Ijeremaya 32:17 - IWE ỌNỊNỊ

¹⁷ Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ijeremaya 32:17 ပူးပေါင်းရင်းမြစ်များ

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

2 Ohinọyị 19:15

Ộ mẹ̀ aduwa, dị ọ ka: Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.

2 Ohinọyị 3:18

Ọsọnị vị ịrẹyị oweyi ini eyi Ẹnẹyịmavara; ọ rẹ vaa sị Imowabi chire wu nịnị ụvọ bẹẹ.

Inehemaya 9:6

Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.

Ijoovu 42:2

Ọnị ọ yẹ ka Ẹnẹyịmavara ọ zụ mẹ avaba ịsa. Ẹ yị nyị ọza ana zụ za a ka asị ọ mẹ ịsị ọnị ọ mẹ̀ eto anị.

Ahẹ Ụgama 102:25

Dị mị rẹ ka hụrẹ ụmọrụmọ ọnị ọ sị ẹhẹ ọnọnị jẹẹ hị́, ọnị ọ rẹ mẹ ẹbẹẹba nị.

Ahẹ Ụgama 136:12

Ụkata-ụkata ọ vavọọ sị kụ́ wa jịnẹ nị. Vi óō sì ịrẹyị ọza pooro zịna-zịna nị.

Ọyịkụra 20:11

Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị eteesu nị. Dị mị rẹ mẹ òkū ọnịrị avaba ịsa ene hi ịnị anị nị. Ịhị ẹ tụ́ ọ ẹkụhị ịhịmba di mị tụ́ ụhwọ nị. Dị ẹmị Ẹnẹyịmavara mẹ ẹkụhị ụhwọtụ ẹkụhị ọbanyị, dị mị nyị ọ tụ́ irenyi yị ẹngụ amị nị.

Ayịsaya 42:5

Ohomorihi ộ mẹ avaba ịsa ene hi ẹbẹẹba, dị ọ gana wa nị. Ọnị ộ mẹ̀ ẹhẹ ọnịrị avaba ịsa ene hi ịnị anị nị. Ọnị ộ mẹ̀ ka aza ene hi ịnị ẹhẹ ẹ̀ yara, dị ẹẹ tụ́ ụhwẹ nị. Ẹnẹyịmavara, Ohomorihi ọ kà a yị ozi ahụ anị ọyaanị ka;

Ayịsaya 44:24

Ẹnẹyịmavara ana dọ wụ nịnị ha ka; ọza ana mẹ wụ nịnị tụ́ ịnị ịnẹ ọnyị awụ nịnị ka, “Ẹma vị Ẹnẹyịmavara ana ma avaba ịsa nị. Ẹmị ịnyara ọ mẹ ẹbẹẹba ịzị ọ gana na za nị. Ẹmị ọnọọ ọ rẹ mẹ ẹhẹ ịzị ọ gana na za nị.

Ayịsaya 45:12

Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị.

Ayịsaya 59:1

Re, u wéé ro ka Ẹnẹyịmavara ẹ yị nyị ụkata dọ ọza ha, a vị o gu ụtọ dị ẹ yị wụ́ aduwa awụ nịnị nị?

Ijeremaya 1:6

Dị ọnị ka, oonino! Ẹnẹyịmavara Ohomorihi, ozweyi ọnị vị nọ, ọnị ẹ yị yara ka ịrẹyị o.

Ijeremaya 14:13

Ijeremaya ka, dị ọnị kà a yị Ẹnẹyịmavara Ochẹtẹẹngụ ka, tee, ọọ yẹ ka ọnịsẹ ana vọ nịnị vanaa kà a yị. Anijuda nịnị ka ẹ́ yị vaa nyị ịrẹkụ ọnịrị ka ụngwẹ ẹ́ yị rẹ vaa kụ̀ wa. Ẹnịnị ka waa vị dị sị ọ ka ka ẹngwọọrọ ọ́ vaa vị̀ị yị wa ịnị ẹtẹ ẹnịnị nị.

Ijeremaya 21:2

Ẹnịnị ê ne tu Ijeremaya dị ẹ́ ka, aarịhịnị, ò pe ẹnị pe Ẹnẹyịmavara kà ịrẹyị agụvị ka Inebukadineza ohinọyị Ịbabịrọnị ọnịrị Isoja anị ẹ́ raa kụ ịrẹkụ ee vee tu Ijerusarẹmị. Ẹ ka ẹyịyara, Ẹnẹyịmavara vaa mẹ ịvọpa yị ẹnị dị ọ dụ Inebukadineza varẹma.

Ijeremaya 27:5

ọnị Ẹnẹyịmavara kà ụkata anị ọnị sị tụ ẹhẹ ọnọnị beri aza ọnịrị uye ene hi ịnị anị nị. Ọza enee zee ọnị eyi kẹnẹ ọnị nyẹngụ sị wa chire ụvọ nị.

Ijeremaya 32:27

Re, ọnị ọ vị Ẹnẹyịmavara, Ohomorihi ana tụ́ avaba aza nị; vị áá nyị ịsị ẹ sị katẹngụ baaba yị ọnị kẹ?

Ijeremaya 33:3

wa hị́ ọnị ka ọnị vee tu u ohi, dị ọnị ka ịsị ẹbanyị-ẹbanyị ọnị ọza ẹ̀ yị yẹ́ iruvo anịị yị ụ. Ịsa ọnị wẹ yị yẹ.

Ijeremaya 4:10

Ijeremaya ka, dị ọnị ka, tee! Ananyị yị Ohomorihi vị ụ vene aza ẹnẹnị saka-saka nọ. Waa kà a yị wa ka ẹngwọọrọ ọ vaa vị yị wa nị, ama ẹnị a vaa sị ịrẹkụ wụ vaa ha anị nị ọ.

Ijeremaya 51:15

Ẹnẹyịmavara ọ sị ụkata anị mẹ ẹhẹ ọnọnị nị. Ịrẹyọyẹ anị ọ sị mẹ avaba ịsị e hi ẹhẹ, dị ọ́ gana ẹbẹẹba nị.

Ijeremaya 51:19

Ohomorihi Anisirẹrị nịnị ọnịrị wa ẹ́ yị vị ọnyọọnya, ka ọnị ọ mẹ avaba ịsa nị. Ọnị ọ nyị Anisirẹrị nịnị ka ẹnịnị ẹ̀ vị aza obooro-obooro nị. Ịrẹha anị ọ rị Ẹnẹyịmavara Ochẹtẹẹngụ nị.

Ezikẹẹrị 11:13

Ezikẹẹrị ka, ịrẹyị ọnọnị maanị aa yịị ka, dị Iperatiya vị ana sẹ ẹdụ nyẹtẹ, di o sú nị. Kaayii, dị ọnị và eyi ku ẹtẹ, dị ọnị nowu zẹtẹ ka, kaaa! Ohomorihi Ananyị ụkata hu kere-kere, vị́ ụ waa maanị aa vaa wụ̀ avaba aza ana vẹtẹ hi ẹtẹ Isirẹrịị ha nị?

Ezikẹẹrị 9:8

Ezikẹẹrị ka, ịjị ẹ́ vavọọ aa wụ̀ azaa na, dị ọyịnyara anava jẹẹ ịzọọ nị. Ọnị ô va eyi ku ẹtẹ, dị ọnị nowu ka, tee! Ohomorihi Ananyị avaba ụkata, Ụ waa vaa maanị kụ́ ayịị hi Ijerusarẹmị, dị ụ sị avaba aza ana vọ hi ẹtẹ Isirẹrị wụ nị?

Ịdanịyẹrị 2:22

Ọnị ọọ̄ sị ịsa ana tẹ̀ aha ana nyịnẹẹ zụ nị; ộ yẹ avaba ịsa ana tẹ aha ene hozi, ọnị ụvọta vị ana ya ịnị ẹtohweyi.

Ịdanịyẹrị 6:20

Ịjị o tu ịzọọ, ayị anị vị ene du, dị o nowu, dị ọ ka: Ịdanịyẹrị, ọnụtụ Ohomorihi ana yara! Ohomorihi awụ ọnị ụ waa sị ịzẹyịzaa hẹkẹ ọ́ọ́ sị ụ dọ tụ hụụnị ụvọ idu nịnị kẹ?

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ịzakaraya 8:6

Ẹnẹyịmavara Ochẹtẹẹngụ kà: ụmẹ ọnọọ o vee hị́ aza ana vọ tụ ịzọọ eyi.

Ịrịka 11:23

Dị Ẹnẹyịmavara tụ Imosiisi ohi ka ẹ yị ịsa ọnị ọnị ẹ yị zụ mẹ. O nee zi ka o vee re ka ịrẹyị ọnị ka vaa sẹ.

Imatiwu 19:26

Ijeesu ô re wa, dị ọ ka ọza ọ rẹ ẹ̀ yị zụ mẹ̀ ẹ nị, ama Ohomorihi ọ zụ mẹ̀ ẹ, agụvị ka ẹ yị nyị ịsị Ohomorihi ọ̀ yị zụ mẹ.

Ịmaakị 10:27

Ijeesu ô re wa, dị ọ kà, “Ọza ọ rẹ ẹ̀ yị zụ mẹ̀ ẹ nị, ama Ohomorihi ọ zụ mẹ̀ ẹ, agụvị ka ẹ yị nyị ịsị Ohomorihi ọ̀ yị zụ mẹ.”

Iruuku 1:37

Ẹ yị nyị ịsa ọnya oni Ohomorihi ọ yị zụ mẹ.”

Iruuku 18:27

Dị Ijeesu ka ịsị ọza ọ̀ yị zụ mẹ, Ohomorihi ọ nyẹngụ mẹẹ nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 15:18

 yẹ ịsa ẹnẹnị hụrẹ ụmọrụmọ.”

Odeyi 17:24

Ohomorihi ana mẹ ẹhẹ ọnịrị avaba ịsa ene hi ịnị anị, ọnị ọ nyị ẹbẹẹba ọnịrị ẹhẹ nị. Ọ mā ra ini irehi ana aza dà.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.