Ijeremaya 32:19 - IWE ỌNỊNỊ

¹⁹ Ịrẹyọyẹ awụ ọọ banyị, dị ụ rẹẹ mẹ̀ ụkọrọ ẹbanyị-ẹbanyị nị. Wee ré avaba ịsị aza aa mẹ, dị ụ rẹ vavọọ aa sị ọgụ ụkọrọ ọzọza yọ nị.

Ijeremaya 32:19 ပူးပေါင်းရင်းမြစ်များ

1 Ohinọyị 8:32

navọ di we batọ hụrẹ ẹbẹẹba, dị à nyị ịsị ụ mẹ. Navọ dị wa mẹ̀ ọkarẹyị ezi ahụ awụ, dị wa jị ịvị yị ọza ana rị ịvị. Navọ ọ sị ịrẹsụ anị kụ́ ebira ọnị ọ mẹ. Di wa rẹ jị ịhị yị ọza ana rị ịhị. Navọ ọnị ọ̀ rẹ dọ ọgụ ebira ozoza ọnị ọ mẹ.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

Ijoovu 34:11

Ịsa ọnị ọzọza mẹ̀, o vee si si ọ atọ nị.

Ijoovu 34:21

Ẹnẹyịmavara e re avaba ahụ ọnị yee hu.

Ahẹ Ụgama 111:2

Ụkọrọ ẹbanyị-ẹbanyị Ẹnẹyịmavara mẹ nị. Aza ene sì ịrẹyị anị vị ene eē ro ịrẹyị ụkọrọ anị ẹnẹẹ.

Ahẹ Ụgama 34:15

Ẹnẹyịmavara vị ana sị eyi pè aza ana aa mẹ̀ ebira ana vọrọ ini eyi anị ẹnịnị ẹ̀ẹ nowu na za a, dị ọ ba wa owu.

Ahẹ Ụgama 62:12

Ọ kà vi oniī sì ịrẹyị ọza pooro nị, ọ mā vara Ẹwụ Ananyị yị, ẹwaā sị ọgụ ụkọrọ ọzọzaa yọ nị.

Ahẹ Ụgama 92:6

Ọnụra nịnị ẹnẹ ẹ̀ yị yẹ ịrẹyị, ẹ yị yẹ ka aza edivi ẹ̀ẹ daka aa yara anka avị avọọ, dị ẹhẹ ẹnịnị ee zoza nị, ẹnịnị vene vee vú ẹtẹ pooro zịna-zịna.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ụhịrẹyị 5:21

Ẹnẹyịmavara ee re avaba ịsa ọnị waa mẹ̀. Ọ yẹ avaba ụsẹ ọnị waa zị.

Ụhịrẹyị 8:14

Ịrẹyọyẹ ka, ọnị ọ yara pe ọza juwe dị ọnị re pe wa mẹ̀ ụkọrọ ẹnịnị. Ọnị ọ yẹ iruvo ịrẹyị, dị ọnị rẹ nyị ụkata nị.

Ịrẹyị Ọzwọzịsa 12:14

Ohomorihi vaa mẹ̀ ọkarẹyị yị tụ ịrẹsụ avaba ịsị yaa mẹ, ịsị ị mẹ ịnị ewere, ọ̀ọ vị ọyịza, ọ̀ọ vị odivi.

Ayịsaya 28:29

Ẹnẹyịmavara ana nyị ụkata ọ rẹ sị sị zụ̀ aza ka ẹ̀ vavọọ yara mẹ̀ ẹ nị. Á yị nyị ọza ana zụ yẹ ịsa ẹnị Ẹnẹyịmavara aa mẹ. Ịrẹyọyẹ anị ộ dẹngụ ẹnẹmẹhị.

Ayịsaya 40:13

Ẹnẹ kà ọnị ọ̀ kà yị Ẹnẹyịmavara ịsa avọrọ ka ọ mẹ nị? Ẹnẹ hụ ọ zụ ọ ịsa, à vị ka ọ sị ajiwe yọ?

Ayịsaya 59:18

Ọnị vaa sị ụya rị ọnịvị anị ana gụrị ẹtẹ ọnịrị ẹnị ene hi aha onoze anka ịsị ẹ mẹ̀ hi aza anị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ijeremaya 16:17

Ọ kà ọnị ee ré avaba ịsị ẹyaa mẹ. Ẹ́ yị nyị ịsị ẹ tẹ̀ yị ọnị. Ebira odivi ẹnịnị vị ọnị ọnị ee ré saka-saka.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 21:14

Ọnị vaa sị ụyaa rị wa agụvị ebira odivi ẹnẹ ẹ mẹ. Ọ kà ọnị vaa jị ịra da irehi ohinọyị ẹnịnị dị ọọ rị avaba ịsa ana kara wa ịra.

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ịdanịyẹrị 2:45

Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Ịzakaraya 9:1

Ịrẹyị ọnị Ẹnẹyịmavara kà a kà yị anẹkụra Ihadiraki ọnịrị Ịdamasịkọsị yị. Ẹnẹyịmavara kà ọnị vaa tụhwọ Ịdamasịkọsị. Ọnị vaa sị eyi pè avaba anẹhẹ anka avaba ịrẹsụ ene hi Isirẹrị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Ịjọọnụ 5:29

Dị ẹnịnị jịnẹ hụụnị ikuta ẹnịnị vẹ ẹhẹ. Aza ana àa mẹ ọyịza, dị ẹ ha hụụnị isu, dị ẹ kụkụ yàra. Ama aza ana àa mẹ odivi, ẹnị rẹ vaa haa hụụnị isu, dị aa mẹ̀ ọkarẹyị isu yị wa.”

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Anẹhwẹsọsị 1:11

Avaba ịsa vị ana vaa mẹ anka Ohomorihi mẹ̀ mẹ eto anị tịtẹ. Agụvị Ijeesu, Ohomorihi ọ sị yị nyị ka ya vị aza anị, agụvị ka avọọ o mè sì ọ nị. Ộ vịdị mẹ eto anị tịtẹ ka

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ẹtore 22:12

Di Ijeesu ka, Re, ọnị aa vẹ ịsọọnị-ịsọọnị. Ọgụ anị yàrị ọnị ka ọnị ọ̀ va sị yị ọzọza, anka ụkọrọ ọzọza mẹ̀ yà.