Ijeremaya 31:7 - IWE ỌNỊNỊ

⁷ Ẹnẹyịmavara kà, hụ̀ agụvị Anisirẹrị waa jẹ ịrajẹ dị waa jị ahẹ nịnị. Hụ agụvị Anisirẹrị wee nowu nịnị agụvị ka ẹnị ẹ vị ohirẹsụ avaba anẹkụra nịnị nị. Wee gono Ẹnẹyịmavara boro-boro, dị waa kà a nịnị ka, ọ sị aza anị ana vẹtẹ dọ ha.

Ijeremaya 31:7 ပူးပေါင်းရင်းမြစ်များ

Ahẹ Ụgama 106:47

Ẹnẹyịmavara, ana vị Ohomorihi ayị, navọ wa dọ yị tụ́. Dị wa tọ̀ọ́ yị hụụnị avaba ẹkụra vabẹ dị ya zụụ kụ́ wụ avọ, dị yaa ga wụ.

Ahẹ Ụgama 126:2

Ị kụkụ aa jị ahẹ yee nyinyi kẹnẹ. Dị anẹkụra nịnị aa kà a ka Ẹnẹyịmavara ọ sị ịsa ọbanyị mẹ yị wa.

Ahẹ Ụgama 14:7

Ọ́ máá navọ Ohomorihi ọ̀ hụrẹ vẹ dị ọ̀ va dọ Anisirẹrị tụ́. Ịjị Ẹnẹyịmavara ọ raà mẹ ka aza anị ọnị ịrẹkụ kụ́ ẹ̀ vavẹ, ẹnịnị vaa daa jẹ kẹnẹ!

Ahẹ Ụgama 28:9

Ohomorihi, navọ wa dọ aza awụ tụ́ dị wa mẹ ka ò zee yị wa Weē sere wa, dị wa si eyi pè wa pooro.

Ahẹ Ụgama 67:1

Ohomorihi ọ̀ navọ ọ̀ vayị ayị, dị ọ̀ mẹ ka ò zee yi. Mị ka ọ̀ navọ kwogwo ọ̀ mẹ ka ò zee yi.

Ahẹ Ụgama 69:35

Ohomorihi vaa dọ Anịzayọnị tụ́, dị o tenyi ọvọ jị kara ẹkụra Ijuda. Ịjọnọọ dị aza na ra hi ịzọọ, dị ẹ rẹ dọ ẹkụra ẹnịnị.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 37:31

Aza ana vọ hi Ijuda vị oni o vee zee yi, dị ẹẹ sị mẹẹ anka ọchị ẹnẹ ẹpa anị ngụ ẹtẹ ẹtẹẹtẹrẹ, dị aa tụ́ ẹtụtụ.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ayịsaya 44:23

Ẹwụ nịnị ẹbẹẹba, wa jị ahẹ nịnị agụvị ka Ẹnẹyịmavara ọ sị ọ mẹ. Ẹwụ aha ana nyịnẹ ịnị ẹtẹ, we nowu nịnị. Ẹwụ nịnị ataba, wa jị ahẹ nịnị. Ẹwụ nịnị avaba ọchị ene hi ini iruku. Agụvị ka, Ẹnẹyịmavara ọ sị Ijekọvụ dọ ha. Anisirẹrị nịnị vaa sị ụbanyịị yọ.

Ayịsaya 52:8

Sị ụtọ pe ẹtẹ! Aza enee sere ẹkụra ee nowu. Ẹnịnị dudu aa jị ahẹ agụvị ka ayị ẹnịnị ee hine. Ee sị eyi ẹnịnị ee re ka, Ẹnẹyịmavara ọ sị varẹma aa vẹ Ịzayọnị.

Ayịsaya 61:9

Avaba anẹhẹ vaa yẹ evere ẹnịnị A vaa sị ụbanyị yị wa ịnị akakana anẹkụra ana vọ. Ọzọza vaa yẹ ka aza ọnị Ẹnẹyịmavara raà mẹ̀ ize yị ẹ vị nị.

Ijeremaya 20:13

Waa jị ahẹ gono Ẹnẹyịmavara nịnị. Wee gono O nịnị. Ọza ana aza edivi aa sị ụyaa rị vị ọnị ọọ dọ ọ ha.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 3:23

Ẹ ka, ori ọnị ẹnị aa hẹkẹ ngụ ịnị atabaa zị, ọnịrị eche ọnị ẹnị ee hú zị ka vị ẹnị aa mẹ ahẹkẹ aanị nị vị evene kẹnẹ. Ẹnẹyịmavara Ohomorihi kẹnẹ ọ vaa dọ Anisirẹrị ha nị.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Ezikẹẹrị 6:8

Ẹnẹyịmavara kà ọnị vaa navọ aza ẹnyị ka asị á wụ̀ wa, Ẹnị ẹnẹẹ vị ana a vaa garaa hi avaba ẹkụra ọsa. Ịjị aa vavọọ sị wa gara hị́ ẹkụra ọsa, dị a za wa ọrịhị hi ịzọọ.

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ijowẹrị 2:32

Ịnị ụmẹ ọnọọ, Ẹnẹyịmavara vaa dọ ọza tụra ọza ana aa hị́ ọ há. Anka Ẹnẹyịmavara mẹẹ kà a, Aza ana ya ịnị ataba Ịzayọnị ọnịrị Ijerusarẹmị vaa ha. Ịnị ẹngụ aza ẹnẹẹ Ẹnẹyịmavara wo oto ka aza ọnị ọnị hị́ vaa ya nị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Imika 2:12

Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịzẹhwanaya 2:9

Dị Ẹnẹyịmavara kà ọnị ana vị Ohomorihi Anisirẹrị ọ̀ọ yà ịzọọ, Animowabi ọnịrị Anamọnị vị ene vee vú ẹtẹ anka Isodọmị ọnịrị Igomora avọọ. Dị ẹtẹ ẹnịnị hí yị avị ikeyi-ikeyi, dị ọ jị ụsị anọ hi ẹtẹ, di o du ha tịtẹ. Dị aza Ẹnẹyịmavara ana vọ dọ ẹtẹ ọnọọ, dị ẹ sị mẹ ẹẹnịnị.

Aniroomi 11:5

Avọọ ọ mẹ̀ rẹ yà booro aanị nị. A nyị nyị aza chee oni Ohomorihi sị nyị agụvị ayamva anị kẹnẹ.

Aniroomi 9:27

Ayịsaya o re vịdị nowu kà ịrẹyị ini oze Anisirẹrị ka, “Anisirẹrị ẹ̀ẹ daka rụrụ pooro anka ààrẹ ụtọ ókụ̄, chee ịnị ẹnịnị kẹnẹ Óhomorihi vaa dọ ọ há nị.

Iwe Ọhụhị Imosiisi ana aa hị́ Ọyịvatụrọda 28:13

Ẹnẹyịmavara vaa mẹ wụ nịnị ọdọvịdị ịnị akakana anẹkụra ana vọ; wẹ yị vaa vị ọdịrẹma nịnị. Wàa sị ịzẹyịza saasa ọda Ẹnẹyịmavara ọnị maa sịị yị wụ nịnị ajịnị aanị, vị́ o vee zee yị wụ nịnị pooro nị, wẹ yị vaa hyẹdụ nịnị.

Iwe Ọhụhị Imosiisi ana aa hị́ Ọyịvatụrọda 32:43

Ẹwụ nịnị anẹhẹ wee beri Anisirẹrị aza anị jẹ ịrajẹ agụvị ka ọnị vaa sị ụya rị anaa wụ̀ wa. Ọnị e si ọnịvị atọ, dị ọnị jị eyi ve hụụnị ịvị aza anị.