Ijeremaya 33:13 - IWE ỌNỊNỊ

¹³ Ẹnẹyịmavara kà, oseratẹmẹ nịnị vaa yà ẹkụra ene hi ịrẹsụ ataba ọnịrị iruvo ataba dị ẹyaa za atẹmẹ ẹnịị ịrịka. E vee hi eyi ụvẹtẹ Ijuda ọnịrị okokooro Ịbẹnjamịnị dị ẹyaa za atẹmẹ ẹnịnị ịrịka. Ẹnịnị vee hi ẹkụra eweyi-eweyi ana kara Ijerusarẹmị ọnịrị ịnị ẹkụra ẹbanyị-ẹbanyị ene hi Ijuda dị ẹyaa za atẹmẹ ẹnịnị ịrịka.

Ijeremaya 33:13 ပူးပေါင်းရင်းမြစ်များ

Ijeremaya 17:26

Ẹnẹyịmavara kà: Aza vaa hụrị ẹkụra ene hi Ijuda ọnịrị ẹkụra eweyi-eweyi ana kara Ijerusarẹmị; dị aza hụrị ẹtẹ Ịbẹnjamịnị, dị ẹ hụụnị ataba ọnịrị iruvo ataba beri eyi ụvẹtẹ Ijuda, dị ẹ kụ ịsị ịsọvọ irenyi-irenyi vị ịnị Irehi anị.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ijeremaya 32:15

Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, a vànaa hị́ irehi, ẹtẹ ọnịrị ụbazị ịvayịnị ịzị ẹnị o.

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ezikẹẹrị 20:37

Ọnị kụkụ vaa mẹ ọdaa tụra wụ nịnị ịrẹsụ, dị ọnị mẹ ka waa saasa ịrẹyị ọnịrị ẹwụ nịnị dọ beri nịnị.

Ireevi 27:32

Avaba achehi ẹẹwụ ịsụpa ineehi vị Ẹ́ẹnẹyịmavara. Àaa za ịsụpa ọnị aza pa ịrịka, avaba anaaa tụ ọ ẹẹwụ vị Ẹ́ẹnẹyịmavara.

Ọbadaya 1:20

Dị Anisirẹrị nịnị ana vaa vavẹ eehi hụrị Ihara vaa dọ ẹtẹ hụrị Ihwonesiya huu na ngụ Ịzarẹhwatị. Aza ana kụ hụrị Ijerusarẹmị ana ya Ịsẹhwaradị ẹ vaa nyị Ịnẹgẹvị (eyi ụvẹtẹ) Isirẹrị nị.

Iruuku 15:4

“À kà a ka ọza ịnyara ịnị awụ nịnị ộ nyị atẹmẹ ẹchẹhị, dị ọnyara ịnị anị ò vú. Wéé ro ka ọza ọnọọ ọ yị vaa navọ ọ jị ọnya ha ịnị ẹchẹhị ana vọ hi ịnị ụnọmị, di òo sì ene vúu na pooro di ò re e?