Ijeremaya 32:24 - IWE ỌNỊNỊ

²⁴ Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 32:24 ပူးပေါင်းရင်းမြစ်များ

2 Ịsamụwẹrị 20:15

Ịjị aza Ijowabi wụ́ ka Ịsẹba ya ẹkụra Ebẹrị-Ịbẹtị-Imaaka, dị ẹ vẹ ịzọọ, dị ẹ ta kara a, dị ẹ kụ́ ezi kara a, dị ẹ yaa chị ọvọ anị nị. Avaba aza Ijowabi ẹ sị jị ngịrị-ngịrị ka vị ẹnị ee wu ugene ọnọọ nị.

Ayịsaya 37:33

Aanị Ẹnẹyịmavara mẹ̀ kà ịnị ịpa ohinọyị Ásiriya nị: Ọ kà, ẹ́ yị vaa ngụ Ijerusarẹmị E yi vee ne ọpa ikonyaa hi ọ. Ẹ yị nyị isoja ana kụ ogonto rị ụvọ ana vaa kà a gụrị ẹkụra ọnọnị. Ọza ẹ yị vaa kụ́ ezii na hịrẹ ọvọ anị.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 20:5

Ẹnẹyịmavara kà ọnị vaa sị avaba ogu Ijuda ọnịrị ịsa anaa mẹ ịnị anịị chire ọnịvị ẹnịnịị ụvọ ka ẹ̀ kụ ọ. Ọ kà avaba ịsa ene e sì ịrẹyị anị hu kere-kere ọnịrị avaba ogu ohinọyị ẹnịnị vị ọnị ọnị ve sii chire ọnịvị ẹnịnịị ụvọ. Ọnịvị ẹnịnị vaa kụ ogu ẹnịnị nee hi Ịbabịrọnị.

Ijeremaya 24:10

Ẹnẹyịmavara kà ọnị vaa kụ́ ịrẹkụ, ụngwẹ ọnịrị ụkụ vee tù wa. Avọọ ọnị mẹ vaa mẹ wa pooro nee tu ka asị ọza ịnya kụkụ vọ tụ ịnị ẹtẹ ọnị ọnị sị yị ẹnịrị ohiku ẹnịnị nị.

Ijeremaya 29:17

Ẹnẹyịmavara Ochẹtẹẹngụ ka, ọnị aa kụ́ ịrẹkụ, ụngwẹ ọnịrị ụkụ vee tù wa. Ọnị vaa mẹ wa anka ihwigi ana vụ̀ pooro dị ẹ̀ yị kụkụ wụra rị avọọ.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 32:25

Ijeremaya ka: Ama Ohomorihi Ananyị ka dị a daka aa yịị vaa sị ẹkụra ọnọnị yị Anibabironi aanị, ọnị sị ẹkẹhị na hị́ ẹtẹ ọnọnị dị ọnị ọ̀ nyị onivenu tụ ọ.

Ijeremaya 32:28

Agụvị avọọ, Ẹnẹyịmavara kà: Rẹ, ọnị vaa sị Ijerusarẹmị chire Inebukadineza ohinọyị Ịbabịrọnị ọnịrị ezirẹkụ anị nịnịị ụvọ. Ẹnịnị vaa nyị ẹbẹẹba anị,

Ijeremaya 32:3

Ọ kà ohinọyị Ịzẹdẹkaya ọ jị ọnị ẹngwa tụ ịzọọ nị, agụvị ka ọnị ộ va kà a ka Ẹnẹyịmavara kà ọnị vaa sị Ijerusarẹmị chire ohinọyị Ịbabịrọnị ụvọ dị ọọ nyị ẹbẹẹba ẹnịnị.

Ijeremaya 32:36

Booro aanị, Ẹnẹyịmavara, Ohomorihi Anisirẹrị nịnị ka, Anẹkụra ọnọnị ana aza aa kà a ka ịrẹkụ, ụngwẹ ọnịrị ụkụ vaa mẹ ka ẹ̀ hyẹdụ yị ohinọyị Ịbabịrọnị aanị;

Ijeremaya 32:5

Ọ kà, ọ vaa sị Ịzẹdẹkayaa nọ Ịbabịrọnị, dị ọ yà ịzọọ pooro nee tu ụmẹ ọnị ọnị ve sii tụ́ ohi ịrẹyị nị. Ẹnẹyịmavara kà Ịzẹdẹkaya ọọ daka gẹ Anikaridi ịrẹvụ, é yi ree mẹ.

Ijeremaya 33:4

Ẹnẹyịmavara Ohomorihi Anisirẹrị nịnị ka, a vaa chaka irehi ene hi Ijerusarẹmị aanị ẹnịrị irehi ohinọyị Ijuda nịnị agụvị ịrẹkụ ana a kụ ve tu wa dị a họ̀ kara wa aanị, aza ẹnyị me vee sì ka ẹnị ẹ̀ gẹ Anibabironi nịnị ịrẹvụ.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 52:4

Ịnị ẹkụhị ẹẹwụ, ịnị ụhwẹ ẹẹwụ, ịnị ịrayị ọhụhịịna ọnị Ịzẹdẹkaya rị ohinọyị, dị Inebukadineza ọnịrị avaba isoja anị kụ́ ịrẹkụ va ngụ Ijerusarẹmị nị. Ẹnịnị ệ jị udi tụ ẹhẹẹhẹ Ijerusarẹmị. Dị ẹnịnị họ̀ kara a eyi ụvọnị, dị ẹ gù Anijerusarẹmị nịnị hi tụ́ ịnị ẹkụra nị.

Ijeremaya 52:6

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ gẹdẹ-gẹdẹ, Anijerusarẹmị nịnị é yi kuku re ịsa rị, dị ụngwẹ nyayịnẹ aa kụ̀ wa ẹtẹẹtẹrẹ nị.

Ijeremaya 6:6

Ẹnẹyịmavara Ochẹtẹẹngụ ka, ohinọyị ẹnẹnị ẹ̀ má ọchị ene hi Ijerusarẹmị, dị ẹnịnị ẹ̀ sị mẹ ẹnya ịrẹkụ. Ẹnịnị ẹ̀ kụ ezi gụ, dị ẹ̀ sị mẹ oze na hịrẹ ọvọ Ijerusarẹmị. Ọ kà, aa nyị ka ọnị ọ̀ sị ụya rị Anijerusarẹmị nịnị agụvị ka ẹvaya kẹnẹ ẹ yaa mẹẹ yị ẹngụ ịzọọ nị.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ezikẹẹrị 21:22

 nyị ọpa ana va eyi ka Ijerusarẹmị, dị ohinọyị Ịbabịrọnị ọnọnị sị ụvọrị ngwọ ọ nị. Ọpa ọnọọ ọ kà a yị ọ ka ọọ nọ Ijerusarẹmị dị ò ne tò ẹnya ịrẹkụ anị hi ẹtẹ nị, òo tu ịzọọ, ò nowu ịrẹkụ, dị ò tò ẹnya ịrẹkụ anị va eyi ka ozovwoovu ọbanyị ana a zịị̄ ngụ ịnị ẹkụra. Ọ̀ kụ ezi gụ, dị ọ̀ nẹba ẹtẹẹtẹrẹ, dị ọ̀ tụra ịsa na hịrẹ ọvọ Ijerusarẹmị.

Ezikẹẹrị 21:27

Evu-ẹtẹ! Evu-ẹtẹ aa vẹ nịnị o! Ẹnẹyịmavara kà ọnị aa jị Ijerusarẹmị eburu. Ama ọnị ẹ́ yị vaa mẹẹ, ẹ̀ yị vị ịjị ọza ọnị ọnị nyị ka ọ̀ va sị ụya rị ọ ọ̀ọ vẹ. Ọ̀ọ vẹ, dị ọnị sị Ijerusarẹmị chire e ụvọ.

Ezikẹẹrị 26:8

Avaba ịzị ụ ra hi ịnị eteesu obooro nịnị vị ọnị ọ vaa garaa ha. Ẹnịnị vaa chị́ ụsịị kara wụ nịnị, dị e gu ẹnya ịrẹkụ jẹẹ va ka ọvọ awụ nịnị, dị ẹ kụ ogonto ẹnịnị rị ụvọ.

Ezikẹẹrị 4:2

Ọ kà ọnị ya Ijerusarẹmị, ísoja mẹ họ̀ kara a. Ọnị mẹ ọvọ kara Ijerusarẹmị, ẹnẹ ẹ̀ yị vaa zẹẹ ka ọza ọnyọọnyị ò zwe. Ọ kà ọnị ọ̀ si zụ ịzị ọnịvị Ijerusarẹmị nịnị jị udi hi. Dị ọnị ọ̀ mẹ ezi ọnị ọnịvị Ijerusarẹmị nịnị gú jẹẹ na hịrẹ ọvọ Ijerusarẹmị ọnịrị ẹnya ịrẹkụ ẹnẹ ẹ sị ne ịrẹta ẹbanyị-ẹbanyị ọnị ẹ́ kụ jẹẹ.

Ihabaku 1:10

Ẹnịnị vi eneē nyị ohinọyị anẹkụra ana vọ unyi. Dị ẹ yaa mẹ̀ ọdọvịdị ẹnịnị isiya nị. Ẹkụra ẹbanyị-ẹbanyị ana aa jị ọvọ ọgọdọ kara vị ọnị ẹ yaa sị mẹ̀ ị̀yẹ̀ẹyẹ̀. Dị ẹ kụ́ èzi na hịrẹ ọvọ dị ẹ ngụ ẹkụra, dị ẹ rị ọ.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Iwe Ọhụhị Imosiisi ana aa hị́ Ọyịvatụrọda 4:26

Imosiisi ka ọnị ọ sị ẹbẹẹba ọnịrị ẹtẹ mẹ ivenu yị wa ka ẹnịnị ẹ̀ẹ mẹ akamawụ hi ọnị, ịjjịjọo e ye vu ẹtẹ nị. Ẹnịnị ẹ̀ yị vaa ra gọdọ ịnị ẹtẹ ana ya akẹnẹ irehu Ijodani ọnị ẹ yaa vaa dọ, dị ẹ ra ini anị. Ẹnịnị vi ene vee vu ẹtẹ saka-saka.