Ijeremaya 32:39 - IWE ỌNỊNỊ

³⁹ Ọnị vaa mẹ ka ẹnịnị ẹ̀ nyị ayị ọnya, dị ẹ̀ rẹẹ mị ịsị ọnyọọnya. Ẹnịnị vaa sị ụbanyị yị ọnị pooro, ụvị ò zoza yị ẹnịrị ezi ẹnịnị.

Ijeremaya 32:39 ပူးပေါင်းရင်းမြစ်များ

Oyinyima 17:7

Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Oyinyima 22:12

Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.”

2 Ịtọpa 30:12

Ohomorihi ộ sị ụvọ kanyị Anijuda nịnị ayị, dị ọ mẹ ka ẹ vayị bẹ, dị ẹ dọ ka ẹnị aa saasa ọda ọnị ohinọyị ọnịrị ọdọvịdị anị nịnị mẹ̀.

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Ahẹ Ụgama 128:6

U vee kú orubo di wee re ezi ẹnị ezi ewu ma. Anisirẹrị vị ana vaa nyị ẹngwọọrọ.

Ahẹ Ụgama 86:11

Ẹnẹyịmavara, navọ wa si oze awụ zụ̀ mị, ka ịzẹyịza awụ mị vaa saasa nị. Navọ ayị amị ò vị ọnya, dị me zụ hí angwa awụ.

Ụhịrẹyị 23:17

Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ayịsaya 52:8

Sị ụtọ pe ẹtẹ! Aza enee sere ẹkụra ee nowu. Ẹnịnị dudu aa jị ahẹ agụvị ka ayị ẹnịnị ee hine. Ee sị eyi ẹnịnị ee re ka, Ẹnẹyịmavara ọ sị varẹma aa vẹ Ịzayọnị.

Ayịsaya 65:23

Ẹnịnị ẹ̀ẹ mẹ̀ ụkọrọ, ẹ yị vaa vị ọọhẹ. Ẹngụkata edivi ẹ yị vee tu ezi ẹnịnị. Mị vaa mẹ ka ò ze yị ezi ẹnịnị ọnịrị ezi ẹnẹ ẹ vanaa ma pooro.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ezikẹẹrị 36:26

Ẹnẹyịmavara kà, ọnị vaa sị ayị ọwọọwaa yị wụ nịnị, dị ọnị rẹ sị ụhwẹ ọwọọwa tụ ọ wụ nịnị. Ọnị vaa sị ayị ọkatẹngụ awụ nịnị ana sị mẹẹ ịrẹta avọọ kwooze, dị ọnị sị ayị anaa wụ́ụ chire ọza dọ ịrẹsụ wụ nịnị.

Ezikẹẹrị 37:22

Ọnị vaa và waa bẹ, dị ẹ vị anẹkụra ọnya tụ ịnị ẹtẹ ẹnịnị, ịrẹsụ ataba Isirẹrị. Ẹnịnị vaa nyị ohinọyị ọnyara. Ẹnịnị ẹ́ yị ma vana ha hi ẹẹva, à vị ka ẹ̀ nyị ohinọyị ẹẹva.

Ezikẹẹrị 37:24

Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị.

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 17:21

Maa mẹ̀ aduwa ka avaba ẹnịnị ẹ̀ zụ vị ọnya, anka ẹ́mịrị ẹwụ ana vị Ada amị mẹ̀ vị ọnya, dị ị vabẹ. Ẹnịnị ẹ̀ rẹ vavọọ zụ vabẹ beri yi, agụvị dị anẹhẹ ẹ̀ zụ dọ wụ́ ka ẹwa tụ́ mị vẹ ẹhẹ nị.

Odeyi 13:33

ọ raà mẹ̀ ẹ yị ẹyị ezi ẹnịnị, ini oze ka ọ sị Ijeesu ha hụụnị isu. Avọọ a mẹ̀ chẹrẹ ẹ tụ́ ini iwe ahẹ ụga ụpẹ ọhụva nị ka: ‘Ẹwa vị Ozi emi nị. Ajịnị mị ma wụ nị.’

Odeyi 2:39

Oto oni Ohomorihi wo aanị, vị áawụ nịnị ọnịrị éezi ewu nịnị ọnịrị áaza ana ra hi aha onoze huuu, avaba aza oni Ohomorihi Ananyị yị va naa hị́ ọ vị nị.”

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:32

Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Aniroomi 11:16

Àa raà dà Ịbụrẹẹdị ịpaapa yị Ohomorihi, ọnọọ vị ka avaba anị a sị yị Ohomorihi avọọ nị. Àa rẹ sị ẹpa ọchị ọnya tụ́ irenyi yị Ohomorihi, ọnọọ vị ka avaba ana vọ, Ohomorihi ọ nyị nị.

1 Anịkọrịntị 7:14

Ọnọrụ ẹnẹ ẹ̀ yị dọ wụ́, ose anị ọ raà sị ọ tụ́ irenyi yi Ohomorihi, agụvị ka ọnị ộ dọ wụ́. Ọnẹẹ ẹnẹ ẹ̀ yị dọ wụ́, ọva anị ọnị ọ rẹ raà sị ọ tụ́ irenyi yị Ohomorihi, agụvị ka ọnị ộ dọ wụ́. Ẹ̀ yị vị avọọ, ẹnịnị ẹ yị zụ́ sị ezi ẹnịnị tụ́ irenyi yị Ohomorihi. Ama ọ mẹ yà aanị, ezi ẹnịnị kụkụ vaa vị ọnịnị.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Iwe Ọhụhị Imosiisi ana aa hị́ Ọyịvatụrọda 5:29

Dị Ẹnẹyịmavara kà, àa vị ịzẹyịza ẹnịnị hí angwa anị, dị ẹ saasa avaba ọda anị nị, o vee zee yị wa ọnịrị evere anị pooro-pooro zịna-zịna nị.

Iwe Ọhụhị Imosiisi ana aa hị́ Ọyịvatụrọda 6:2

Ẹnịrị ezi anị, ne beri aazị ne chire ẹmaazị ẹ̀ẹ ka enee ku orubo, àa nyị ka e hị́ angwa Ẹnẹyịmavara, dị ẹ rẹ saasa ọda anị pooro.

Iwe Ọhụhị Imosiisi ana aa hị́ Ọyịvatụrọda 6:24

Dị Imosiisi ka Ẹnẹyịmavara ana vị Ohomorihi ẹnịnị ộ kà a ka ẹnị saasa ọda ọnọọ, dị ẹnị nyị angwahi anị nị, ọda ẹnẹẹ vị anaa mẹ ka o sere ẹnị. Avọọ ọ mẹ ya pooro tu ajịnị nị.

Anihiburu 10:20

Ijeesu ọ raà na oze ọwọọwa yị. Oze ọnọọ vị anaā sịị ọza naa ngụ ịnị ọyịyara. Ẹngụ anị ọ sị sị yị na para ịta (ana a sị jị oze Aha Ọnịnị keekere ini irehi Ohomorihi) hu na ngụ ịzọọ nị.