹnịnị, dị ẹ rẹ yaa mẹ̀ ịsọvọ eyinị-eyinị ọnịrị ịsọvọ ụhwẹ ọwọọwa neberi ịsọvọ eche ịrayị-ịrayị yi Ẹnẹyịmavara nị. Dị ẹ rẹ yaa mẹ̀ ịsọvọ ọnị ọzọza ụvọta anị sị ayị anị sị hẹkẹ Ẹnẹyịmavara nị.

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ayịsaya 61:6

Aza vaa yẹ wa ka ohirẹsụ irehi Ẹnẹyịmavara ẹ vị nị. Ezi ahụ Ohomorihi ayị. Ẹnịnị ẹ vaa sị ogu anẹkụra nịnị mẹ ẹhẹ nị. Ee mè eyi ka ẹnị ẹ nyị nị.

Ijeremaya 33:19

Ijeremaya ka Ẹnẹyịmavara ộ kà a yị ọnị ka:

Ijeremaya 33:22

Ẹnẹyịmavara kà, ọza ẹ̀ yị mẹ zụ zá ụzọmị ene hi ẹbẹẹba ịrịka, dị ọza ẹ̀ yi rẹ zụ ngọ ààrẹ ụtọ ókụ̄ avọọ, avọọ gẹdẹ-gẹdẹ ọnị mẹ vaa mẹ ka ezi Idevidi ọnịrị Anireevi ana vị ohirẹsụ irehi Ohomorihi ka ẹ̀ rụrụ dị ọza ẹ́ yị zụ zá wa ịrịka nị.

Ijeremaya 35:19

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị aa kà a tịtẹ ka ọza é yi vee si ezi Ijonadabị ka ẹ̀ mẹ̀ ụkọrọ anị dị à si e re.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ezikẹẹrị 45:5

Achẹva ẹtẹ ana a dà tịtẹ yị Ohomorihi ana vọ aanị, vị ana vaa vị ọnyịrẹva Ánireevi nịnị anaa mẹ̀ ụkọrọ ịnị irehi Ohomorihi. Ịzọọ ẹ vaa da ẹkụra ẹnẹ ẹnịnị vaa raa hi nị.

Ịrịka 3:5

Ẹnẹyịmavara kà yị Imosiisi ka;

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Iwe Ọhụhị Imosiisi ana aa hị́ Ọyịvatụrọda 18:1

Imosiisi ộ kà a yị Anisirẹrị ka, Anireevi nịnị ẹ vị ohirẹsụ irehi Ohomorihi nị. Ọza ẹ yị vaa gà ẹtẹ ọnyọọnyịị tù wa Ísirẹrị. Ẹyịza ọnịrị ịsa ịsọvọ ana a sị va yị Ẹnẹyịmavara ẹ vaa rị nị.

Iwe Ọhụhị Imosiisi ana aa hị́ Ọyịvatụrọda 24:8

Aza ana àa nyị ụkụ ịnị ọchẹngụ ana katẹngụ, e re ka ẹnị ẹ mẹ ịsị ohirẹsụ irehi Ohomorihi nịnị ẹẹ ka yị wa. Ẹ saasa ịrẹyị ọnị Ẹnẹyịmavara mẹ ọda anị yị wa.

Ijosuwa 3:3

Dị ệ mẹ ọda yị wa ka yi ẹnịnị ee re kẹnẹ ka ohirẹsụ irehi Ohomorihi ọnịrị ezi Ireevi ẹ sị apoti oto ẹ kwẹẹtẹ dị ẹ saasa wa.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Ẹtore 1:6

Ọ raà nyị yị ka ya nyị tụ́ ịnị ịjọva anị, dị ya rẹ yà anka ohirẹsụ irehi Ohomorihi, dị yaa hẹkẹ Ohomorihi Ada anị. Ọnị ọ vaa nyị igirima ọnịrị ụkata pooro zịna-zịna nị. Aamị.

Ẹtore 5:10

Wa raà nyị wa ka ẹ̀nyị tụ́ ịnị ịjọva Ohomorihi. Dị ẹ̀ rẹ yà anka ohirẹsụ irehi Ohomorihi, dị ẹ̀ẹ hẹkẹ Ohomorihi ayị, ẹnịnị rẹ vaa rị ohinọyị ịnị ẹhẹ.