Ijeremaya 32:44 - IWE ỌNỊNỊ

⁴⁴ Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 32:44 ပူးပေါင်းရင်းမြစ်များ

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Ijeremaya 13:19

Ọnịvị Anijuda nịnị ẹ́ ra ta kara ẹkụra ene hi eyi ụvẹtẹ Ijuda: ẹ yị nyị ọza ana zụ ngụ ne tu wa. Asị avaba Anijuda nịnị za ọrịhị ne hi aha ọsa.

Ijeremaya 17:26

Ẹnẹyịmavara kà: Aza vaa hụrị ẹkụra ene hi Ijuda ọnịrị ẹkụra eweyi-eweyi ana kara Ijerusarẹmị; dị aza hụrị ẹtẹ Ịbẹnjamịnị, dị ẹ hụụnị ataba ọnịrị iruvo ataba beri eyi ụvẹtẹ Ijuda, dị ẹ kụ ịsị ịsọvọ irenyi-irenyi vị ịnị Irehi anị.

Ijeremaya 30:18

Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 31:23

Ẹnẹyịmavara Ochẹtẹẹngụ, Ohomorihi Anisirẹrị ka, ịjị ọnị ọọ raa varẹma kụ aza anị vaavẹ eehi ẹnịnị, ẹnịnị vanaa kà a ịnị ẹtẹ Ijuda ọnịrị avaba ẹkụra ene hi ịnị anị ka, Ẹnẹyịmavara ọ̀ mẹ ka ò zé yị ataba anị ana yà Ijerusarẹmị, aha ọnịnị ịzị ọnị ụvọta ra.

Ijeremaya 32:10

Ọ kà â mẹ iwe tụ ọ, dị ọnị sị ụvọ hi ọ, dị ọnị rẹ sị ịngọ ngọ ẹkẹhị ọnọọ eyi onivenu nịnị nị.

Ijeremaya 32:37

Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 33:13

Ẹnẹyịmavara kà, oseratẹmẹ nịnị vaa yà ẹkụra ene hi ịrẹsụ ataba ọnịrị iruvo ataba dị ẹyaa za atẹmẹ ẹnịị ịrịka. E vee hi eyi ụvẹtẹ Ijuda ọnịrị okokooro Ịbẹnjamịnị dị ẹyaa za atẹmẹ ẹnịnị ịrịka. Ẹnịnị vee hi ẹkụra eweyi-eweyi ana kara Ijerusarẹmị ọnịrị ịnị ẹkụra ẹbanyị-ẹbanyị ene hi Ijuda dị ẹyaa za atẹmẹ ẹnịnị ịrịka.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ọbadaya 1:19

Anisirẹrị nịnị ene hi eyi ụvẹtẹ Ijuda ẹ vaa nyị ẹtẹ ézi Iisọ ịrẹsụ ataba nị. Ẹnị ene hi inozi iruvo ataba ẹtẹ Anihwirisiti nịnị vaa dọ ẹtẹ Ehwireemi ọnịrị Ịsamarịya nịnị. Ịbẹnjamịnị nịnị vaa dọ ẹtẹ Anigiriyadi.

Ọbadaya 1:20

Dị Anisirẹrị nịnị ana vaa vavẹ eehi hụrị Ihara vaa dọ ẹtẹ hụrị Ihwonesiya huu na ngụ Ịzarẹhwatị. Aza ana kụ hụrị Ijerusarẹmị ana ya Ịsẹhwaradị ẹ vaa nyị Ịnẹgẹvị (eyi ụvẹtẹ) Isirẹrị nị.

Ịzẹhwanaya 2:7

Ẹnẹyịmavara kà ọnị vaa sị ịzọọ yị Anijuda nịnị ana vọ ka ẹ ra ịzọọ, dị ẹẹ kụ ịsụpa ẹnịnịị̄ rị ịzọọ, dị ẹẹ sụ ịnị irehi Anasikeroni nịnị, Ẹnẹyịmavara ana vị Ohomorihi ka ọnị vaa tẹsị ẹnịnị, dị ọ varẹma ze yị wa.

Ịzakaraya 7:7

Ụtụ ọnọnị Ẹnẹyịmavara vịdị tụ́ ọnịsẹ nịnị hi wa ịnị ụmẹ ọnị o zee yị Ijerusarẹmị, dị aza hi chi ẹngụ ọnịrị ẹkụra-ẹkụra ana kara a beri Ịnẹgẹvị, eyi ụvẹtẹ anị ọnịrị eyi ịzị ọyịị̄ ngụ ẹtẹ, uruvo ataba nịnị.