Ijeremaya 32:30 - IWE ỌNỊNỊ

³⁰ Ẹnẹyịmavara kà hụrị ụmẹ ọnị Anisirẹrị ọnịrị Anijuda sị nyima ẹhẹ ẹnịnị, ayị anị é yi hine tu wa. Avaba ịsị ẹnịnịị mẹ vị ẹnẹ ẹ sịị mẹ ayịị kụ ọnị pooro.

Ijeremaya 32:30 ပူးပေါင်းရင်းမြစ်များ

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 25:6

Ọnịsẹ ẹnẹẹ ka asị ụ rẹ hẹkẹ ori nịnị, dị asị ụ kụ hẹkẹ wa nịnị ka ụ va sị ịsa ọnị ụ sị ụvọ awụ nịnị mẹ mẹ ayị kụ Ẹnẹyịmavara nịnị. Wàa yaanị saasa ịrẹyị Ẹnẹyịmavara nịnị, ẹ́ yị yaanị sị ụya rị ụ nịnị.

Ijeremaya 25:7

Ama Ẹnẹyịmavara kà wee yi ka wẹ yị wụ́ ịrẹyị anị nịnị. Waa mẹ ka ọnị ọ̀ kụ ayị hi u nịnị agụvị ori awụ nịnị, dị ụ sị kụ ụya tu ẹngụ awụ nịnị nị.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 30:14

Avaba aza ẹnẹ ẹwụrịị vịdị sì ịrẹyị ẹngụ nịnị e ree hi ayị awụ nịnị, ẹnịnị ẹ́ yị kụkụ tamayị awụ nịnị. Ọ kà, vị ọnị kwẹẹtẹ tu u nịnị anka ọnịvị ọza avọọ, dị ọnị sị ụya rị ụ nịnị ẹtẹẹtẹrẹ nị, agụvị ka ebira odivi awụ nịnị ọ sị rụrụ. Ayịchama awụ nịnị ọ sị dẹngụ.

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 44:3

Ka Anị ịzọọ ệ mẹ̀ ebira odivi, ọnịrị ka ẹnịnị ệ mẹ ayị kụ ọnị, ọnị vavọọ mẹ wa nị. Ẹnịnị ẹ naa mẹ̀ ịsọvọ hi ori, dị ẹyaa hẹkẹ ori ọnị ẹwụrị wa ne beri ohiku awụ nịnị ẹ̀ yị vịdị yẹ́ da nị.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ezikẹẹrị 20:8

Ẹnẹyịmavara kà, ama ẹnịnị ệ si eyi wụ ọnị, ẹ́ yị saasa ịrẹyị anị. Ẹnịnị ẹ́ yị và ori ẹnịnị ha; ẹnịnị ẹ́ yị sị ụvọ hụụnị ịrẹyị ori Anijipiti nịnị. Ọnị ô tenyi ẹngụ ka ọnị aa sị ọyịkụ anịị zụ̀ wa ẹtẹ Ijipiti ụmẹ avọọ.

Ezikẹẹrị 23:3

Ụmẹ ẹnị ẹ ra ẹtẹ Ijipiti, ozweyi ẹ́ vị dị a sị wa hụ nị; dị ẹnịnị kụkụ aa sẹ̀ ịrẹka nị.