Ijeremaya 33:11 - IWE ỌNỊNỊ

¹¹ aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 33:11 ပူးပေါင်းရင်းမြစ်များ

1 Ịtọpa 16:34

Waa kụ́ Ẹnẹyịmavara avọ agụvị ka ịsa ene zoza ọ́ọ mẹ nị. Vị oō sị ịrẹyị ọza pooro nị.

1 Ịtọpa 16:8

Waa kụ́ Ẹnẹyịmavara avọ, dị waa kà ịrẹkụkụ anị nịnị, waa kà ịsa ọnị ọ mẹ yị aza nịnị.

2 Ịtọpa 20:21

Ịrẹma ọnị Ijehosahwati reè beri aza ka ịrẹyị, dị ọ kà ẹnyị ịnị ọjahẹ ẹnịnị e chire awuru ẹnẹē sị mẹ̀ ahẹkẹ ẹkụhị eche, dị ẹẹ jị ahẹ tụ́ ọvịdị isoja nịnị. Ẹ́ẹ jị ahẹ ka, ga Ẹnẹyịmavara! Oyisì anị vị ana ya ịzọọ pooro zịna-zịna.

2 Ịtọpa 29:31

Ihezekaya kà yị Ịragụ ka, booro aanị ana raà sị ẹnị chire Ohomorihi ụvọ aanị, ọzọza ọ sị ịsa ịsọvọ avọ anị vẹ ịnị irehi Ẹnẹyịmavara. Ịzẹyịza, dị ịragụ ana gụ sị ịsọvọ ọnịrị ẹyịza avọ vẹ nị.

2 Ịtọpa 5:13

Ẹnị ene hú ịkakanchị ẹnịrị aza ana jị ahẹ vị ana vabẹ aa gama Ẹnẹyịmavara, dị ẹyaa kụ́ ọ avọọ. Isohu irenyi-irenyi ẹnịrị ịkakanchị beri ịchachaa ene hu vị ana sụ wanyị-wanyị kẹnẹ. Dị aza sị ọngwẹ tụ́ ẹba aa jị ahẹ gama Ẹnẹyịmavara nị. Ê jị ahẹ ga a, dị è kà, oo zoza, di o si ọza pooro. Ịnị ụmẹ ọnọọ eguhi chire ku avaba irehi Ẹnẹyịmavara,

2 Ịtọpa 7:3

Ịjị aza maanị re ịra ọnịrị ẹtohweyi ụbanyị Ẹnẹyịmavara, ene hí irehi anị, dị ẹ vaku ẹtẹ, dị ẹ hẹkẹ ẹ, dị ẹ kụ́ ọ avọ agụvị ka ọ yẹ ịrẹyị dị oō sì ịrẹyị ọza pooro nị.

Ẹzịra 6:22

Ẹkụhị ịhịmba ẹ̀ sị tịtẹ rị eche akara ẹnẹ ẹ yị nyị owu nị. Dị avaba aza aa jẹ ịrajẹ agụvị ka Ẹnẹyịmavara ọ raà mẹ wa ayị ohinẹ. Ộ mẹ ka ohinọyị Asiriya ọ̀ gụ wa ụvọ ịnị ụkọrọ irehi Ohomorihi Anisirẹrị ọnị e tenyi dà.

Inehemaya 12:43

Ohomorihi ộ mẹ̀ ayị aza hine ẹtẹẹtẹrẹ, dị ẹ yaa jẹ, dị ẹ mẹ̀ ịsọvọ ọrụrụ-ọrụrụ nị. Ẹnịrị anyẹnẹẹ beri ezweyi e dudu rị eche ọnọnị nị. Ẹ maa jẹ Ijerusarẹmị, ọngwẹ ẹnịnị vị ọnị aza aa wụụ hụrẹ aha ẹnẹẹnẹ.

Inehemaya 8:12

Avaba aza ệ và nọ eehi ka ẹnị ẹ̀ naa rị, dị ẹnị ee hú, dị ẹnị ẹ̀ dà ịsa na yị aza ẹnẹ ẹ̀ yị nyị, dị ẹnị ẹẹ mẹ ayohine agụvị ka ẹnịnị ẹ raà yẹ ịrẹyị Ohomorihi ana a za ịrịka yị wa.

Ahẹ Ụgama 106:1

Waā kụ́ Ẹnẹyịmavara. Waa kụ́ ọ avọ nịnị agụvị ka ịsa ene zoza ọ́ọ mẹ nị Vi oō sì ịrẹyị ọza pooro nị.

Ahẹ Ụgama 107:1

Waā kụ́ Ẹnẹyịmavara avọ nịnị, agụvị ka ịsa ene zoza ọọ̄ mẹ nị. Vi oō sì ịrẹyị ọza pooro kẹnẹ nị.

Ahẹ Ụgama 107:22

 vọrọ ka ẹ̀ sị ịsa va mẹ̀ ịsọvọ dị ẹ̀ sị kụ́ ọ avọ, dị ẹ̀ẹ sị ịrajẹẹ jị ahẹ dị ẹ̀ẹ kà a yị aza ịsa ẹbanyị-ẹbanyị oni Ohomorihi aa mẹ.

Ahẹ Ụgama 116:17

Ẹnẹyịmavara, mị vaa kụ́ wụ avọ, dị maa dá ịpẹẹ wụ.

Ahẹ Ụgama 147:13

O raà mẹ ka ukere ene e si chire oze awụ nịnị ọ̀ katẹngụ. Dị ọ rẹ mẹ ka ò zee yị ẹwụ nịnị ana ra hi ịnị ịnẹ ẹkụra nị.

Ahẹ Ụgama 85:7

Ẹnẹyịmavara, navọ wa vayị ayị anka ụ mẹẹ̄ yịị vayị ọza, dị wa dọ yị há.

Ayịsaya 35:10

Ẹnịnị vaa sị ayohine na ngụ Ijeruasarẹmị, dị ẹ yaa jẹ ịrajẹ, dị ẹ yaa jị ahẹ naa pooro. Ẹnịnị vaa jẹ pooro, dị ẹ mā vana yẹ ịsị aā hị́ orere ọnịrị ayodu pàá.

Ayịsaya 51:11

Aza ọnị ọ dọ ha vaa ngụ Ijerusarẹmị ịnị ayohine, dị ẹ yaa jị ahẹ, di e yee na owu booboro agụvị ka ayị ẹnịnị ee hine. Ẹnịnị vị ana vaa jị ịrajẹ pooro agụvị ka ẹ sị hụụnị ayodu ọnịrị ẹngụ ọyị và hí.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ayịsaya 52:8

Sị ụtọ pe ẹtẹ! Aza enee sere ẹkụra ee nowu. Ẹnịnị dudu aa jị ahẹ agụvị ka ayị ẹnịnị ee hine. Ee sị eyi ẹnịnị ee re ka, Ẹnẹyịmavara ọ sị varẹma aa vẹ Ịzayọnị.

Ayịsaya 52:9

Nyima waa jị ahẹ nịnị, ẹwụ nịnị ene sị vu ẹtẹ hi Ijerusarẹmị. Ẹnẹyịmavara vaa dọ ẹkụra anịị ha, di o hunẹnẹ aza anị ayị.

Ijeremaya 16:9

Ẹnẹyịmavara Ochẹtẹẹngụ ka Ijeremaya ọ̀ wụ ịsị ọnị Ohomorihi Anisirẹrị nịnị aa kà. Eyi awụ-eyi awụ, ọnị vaa mẹ̀ ẹ dị aza ẹ́ ma vana wụ́ aahẹ ka aza aa jẹ ịrajẹ ọnịrị ka eyee hine ayị. Ẹ́ ma vana nyị ka vị aza aa nyị ẹngụ anka ẹvarose dị ẹ yaa mẹ aahẹ nị.

Ijeremaya 17:26

Ẹnẹyịmavara kà: Aza vaa hụrị ẹkụra ene hi Ijuda ọnịrị ẹkụra eweyi-eweyi ana kara Ijerusarẹmị; dị aza hụrị ẹtẹ Ịbẹnjamịnị, dị ẹ hụụnị ataba ọnịrị iruvo ataba beri eyi ụvẹtẹ Ijuda, dị ẹ kụ ịsị ịsọvọ irenyi-irenyi vị ịnị Irehi anị.

Ijeremaya 25:10

Ọ kà ọnị ẹ yị ma vana zẹẹ ka à wụ́ ọngwẹ ẹnịnị ka eyee hine ayị; ọza ẹ yị ma vana wụ́ ọngwẹ ẹnị ka ẹ yaa jẹ agụvị ẹvarose anaa nyị ẹngụ nị. Ọza ẹ yị ma vana wụ́ ka ẹyaa kwọ ịsa. Ịra ẹ yị ma vana za ịnị ozotupa ẹnịnị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 30:19

Ẹnịnị va jị ahẹ gono ọnị, dị eyee nowu ẹ́ẹẹ maa jẹ ịrajẹ. Ọnị vaa mẹ ka ẹnịnị ẹ̀ rụrụ, ẹnịnị ẹ yị ma vana jịha. Ọnị vaa mẹ ka a sị ụbanyị yị wa, ọza ẹ́ yị ma vana sị eyi oweyi re wa.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.

Ijona 2:9

Ama ọnị vaa jị ahẹ gono Ẹnẹyịmavara, dị ọnị mẹ̀ ịsọvọọ yọ, dị ọnị jị ahẹ kụ́ ọ avọọ. Dị ọnị mẹ̀ ịsa ọnị ọnị zẹẹ ịzẹzẹ anịị yọ. Dị ọ ka Ẹnẹyịmavara ọọ̄ dọ ọzaa ha nị

Ịnahụmị 1:7

Ẹnẹyịmavara vị anaā mẹ̀ ọyịza. Ọnị e sere aza ene zwe na rị ọ ịnị ụmẹ akanya nị. Ọ̀ tẹsị aza ene zwe na vaka a nị.

Ịzẹhwanaya 3:14

Ẹwụnị Anisirẹrị waa jẹ, dị waa jị ahẹ, dị waa ka bobooro! Wee nyii, waa mẹrẹ sadaa ẹwụnị Anijerusarẹmị.

Ịzakaraya 10:7

Anisirẹrị nịnị vaa nyị ụkata anka isoja nịnị, ayị ẹnịnị vee hine anka aza enee hú eche avọọ nị. Ezi ịrẹma ẹnịnị vaa tamayị dị ayị ẹnịnị ee hine agụvị ịsị Ẹnẹyịmavara mẹ̀.

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.

Ịzakaraya 9:17

Ẹ vaa da zoza kẹnẹ! Ọpa ezweyi ẹnịnị vaa hụ anka ịzọọ anka akụ ịnị aarẹ, a vị ẹtụtụ igirepi ịnị ụbazị ịvayịnị avọọ nị.

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Anihiburu 13:15

Agụvị avọọ ini oze Ijeesu, à vẹ yaa ga Ohomorihi pooro! Ụga ọnị yaa sịị yọ vị ana sị mẹẹ anka ịsọvọ ọnị yaa mẹẹ hi Ohomorihi avọọ. Ọnị ọ vi ka yaa sị irenu ayịị kà a ka aza anị ị vị nị.

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.