Ijeremaya 31:8 - IWE ỌNỊNỊ

⁸ Ọ kà, re, ọnị vaa kụ wa hụrị ẹtẹ Ịbabịrọnị vẹ, dị ọnị kụ wa gụ hụrị aha ẹnẹẹnẹ ịnị ẹhẹ. Ogweyi ọnịrị oswahụ, aza enee zyẹẹ ẹnịrị aza ẹnị ịrẹẹ aa zị vee hi ịnị ẹngụ ẹnịnị, dị ẹyaa vẹ gigirigi.

Ijeremaya 31:8 ပူးပေါင်းရင်းမြစ်များ

Ahẹ Ụgama 107:3

Dị ọ kụ́ wụ nịnị hụrẹ avaba ẹhẹ vavẹ nị.

Ahẹ Ụgama 65:5

Wâ wụ́ aduwa ayị, dị ụ mẹ ka ye huna ọnịvị ayị nị Ohomorihi anaā dọ yịị ha, ẹwụ avaba anẹhẹ saka-saka avaba aha sị ayị tụra nị.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ayịsaya 43:6

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ijeremaya 16:15

Ama ẹnịnị vaa sị ọnịị hị́ eku ka: Ohomorihi ana kụ Anisirẹrị nịnị hụrị ẹtẹ Ịbabịrọnị ọnịrị avaba ẹkụra ịzị ọnị dụ wa ne hi vavẹ ẹkụra ọnị ọnị sị yị ohiku ẹnịnị, ọ̀ọ yị yà ịzọọ.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 23:8

Ama ẹnịnị vanaa sị ọnịị hị́ eku anka Ohomorihi ana yára ana kụ Anisirẹrị nịnị hụrị ẹtẹ Ịbabịrọnị ọnịrị avaba aha ọnị ọnị dụ wa ne hi vẹ. Ẹnịnị vaa ra ịnị ẹtẹ ẹnịnị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ezikẹẹrị 20:34

Ịjị ọnị ọọ varẹma kụ wụ nịnị gụ hụrị avaba ẹkụra ọnị ụ che ne hi nịnị, ọnị vaa sị ụkata anị ọnịrị ọyịkụ anịị zụ wụ nịnị.

Ezikẹẹrị 20:41

Ẹnẹyịmavara kà ịjị ọnị ọọ raa kụ wụ nịnị vavẹ eehi hụrị avaba ịzị a gara wụ nịnị ne hi, ụ́ kụkụ vaa sị mẹẹ anka ịsọvọ enee hine ọnị nịnị avọọ yị ọnị nị. Ọnị vaa sịị zụ anẹkụra ka è ré ka ọnịnị ọnị vị nị.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Ezikẹẹrị 34:13

Ọnị vaa kụ waa gụ hụrị ẹkụra ọsa, dị ọnị kụ wa vavẹ eehi ẹnịnị. Ọnị vaa kụ wa varẹma naa rị ịzị avị ọyịza-ọyịza hi ịnị ataba Isirẹrị, dị ọnị aa kụ wa nee hú enyi ịnị okuha ene hi Isirẹrị.

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Imika 4:6

Ẹnẹyịmavara kà ụmẹ vaa vẹ dị ọnị na kụ́ aza anị ọnị ọnị hụ hụrẹ ẹkụra. Ọ kà aza ọnị ọnị vavọọ sị ụya rị avọọ, ọnị aa kú waa vaa vẹ.

Ịzẹhwanaya 3:19

Ẹnẹyịmavara kà ụmẹ aa vẹ ọnị ọnị vaa sị ụya rị aza ana chamayị yị wụ. Ọnị vaa dọ ọkụmị nịnị ha, dị ọnị kụ́ aza ana a za ọrịhị nọ ẹkụra ọsa vavẹ eehi. Ọnị vaa vara ụhị ẹnịnị ka ọ vị ịsa ụbanyị yị wa. Avaba anẹhẹ vaa ga wa.

Ịzakaraya 2:6

Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna.

Imatiwu 12:20

Ọ yị vaa dà ịkẹ ana àa dà gẹnẹ. Ozotupa oni owu anị ee mi, oyi vee mi ọọ. Ọyị vaa tụ́ ụhwọ́ pooro di ò re ka ịzẹyịza ộ nyị ẹbẹẹba.

Ịjọọnụ 21:15

Ịjị ẹ sị ịsa rị, dị Ijeesu kà a yị Ịsayịmọnị Ipita ka, “Ịsayịmọnị, ozi Ijona, wéé sì ịrẹyị amị huna ẹsẹnị?” Dị Ịsayịmọnị ka, “Hịịn, Ananyị yị, wâ yẹ ka mê sì ịrẹyị awụ de.” Dị Ijeesu kà a yọ ka, “Waa tẹsị ezi atẹmẹ amị o!” (Ọnọọ vị ka ‘aza Ohomorihi’.)

1 Anịkọrịntị 8:10

À kà a ka ọza ana ayị anị ọ̀ yị jẹẹ ô re ẹwụ ana yẹ ịsa ka waa rị ịsa ini irehi ori; wéé ro ka ọnọọ ọ yị vaa mẹ ka ayị anị ọ̀ vị́, dị ọnị ọ̀ rẹ kụkụ naa rị ịsa ọnọọ anaa sị mẹ̀ ịsọvọ hi ori?

Iwe Ọhụhị Imosiisi ana aa hị́ Ọyịvatụrọda 30:4

Ẹnịnị ẹ daka ne hi ẹtaha ẹhẹ, Ẹnẹyịmavara Ohomorihi ẹnịnị vaa kụ́ wa gụ, dị ọ kụ́ wa varẹma vavẹ eehi.

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

Anihiburu 12:12

Ụvọ awụ nịnị ana sị kata, re ka wáa sị ụkata yọ nịnị! Idinku awụ nịnị ana rẹ sị kata, re ka wáa mẹ ka ọ̀ rẹ nyị ụkata nịnị!

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.