Ijeremaya 32:8 - IWE ỌNỊNỊ

⁸ Ịzẹyịza, anka Ẹnẹyịmavara mẹ kà a gẹdẹ-gẹdẹ, dị Ihanameri ve tu ọnị ịnị ohweje ohinọyị dị ọ ka, ọnị ọ̀ va na hị́ ẹtẹ anị ana yà Anatọtị ịnị ẹtẹ Ịbẹnjamịnị, agụvị ka ọnị ọ vọrọ tụra ka ọ̀ hị́ ọ nị. Agụvị avọọ ọnị ọ̀ hị́ ọ yị ẹngụ anị. Dị ọnị sị yẹ ka Ẹnẹyịmavara ọ ka ịrẹyị ọnọnị nị.

Ijeremaya 32:8 ပူးပေါင်းရင်းမြစ်များ

1 Ohinọyị 2:26

Di ohinọyị kà a yị Abiyata ana vi ohirẹsụ irehi Ohomorihi dị ọ ka, “Kwẹẹtẹ wa nọ Anatọtị ịzị ẹtẹ awụ yà, ka vị a vọrọ ka we sú nị. Ama mẹ yị vaa wụ̀ wụ ajịnị agụvị ka ẹwa za apoti ị́zẹzẹ Ẹnẹyịmavara ana nyị yị dị ụ sị tụ́ ọvịdị Idevidi ada amị nị. Avaba ụya ana ada amị rị, vị oni u re pè e rị ọ.”

1 Ohinọyị 22:25

Di Imikaya ka, “Ịhị wèe si nyima ee zwe hụụnị aku ọnyị naa tẹ ịnị aku ọsa, u vee re.”

1 Ịtọpa 6:60

Ẹkụra ẹnẹnị a sị yị wa hụrị ẹtẹ Ịbẹnjamịnị ọnịrị avaba ịzị aā kụ ịsụpaa rị ịnị ẹnịnị nị. Ịzị aā hị́ Ịgẹba, Aremeti, ọnịrị Anatọtị. Ẹsẹnị ẹ gụ ọ ẹkụra ẹwụrẹta ana avaba ovwoovu-ovwoovu ẹnịnị ra ịnị anị nị.

Ijeremaya 1:1

Ụmẹ ọnya, â nyị ọnọrụ ọnya aanị ana aā hị́ Ijeremaya ọnị ịrẹha ada anị rị Ihirikaya, ọnyara ịnị ẹnị ohirẹsụ irehi Ohomorihi ene hi ẹkụra ana aā hị́ Anatọtị ịnị ẹtẹ Ịbẹnjamịnị ọ vị nị. Ijeremaya ọnọọ ộ kà ịrẹyị ẹnẹnị nị.

Ijeremaya 32:2

Ụmẹ ọnọọ vị ọnị isoja ohinọyị Ịbabịrọnị va họ̀ kara Ijerusarẹmị eyi ẹnyị eyi ọsa. Ọnị vị ene e chire oze hị́ tụ ịnị ohweje ohinọyị ụmẹ ọnọọ.

Ijeremaya 32:25

Ijeremaya ka: Ama Ohomorihi Ananyị ka dị a daka aa yịị vaa sị ẹkụra ọnọnị yị Anibabironi aanị, ọnị sị ẹkẹhị na hị́ ẹtẹ ọnọnị dị ọnị ọ̀ nyị onivenu tụ ọ.

Ijeremaya 32:7

Re, Ihanameri ozi ọyịnyara ada anị ana aā hi Isarumi vaa vẹ vaa kà a yị ọnị ka, ọnị ọ̀ va na hị́ ẹtẹ anị ana yà ịzị aā hị́ Anatọtị, agụvị ka ọnị ọ vọrọ tụra ka ọ̀ hị́ ọ nị.

Ijeremaya 33:1

Ijeremaya ka, ọnị mẹ yị yà ịnị ẹngwa ini ohweje ịdị ohinọyị, Ẹnẹyịmavara ộ rẹ kà ịrẹyị yị ọnị ụpẹ ọhụva.

Ijeremaya 37:12

Ijeremaya ka dị ọnị hụrẹ Ijerusarẹmị aa nọ okokooro Ịbẹnjamịnị nị. Ọnị aa na ka ọnị ọ̀ na dọ ene tu ọnị ini ogu ovwoovu ẹnịnị.

Ezikẹẹrị 12:7

Ezikẹẹrị ka ọnị ộ mẹ̀ ịsị Ẹnẹyịmavara kà yị ọnị. Ọnị ộ kụ ẹnya anị tụ ẹhẹ ọọdụ anka ọza ana a dụ a nọ ẹkụra ọsa avọọ. Oruva, dị ọnị sị ụvọ anị chị́ ugene nị. Ịrahụ, dị ọnị chema ẹnya anị tụra ịza dị ọnị aa na eyi avaba Anisirẹrị nịnị nị.

Ịzakaraya 11:11

Ịhị ọnọọ Ẹnẹyịmavara kụ̀ ọ kwooze, dị osohu atẹmẹ ẹnịnị ene re e yẹ ka Ẹnẹyịmavara ô pe ọnị ka ịrẹyị nị.

Ịjọọnụ 4:53

Dị ada ozi ọnọọ sị yẹ ka ụmẹ ọnọọ gẹdẹ-gẹdẹ Íjeesu sị kà a ka ozi anị vaa daahi nị. Dị ọnị ụvọta ọnịrị avaba aneehi anị sị ayị tụra Ijeesu nị.