Ijeremaya 32:22 - IWE ỌNỊNỊ

²² Wâ sị ẹtẹ ozoza, ẹtẹ ize ọnọnị yị Anisirẹrị anka ụ mẹ hị́ eku anị yị ohiku ẹnịnị ka ụ vaa mẹ.

Ijeremaya 32:22 ပူးပေါင်းရင်းမြစ်များ

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 24:7

Abụrahamị rẹ ka Ẹnẹyịmavara Ohomorihi ana mẹ ẹbẹẹba ọnị ọ sị ọnị hụụ ịda ada anị ọnịrị hụụnị ẹtẹ ịzị a yà ma ọnị nị. Ọ kà ọnị ọ hị́ eku dị ọ kà a yị ọnị ka ozi anị ịrẹma-ịrẹma ọnị vaa sị ẹtẹ ọnọnịị yị nị. Abụrahamị Ọ vaa tụ́ anggẹẹrị anịị saasa a, dị ọ̀ na nyị ọnẹẹ hụụ ịzọọ va yị ozi anị.

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Inehemaya 9:15

Ọnị ọ sị ịsọyịrị hụrẹ ẹbẹẹba yi wa ịjị ụngwẹ aa kụ̀ wa nị. Dị ọ rẹ sị enyi yị wa hụụnị ịrẹta onyi maa kụ wa nị. Ọnị ọ kà a yị Anisirẹrị ka ẹ̀ na dọ ẹtẹ ọnị ọnị hị́ eku ka ọnị vaa sịị yị wa nị.

Ọyịkụra 13:5

Dị ọ rẹ ka ịhị ẹẹ na sị ngụ ẹtẹ Ikanaani ọnị ọnị Ẹnẹyịmavara kà a yi ohiku ẹnịnị ka ẹ yị zụ nyị ka ọnị ọ yị sị yị wa, dị ẹ̀ẹ tamayị ẹkụhị ọnọọ. Dị ọ ka aza ana vịdị ra hi ịnị ẹtẹ Ikanaani ẹ vị Anihiti, Anamọrị, Anihivi ọnịrị Anijebusi. Ọ rẹ ka ẹtẹ Ikanaani ô zoza ẹtẹẹtẹrẹ, ka ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị.

Ọyịkụra 3:17

Ọ kà ọnị ọ sị ọ kà ka ẹ yị nyị ịsị ẹẹ̄ mẹ ka, ka ọnị ọ yị kụ́ wa hụụnị ụya ana aa sịị rị wa ịnị ẹtẹ Ijipiti. Ọ kà ọnị aa kụ́ wa nọ ịnị ẹtẹ Ikanaani. Ịzọọ Anihiti ọnịrị Anamọrị ne beri Aniperizi ọnịrị Anihivi beri Anijebusi ra hi aanị nị. Ọ kà ẹtẹ ọnọọ ộ nyị avị ana vọrọ ka ịsụpa ọ̀ rị, avọọ ọ mẹ rẹ zụ mẹ̀ ịsa nị.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ijeremaya 11:5

Ọ kà ịjị ọnọọ, ọnị vaa mẹ ịsị ọnị hị́ eku anị yị ohiku ẹnịnị, ka ọnị vaa sị ẹtẹ ịzị ịsụpa ẹnịnị ọnịrị ịsa ịnị aarẹ ẹnịnị vaa ha dị ẹ yaa mẹ ẹtẹẹtẹrẹ yị wa. Ẹtẹ ọnọọ ẹnịnị yà ịnị aanị nị. Dị Ijeremaya tụ́ ohi ka, Ẹnẹyịmavara, ọ̀ vavọọ ya (aamị).

Ezikẹẹrị 20:15

Ama dị ọnị hị́ eku ka ọnị ẹ́ yị kụkụ vaa kụ wa naa ngụ ẹkụra ọnị vịdị sị yị wa nị ẹtẹ ọyịza-ọyịza ọnị ịsa gwẹtẹ hi ịnị anị. Ẹtẹ ọnọọ o zoza hu avaba ẹtẹ ana vọ nị.

Ezikẹẹrị 20:6

Ụmẹ ọnọọ ọnị sị kà a yị wa ka ọnị vaa kụ waa hụrị ẹtẹ Ijipiti, dị ọnị kụ wa ne hi ẹtẹ ọnya ọnị ọnị raa nyị tịtẹ yị wa ẹtẹ ọyịza-ọyịza ọnị ịsa gwẹtẹ ịnị anị. Ẹtẹ ọnọọ o zoza hu avaba ẹtẹ ana vọ nị.

Ịrịka 14:16

Dị ẹ ka, Ẹnẹyịmavara ẹ yị rẹ va zụ kụ ẹnị na ngụ ịnị ẹtẹ ọnị ọ hị́ eku ka ọnị aa sị yị ẹnị, avọọ ọ wụ ẹnị hi ịnị ụnọmị nị.

Ịrịka 14:30

Ịrẹma Ijosuwa ọnịrị Ịkarẹbị, a yi vaa nyị ọza ẹnịnị anaa na ngụ ịnị ẹtẹ ọnị ọnị hị́ eku anị yị wa.

Iwe Ọhụhị Imosiisi ana aa hị́ Ọyịvatụrọda 1:35

dị ọ ka ẹ yị nyị ọza ịnị ẹngụ aza edivi ẹnẹnị ana vaa sị eyi re ọyịza ịnị ẹtẹ ọnị ọnị raà hị́ eku anị yị ohiku ẹnịnị.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 6:10

“Ẹnẹyịmavara vaa sị ụ vẹ ịnị ẹtẹ ọnị ọ hị́ eku anị yị ohiku awụ nịnị Abụrahamị ọnịrị Ayiziiki ne beri Ijekọvụ. Ẹtẹ ọnọọ vaa nyị ẹkụra ẹbanyị-ẹbanyị ọnị we yị sị ụvọta awụ nịnị da.

Iwe Ọhụhị Imosiisi ana aa hị́ Ọyịvatụrọda 6:18

Mẹ ịsa ana vọrọ dị o zoza eyi Ẹnẹyịmavara waa vavọọ aa mẹ̀ ẹ o vee zee yị wụ, dị ụ dọ ẹtẹ ozoza ọnị Ẹnẹyịmavara hị́ eku anị yị ohiku awụ nịnị.

Iwe Ọhụhị Imosiisi ana aa hị́ Ọyịvatụrọda 6:23

Ẹnẹyịmavara ọ kú wụ nịnị jịnẹ hụụ ịzọọ vaa ngụ ịzẹnị, ọnị ộ wo oto anị yị ohiku awụ nịnị nị.

Iwe Ọhụhị Imosiisi ana aa hị́ Ọyịvatụrọda 7:13

O vee sì ịrẹyị awụ nịnị, dị ọ mẹ ka ò ze wụ nịnị. Ụ vaa ma ozi nịnị, dị ụ waa rụrụụ hu avọọ nịnị. Ọ va mẹ ka ò ze yị aarẹ awụ nịnị, dị akụ awụ nịnị, eche ọnịrị angwẹ orivi awụ nịnị aa mẹ; ọ vaa mẹ ka ò ze wu nịnị, dị ọ sị ịsụpa ọnịrị atẹmẹ tatarataa wụ nịnị. Ọ vaa mẹ avaba ize ẹnẹnịị yị wụ nịnị ịnị ẹtẹ oni o wo oto yị ohiku awụ nịnị ka ọnị vaa sịị yị wụ nịnị.

Iwe Ọhụhị Imosiisi ana aa hị́ Ọyịvatụrọda 8:1

“Re ka wa sị ụvọ za avaba ọda anaa ka yị wụ aanị agụvị dị wa zụ ra, dị waa rụrụ hu avọọ, dị wa na dọ ẹtẹ ọnị Ẹnẹyịmavara raa hị́ eku anị ka ọnị ọ sị yị ohiku ẹnịnị.

Ijosuwa 1:6

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ijosuwa 21:43

Ẹnẹyịmavara ộ sị avaba ẹtẹ ọnị ọ wo oto anị yị ohiku ẹnịnị ka ọnị aa sị yị wa. Ệ dọ ẹtẹ ọnọọ dị ẹ ra ịnị anị nị.