Ijeremaya 32:32 - IWE ỌNỊNỊ

³² Ọ kà ọnị ee vu wa ẹtẹ agụvị ebira odivi ọnị ezi Anisirẹrị ẹnịrị ezi Anijuda nịnị mẹ ẹnẹ ẹ sị mẹ ayị kụ ọnị. Ẹnẹyịmavara kà ohinọyị ẹnịnị ọnịrị ọdọvịdị ẹnịnị, ohirẹsụ irehi Ohomorihi ẹnịrị ọnịsẹ ẹnịnị, Anijuda nịnị ẹnịrị aza ana ra hi Ijerusarẹmị vị ana mẹ ayị kụ ọnị.

Ijeremaya 32:32 ပူးပေါင်းရင်းမြစ်များ

Ẹzịra 9:7

Avaba ayị ọ sị ịvị rị hụụnị ụmẹ ohiku ayị. Agụvị avọọ ohinọyị a sị kụ yị, ohinọyị ayị nịnị beri ohirẹsụ irehi Ohomorihi ayị nịnị chire ohinọyị Anẹkụra ọsa nịnị ụvọ, dị ẹ wụ yị, dị ẹ za yị ọrịhị nị. Ệ kụ yị ẹnya, dị ẹ mẹ̀ ụhị nyị yị ẹtẹẹtẹrẹ pooro va ngụ ajịnị nị.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 22:1

Ịrẹyị ene vee tù aza ana ra hi ini osusuu ịzị Ohomorihi yàa mẹ ka aza anị è re ẹtẹ yị. U mè re nịnị? Si u ne hi ịrẹsụ irehi aa jẹ ịrajẹ anị nịnị?

Ijeremaya 2:26

Ẹnẹyịmavara kà ụhị mee nyị oyi àa sị ọ za avọọ, avọọ ụhị mẹ vaa nyị avaba Anisirẹrị nịnị ẹnịrị ohinọyị ẹnịnị, ọdọvịdị ẹnịnị, ẹnị ohirẹsụ irehi Ohomorihi beri ẹnị ọnịsẹ ẹnịnị nị.

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Ijeremaya 44:21

Vú wee ro nịnị ka, vị ayị hi Ẹnẹyịmavara kà, ẹwụrị ohiku awụ nịnị ộ vavọọ mẹ̀ ịsọvọ nịnị ẹkụra ene hi Ijuda ọnịrị oze ene hi Ijerusarẹmị nị? Vú wee ro ka Ẹnẹyịmavara ẹ yị kụkụ tamayị ka ohinọyị awụ nịnị, ọdọvịdị awụ nịnị ọnịrị aza ene hi ẹkụra awụ nịnị ệ vavọọ mẹ̀ ịsọvọ ịzọọ nị?

Ijeremaya 7:17

Ọ kà, aanị ka ọnị e yi re ịsị aza ẹnẹnị aa mẹ avaba ẹkụra ene hi Ijuda ọnịrị avaba oze ene hi Ijerusarẹmị?

Ezikẹẹrị 22:6

Wee re, avaba ọdọvịdị Anisirẹrị nịnị vị ana sị ayị tụra ụkata ẹnịnị, dị ẹyaa wụ̀ azaa ha kẹnẹ.

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Ịdanịyẹrị 9:6

Ẹnị ệ yị saasa ịrẹyị ẹnịnị ọnụtụ Ohomorihi ana vị ọnịsẹ, ẹnịnị mẹ va kà ịrẹyị anị yị ohinọyị ẹnịnị, ọdọvịdị ẹnịnị ọnịrị ohiku ẹnịnị beri avaba anẹkụra ẹnịnị.

Ịdanịyẹrị 9:7

Dị ọnị rẹ kà a yị Ananyị yị ka ọnị ọọ̄ mẹ̀ ịsa ana vọrọ nị ẹnị vanaā mẹ̀ ụhị nyị ẹngụ nịnị pooro kẹnẹ. Avọọ ọ mẹ yà yị avaba ẹnịnị ene hi Ijudiya ọnịrị Ijerusarẹmị beri avaba ẹnị Anisirẹrị ana Ananyị yị dụ ne hi ẹkụra irenyi-irenyi agụvị ka ẹnịnị ệ yị mẹ ịzẹyịza hi ọ nị.

Ịdanịyẹrị 9:8

Ộ ka ẹnị ohinọyị ẹnịnị, ọdọvịdị ẹnịnị ọnịrị ohiku ẹnịnị ẹ sị ụhị mệ nyị ẹngụ ẹnịnị agụvị ka ẹnị ẹ sị ịvị mệ hi Ananyị yị.