Ijeremaya 32:20 - IWE ỌNỊNỊ

²⁰ Wâ mẹ apọtẹrẹwa ọnịrị ịvọpa ọrụrụ-ọrụrụ ẹtẹ Ijipiti, yị va ngụ ajịnị dị waa yịị mẹ ẹngụ ụkọrọ ẹnẹẹ ịnị ẹtẹ Isirẹrị ọnịrị aha ana vọ nị. Wa sị ịrẹha mẹ yị ẹngụ awụ avaba aha ịnị ajịnị.

Ijeremaya 32:20 ပူးပေါင်းရင်းမြစ်များ

2 Ịsamụwẹrị 7:23

rẹ nyị anẹkụra ọsa ịnị avaba ẹhẹ, à yị vị Anisirẹrị kẹnẹ ọnị ụ vavọọ na dọ tụ́ hụụnị ọrịhị, dị ụ vara wa aza awụ dị waa sị waa rị ịrẹha. Wâ dụ anẹkụra ọnịrị ori ẹnịnị hụrẹ oze yị aza awụ. Ọnọọ vị ịvọpa ọbanyị. Avọọ ụ mẹ̀ dọ wa hụrẹ ụvọ Anijipiti nị.

1 Ịtọpa 17:21

Idevidi ka ẹ yị nyị anẹkụra ọsa ịrẹsụ ẹtẹ anka Anisirẹrị nịnị. Ẹnị ịnya kẹnẹ Ohomorihi dọha ka a sị ẹ kụkụ vị ọrịhị, dị ọ́ mẹ wa ka ẹ̀ vị aza anị nị. Ịtọmatapa ọbanyị ọnị ọ mẹ yị wa ộ mẹ̀ ka ịrẹyị Ohomorihi ọ̀ ngụrẹyị ngụ avaba ẹhẹ zịịzị. Ọ kà Ohomorihi ọ̀ dọ wa hụrẹ Anijipiti nịnị ụvọ dị ọ dụ anẹkụra ana vọ kwooze aza anị màa vẹ nị.

Inehemaya 9:10

Ịzọọ Ohomorihi ya sị apọtẹrẹwa ọnịrị ịvọpa zụ Ihwarawo, ọnịrị ezi ahụ anị, neberi aza anị nị. Ộ vavọọ mẹ̀ agụvị ka ộ yẹ Anijipiti nịnị mẹmẹ sị ẹngụ tụ ẹba dị ẹ mẹ ẹvaya yị Anisirẹrị nịnị. Ịvọpa ọnọọ ọ́ sị mẹ ịrẹha yị ẹngụ anị pooro tu ajịnị nị.

Inehemaya 9:11

Ô che oku hi oze ẹẹva, dị ezi Anisirẹrị zị ụsẹ ịnị ẹtẹ ọyịwụ nị, ama dị ọ mẹ ka oku ọ̀ mụnẹ aza anaa dụ wa anka ịrẹta ene hí uruvo enyi avọọ nị.

Ahẹ Ụgama 135:9

Ộ mẹ ịta mā ta pa ịnị ẹtẹ Ijipiti. Ihwarawo ohinọyị Anijipiti ọnịrị ezi ahụ anị vị ọnị ọ tana ụvọ za.

Ọyịkụra 10:2

Ẹnẹyịmavara rẹ ka ịtọpa ọnọnị vị ọnị Imosiisi nịnị vaa kà a yị ezi ẹnịnị ọnịrị ezi ẹnịnị ịrẹma-ịrẹma. Ọ kà ọ vaa pa ịtaa zụ̀ wa ọnị mẹmẹ sị Anijipiti mẹ ịyẹyẹ, dị ọnị mẹ ịvọpa ịda ẹnịnị. Ẹnẹyịmavara rẹ ka oni ee sì ka ẹ̀ yẹ ka ọnị ọ vị Ẹnẹyịmavara nị.

Ọyịkụra 3:20

Di Ohomorihi ka ama vị ọnị vaa tana ụvọ za Anijipiti dị ọnị mẹ ịvọpa irenyi-irenyi eyi ẹnịnị. Ọ kà ọnị ọ̀ọ vavọọ sị ọ mẹ, ọ vaa navọ ka ẹ̀ na.

Ọyịkụra 7:3

Dị Ẹnẹyịmavara kà ama ọnị vaa mẹ ka ayị Ihwarawo ọ̀ katẹngụ. Ọnị ọ̀ọ daka mẹ̀ ụkọrọ ịvọpa irenyi-irenyi ịnị ẹtẹ Ijipiti.

Ọyịkụra 9:16

Ama ọnị ộ navọ wa ka ẹ̀ yị yà ẹhẹ agụvị dị ẹ̀ yẹ ka ọnị ọ nyị ụkata. Ọ kà ọnọọ ọ̀ vaa mẹ ka aa kà ịrẹkụkụ anị ịnị avaba ẹhẹ nị.

Ayịsaya 63:12

Ọnị ộ mẹ̀ ka ụkata igirima anị ọ ya pe Imosiisi ọnị ọ sị ga oku hi. A vaa ga a pooro zịna-zịna nị.

Ayịsaya 63:14

Ọnị ọ sị ụkata anị sị ụhwọtụ yị wa anka imaaru ana kụ nọ ịnị ozi na tụ́ ụhwọ́ avọọ nị. Ộ mẹ̀ ka aa ga Ẹnẹyịmavara.

Ijeremaya 13:11

Ẹnẹyịmavara kà, Anisirẹrị ọnịrị Anijuda nịnị vị ọnị ọnị sì ka ẹ sị ụvọ za ọnị bịrị-bịrị anka a mẹẹ̄ sị ụbaja sụ́ ọtẹ avọọ. Ọ kà, agụvị ka vi ọnị sì ka ẹnịnị ẹ̀ vị aza anị, dị ẹnịnị ẹẹ sị ụga ọnịrị ụbanyị yị ịrẹha anị nị. Ama ẹnịnị ẹ yị ma saasa ịrẹyị anị.

Ịdanịyẹrị 6:28

Hụrị ịhị ọnọọ hụrị ịhị ọnọọ ẹ vana sị Ịdanịyẹrị tụ udi obobooro nị. Ụmẹ ọnọọ Ịdarịyọsị ọnịrị ọnọrụ ana aā hị́ Ịsayịrọsị ana vị Anipesiya sị vị ohinọyị nị.

Ịdanịyẹrị 9:15

Dị Ịdanịyẹrị rẹ ka, Ẹnẹyịmavara ana vị Ohomorihi ayị, ẹwa sị ụkata awụ zụ dị ụ kụ aza awụ hụrị ẹtẹ Ijipiti nị. Dị ụ sị mẹ ịrẹha yị ẹngụ awụ pooro va ngụ ajịnị nị. Ama ệ ya sị ebira odivi mẹ hi u ọ.

Odeyi 7:36

Imosiisi ộ kụ́ Anisirẹrị nịnị hụrẹ ẹtẹ Ijipiti. Ộ mẹ̀ ụkọrọ ohyozirenu ọnịrị apọtẹrẹwa ịnị ẹtẹ Ijipiti ọnịrị ini Irehu Ovivi ọnịrị pooro mẹ ịrayị ẹbẹẹva ịnị ụnọmị.

Iwe Ọhụhị Imosiisi ana aa hị́ Ọyịvatụrọda 11:3

ọnịrị ohyozirenu anị. Wê re ịsị ọ mẹ Ohinọyị Ijipiti ọnịrị avaba ẹkụra anị.

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 6:22

Eyi awụ nịnị Ẹnẹyịmavara mẹ̀ ịvọpa ene hi ọza irenu ene chire Anijipiti ọnịrị Uhwarawo ne beri ovwoovu anị angwa.

Iwe Ọhụhị Imosiisi ana aa hị́ Ọyịvatụrọda 7:19

Tamayị ụya edivi-edivi ẹnẹ ẹ rị, dị ụ sị eyi awụ nịnị re e. Tamayị ịvọpa ọnịrị ohyozirenu, ọnịrị ụkata ọbanyị ọnị Ẹnẹyịmavara Ohomorihi awụ nịnị sị ngwara wụ nịnị tịtẹ. Ọ́ mẹmẹ vu Anijipiti nịnị ẹtẹ gẹdẹ-gẹdẹ avọọ, avọọ ọ́ mẹ̀ rẹ vee vu aza ọnị u wee hí angwa anị nịnị aanị ẹtẹ nị.