Ijeremaya 32:31 - IWE ỌNỊNỊ

³¹ Ọ kà, ẹkụra ọnọnị me hụrẹ nyima, pooro va ngụ ajịnị, aza ene hi ịnị anị hụrẹ aa mẹ ayịị kụ ọnị dị ayị aa dọva nị. Agụvị avọọ ọnị ka ọnị ee vu wa ẹtẹ nị.

Ijeremaya 32:31 ပူးပေါင်းရင်းမြစ်များ

2 Ohinọyị 21:16

Ịmanasẹ ộ wụ̀ aza ọrụrụ-ọrụrụ ẹnẹ ẹ yị nyị ịsị ọ mẹ̀, dị ee sí chava avaba aha Ijerusarẹmị nị. Ịrẹma ịvị ọnọnị, dị ọ rẹ mẹ ka aza ene hi Ijuda ẹ mẹ̀ ebira odivi ọvịdị Ẹnẹyịmavara nị.

2 Ohinọyị 23:15

Ụta ori ana ya Ịbẹtẹrị ọnị Ijerobowami ozi Inebati da tụ́ aha ọnẹba vị ọnị Ijosaya wu va ha. Ori ọnọọ ọ kụ́ Anisirẹrị nịnị na mẹ̀ ebira odivi nị. Ịrẹta ori Asẹra ọnọọ vị ọnị ọ kwọ nyẹrẹ-nyẹrẹ anka edudu avọọ, dị ọ rị ọchị uyi ọnọọ ịra.

2 Ohinọyị 23:27

Ẹnẹyịmavara kà ọnị vaa mẹ Ijuda ịsị ọnị ọnị mẹ Isirẹrị. Ọ kà ọnị vaa dụ Anịjuda nini hụrẹ ọvịdị anị, dị ọnị yi Ijerusarẹmị ọnị ọnị nyị yị ẹngụ anị ọnịrị irehi anị ịzị ọnị ka aa ya hẹkẹ ọnị.

Ijeremaya 23:39

Ọnị Ẹnẹyịmavara vee hí ayị ẹnịnị saka-saka. Ọnị vee ne ẹnịrị ẹkụra ọnị ọnị sị yị ẹnịrị ohiku ẹnịnịị ta huu nị.

Ijeremaya 27:10

Ireche e yee che wụ nịnị nị, ọ̀ vavẹ ịrẹma anị vị ọnị ọnị vaa dụ wụ nịnị tụ ẹhẹ, dị a kụ wụ nịnị huu hụrẹ ẹtẹ awụ nịnị, dị ụ ne vú ẹtẹ nịnị nị.

Arụwẹ 1:8

Anijerusarẹmị nịnị ẹ sị tẹ agụvị ebira odivi-odivi ẹnẹ yaa mẹ̀. Ẹ yị kụkụ nyị ụbanyị vụrụ-vụrụ. Asị iruvo ẹnịnị re. Eyee rimanya, ụhị maa nyị wa ẹ kụkụ à sị eyi tẹ̀.

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.