Ijeremaya 32:41 - IWE ỌNỊNỊ

⁴¹ Ọ kà, ọnị vaa mẹ ọyịzaa yị wa dị ayị anị ee hinee tụ ọ, Ọnị vaa sị avaba ayị anịị sị ịzẹyịzaa mẹ ka ẹnịnị ẹ̀ ra ịnị ẹtẹ ọnọnị pooro.

Ijeremaya 32:41 ပူးပေါင်းရင်းမြစ်များ

Ahẹ Ụgama 80:8

Wâ kụ́ yị hụrẹ Ijipiti vẹ anka ọchị ịvayịnị avọọ. Dị ụ dụ anẹkụra ọsa hụụ ịzọọ, dị ụ sị yị tụ́ ịzọọ anka a mẹ̀ẹ hụ́ ọchị ịvayịnịị tụ́ aha avọọ nị.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 62:4

Ọza ẹ yị kụkụ vaa hị́ wụ eneyi, a vị dị aa hị́ ẹtẹ awụ nịnị Enezweyị, ama ịrẹha ọwọọwa awụ nịnị ọ rị onimisi, Ẹtẹ awụ nịnị ọ rị Anaanyị. Agụvị ka ayị Ẹnẹyịmavara ô hine tu wụ, ọnị ọ vaa nyị ẹtẹ awụ nịnị anka ọza ộ nyị ọnẹẹ avọọ.

Ayịsaya 62:5

Anka ọnọrụ anaa nyị ozwoorihi ẹnẹ ẹ yị yẹ ọnọrụ, avọọ Ẹnẹyịmavara ana mẹ̀ wụ mẹ vaa nyị wụ nị. Ayị ọnọrụ meē hine tu oze avọọ, avọọ ayị Ohomorihi awụ nịnị mee hine tu wu nịnị

Ayịsaya 65:19

Ayị ẹmị ụvọta vee hine agụvị Ijerusarẹmị, dị maa jẹ agụvị aza amị. Aza ẹ yị ma vana jị òrèrè ịzọọ; ọza ẹ yị me vene nowu ka à va gụ ẹnị ụvọ.

Ijeremaya 18:9

Ama ọnị ọ̀ọ kà a ka ọnị vaa nyị aza àa vị ohinọyị nịnịị jẹ dị ọnị ọ̀ vara wa aza ọkụmị-ọkụmị,

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 31:28

Ọ kà anka ọnị mẹ mẹ ka è hu wa hụrị ẹtẹ, dị a ma wa nyẹtẹ, dị ọnị mẹ ka à kụ wa hụrị ẹtẹ, è vu wa ẹtẹ dị a gara wa va ha avọọ, avọọ ọnị mẹ rẹ vaa mẹ ka à hị́ wa dị ẹẹ hụ nị.

Ezikẹẹrị 36:36

Ọ kà, aza ana vẹtẹ hi ẹkụra-ẹkụra ana gụrị Isirẹrị vaa yẹ ka ọnị, Ẹnẹyịmavara, oō tenyi ẹkụra ana a jị eburuu dà, dị ọnị rẹẹ̄ varẹma chire ịsaa hi ịnị aarẹ ene e du ha nị. Ọnị, Ẹnẹyịmavara ọ sị ọ ka ka ọnị vaa maanị mẹ, ịzẹyịza ọnị vaa mẹ̀ ẹ.

Ihoseya 14:5

Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Emọsị 9:15

Ẹnẹyịmavara Ohomorihi ẹnịnị ka, ọnị vaa sị wa ahụ hi ẹtẹ geri-geri ịnị ẹtẹ ọnị ọnị sị yi wa. Ọza e yi me vene hu wa ahụ hụrẹ ịzị ẹ ya paa.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Iwe Ọhụhị Imosiisi ana aa hị́ Ọyịvatụrọda 28:63

Ó mè hine Ẹnẹyịmavara dị ọ mẹ ka ò ze wụ nịnị, dị ụ wa rụrụ nịnị, avọọ gẹdẹ-gẹdẹ o mè re vee hine e ọyị vu wu nịnị ẹtẹ, dị ọ wụ̀ wụ nịnị va ha nị. Vị e vee hu wu nịnị hụrẹ ẹtẹ ọnị ụ waa naa ra ịnị anị nịnị aanị anka a meē hu ọchị ọnịrị ẹpaa hụrẹ ẹtẹ avọọ nị.

Iwe Ọhụhị Imosiisi ana aa hị́ Ọyịvatụrọda 30:9

Ọ kà Ẹnẹyịmavara vaa mẹ̀ ka o zee yị wa ịnị avaba ọnị ẹ yaa mẹ. Ezi ẹnịnị vaa rụrụ, dị ịsụpa ẹnịnị aa ha, dị ịsa ịnị aarẹ ẹnịnị aa mẹ ẹtẹẹtẹrẹ. Ayị Ẹnẹyịmavara vị ene vee hine ka ọnị ọ mẹ ka o zee yị wa anka ọ mẹ mẹ̀ yị ohiku ẹnịnị avọọ.