Ijeremaya 33:12 - IWE ỌNỊNỊ

¹² Ẹnẹyịmavara Ochẹtẹẹngụ ka, ịzị ẹnaanị ana sị mẹẹ anka ẹtẹ ọyịwụ, dị ẹ̀ yị nyị aza à vị ịsụpa aanị, ọ vanaa nyị avị ohwoohu ịzị oseratẹmẹ nịnị zụ kụ atẹmẹ ẹnịnị ve hi.

Ijeremaya 33:12 ပူးပေါင်းရင်းမြစ်များ

Ahẹ Isoromọnị 1:7

Ẹwụ ọnị mị maanị sì ịrẹyị anị, kà a mị daare, ịzị ụ vaa kụ ịsụpa awụ naa rị. Ịzị ẹ vaa yaa tụ́ ụhwọ́ ụmẹ ọọdụ? Sị ẹ vẹ dị mee vee si ụ zịịzị ịzị oseratẹmẹ ana vọ aa kụ ịsụpa ẹnịnịị rị?

Ayịsaya 65:10

Yị aza amị anaa hẹkẹ mị, ẹtẹ Ịsarọnị vaa vara ịzị atẹmẹ aa rị, dị inozi Aakọ vị aha ịzị ịsụpa vaa sụ́tẹtẹẹ hi.”

Ijeremaya 17:26

Ẹnẹyịmavara kà: Aza vaa hụrị ẹkụra ene hi Ijuda ọnịrị ẹkụra eweyi-eweyi ana kara Ijerusarẹmị; dị aza hụrị ẹtẹ Ịbẹnjamịnị, dị ẹ hụụnị ataba ọnịrị iruvo ataba beri eyi ụvẹtẹ Ijuda, dị ẹ kụ ịsị ịsọvọ irenyi-irenyi vị ịnị Irehi anị.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ijeremaya 31:24

Aza vaa ra Ijuda ọnịrị avaba ẹkụra ene hi ịnị anị. Anaarẹ vee hi ịzọọ. Oseratẹmẹ ẹnịrị ịsụpa ẹnịnị vee hi ịzọọ.

Ijeremaya 32:15

Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, a vànaa hị́ irehi, ẹtẹ ọnịrị ụbazị ịvayịnị ịzị ẹnị o.

Ijeremaya 36:29

Ẹnẹyịmavara kà ọnị ọ̀ kà a yị ohinọyị ka, ọ́ sị iwe ọgọdọ ọnọọ rị ịra, á vị daa họ̀ Ijeremaya ka, sị ẹ vẹ dị ọ chẹrẹ ẹ ka ohinọyị Ịbabịrọnị vee du ẹkụra ẹnịnịị ha ahẹ. Dị aa họ̀ bẹẹ ka sị ẹ vẹ dị ọ ka ohinọyị Ịbabịrọnị vaa wụ̀ anẹkụra anị ọnịrị ịsụpa a ha.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ijeremaya 51:62

Ọ̀ọ sị ọ ka, dị ọ̀ mẹ̀ aduwa ka, Ẹnẹyịmavara, waa sị ọ ka ka, u vee vu ịzẹnị ẹtẹ, dị ẹ́ yị ma vana nyị ịsị aa tụ ụhwẹ ana ra ịnị anị ọ̀ọ vị ọza, ọ̀ọ vị ịsụpa. Ụ ka vị́ ọ vanaa sịị mẹẹ anka ịzị ọza ẹ yị ma raa avọọ pooro nị.

Ezikẹẹrị 36:35

Dị avaba aza aa kà a ka ẹtẹ ọnọnị ana vị ụnọmị tịtẹ ịhị ọnọọ, ọ kụkụ ya anka ụbazị Edẹnị aanị nị. Dị ẹ rẹ ka, wéé re ẹkụra ana a gara và ha, dị á kụ wa ẹnya, dị a jị wa eburu và hi ẹtẹ ịhị ọnọọ, ọnị a maanị va ra hi ịnị anị, dị a jị ọvọ kara a aanị nị?

Ịhagayị 1:4

ụmẹ wéé si tu ka ẹ ra ini irehi ẹnịnị ẹnẹ ẹ dà nyomi-nyomi, ama dị irehi anị ọnị ọ jị eburu tịtẹ nị?