Ijeremaya 32:34 - IWE ỌNỊNỊ

³⁴ Ẹnẹyịmavara kà, ẹnịnị ệ hyakụ kụ ori ẹnịnị na jẹẹ ịnị irehi ana a dà kà a hẹkẹ ọnị ịnị anị, dị ẹ sị du ọ ẹngụ nị.

Ijeremaya 32:34 ပူးပေါင်းရင်းမြစ်များ

2 Ohinọyị 21:1

Ịmanasẹ vị ịrayị ẹwụrẹva ịnị ụmẹ ọnị ọ sị rị ohinọyị. Ộ vị ohinọyị tụ́ Ijerusarẹmị ịrayị ẹvarẹwụ. Ịrẹha ọnyị anị ọ rị Ihepiziba nị.

2 Ohinọyị 23:6

Dị ọ sị ọchị uyi ori Asẹra hụụnị irehi Ẹnẹyịmavara Ohomorihi na ngụ Ikidironi ịrẹma Ijerusarẹmị, dị ọ rị ọ ịra nị. Dị a kụ̀ ọ anka ayị, dị ọ gara atịtọ anị hi ịrẹsụ ukuta aza kẹnẹ ene hi ịzọọ.

2 Ịtọpa 33:15

Ộ kụ́ ori ọzọga ọnịrị uyi irenyi-irenyi ene hi ịnị Irehi Ohomorihi jịnẹ va ha a. Dị ọ rẹ wu ụta ori ọnị ọ da tụ́ ịrẹsụ ataba ịzị irehi Ohomorihi ya ọnịrị aha ana vọ Ijerusarẹmị. Dị ọ ku avaba ẹnya ẹnẹnị na va ha ịrẹma ẹkụra.

2 Ịtọpa 36:14

Avaba ọdọvịdị Ijuda nịnị ọnịrị ohirẹsụ irehi Ohomorihi, ne beri aza ana vọ vị anaa saasa ebira odivi anẹkụra nịnị ana kara wa, dị ẹ yaa hẹkẹ ori, di e du irehi Ohomorihi ọnị Ẹnẹyịmavara dà yị ẹngụ anị ẹngụ.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 23:11

Ẹnẹyịmavara kà, ọnịsẹ nịnị ẹnịrị ohirẹsụ ireehi Ohomorihi nịnị bẹẹ ẹ yị mẹ ịsị e zee Ohomorihi eyi. Aza edivi ẹ vị nị. Ọ kà ọnị ộ za wa ẹ́ maa mẹ̀ ịsị odivi ịnị irehi anị bẹẹ.

Ijeremaya 30:14

Avaba aza ẹnẹ ẹwụrịị vịdị sì ịrẹyị ẹngụ nịnị e ree hi ayị awụ nịnị, ẹnịnị ẹ́ yị kụkụ tamayị awụ nịnị. Ọ kà, vị ọnị kwẹẹtẹ tu u nịnị anka ọnịvị ọza avọọ, dị ọnị sị ụya rị ụ nịnị ẹtẹẹtẹrẹ nị, agụvị ka ebira odivi awụ nịnị ọ sị rụrụ. Ayịchama awụ nịnị ọ sị dẹngụ.

Ijeremaya 34:15

Ọ kà, ẹhwị ẹkụhị chee aanị, waa mẹ̀ ebira ene hine ọnị nịnị. Avaba awụ nịnị ộ dọ ka waa hụrẹ ọrịhị awụ nịnị ana vị Anisirẹrị ụvọ, ọvịdị anị ụ vavọọ zẹ ịzẹzẹ ịnị irehi anị nịnị nị.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Ijeremaya 7:10

dị ụ varẹma va jẹẹ ọvịdị anị nịnị ịnị irehi ọnọnị ana a yaa hị́ ịrẹha anị dị ụ ka: Wa sị ha nịnị? Wa sị ha nịnị ka wa naa mẹ̀ ịsa anaa nyị ọnị ịhyẹrẹ aanị waa yọ?

Ijeremaya 7:30

Ẹnẹyịmavara kà Anijuda nịnị ệ sị ịsị odivi mẹ. Ẹnịnị ẹ raa sị ori ẹnịnị anaa nyị ọnị ịhyẹrẹ va tụ ịnị irehi anị. Ẹ sị irehi anị du ẹngụ.

Ijeremaya 7:31

Ẹnịnị ệ nọ ịnị akakana ataba ẹẹva ịzị aā hị́ Ihinọmị, dị e nee hì ụta ịsọvọ ịzị ẹ vaa sị ezi ẹnịnị mẹ̀ ịsọvọ dị ẹ rị ọ ịra tụ ịzọọ nị. Ụta ọnọọ ẹ yaa hị́ Itohwẹtị nị. Ọ kà, ọnị ẹ yị kà a yị wa ka ẹ̀ vavọọ mẹ, ẹngụ ịsa ẹnẹẹ ẹ ị hyakụ vẹ ịnị ayị anị bẹẹ.