Ijeremaya 31:40 - IWE ỌNỊNỊ

⁴⁰ Ọ kà, avaba inoze ene ee ne okuu hi ọnịrị ịzị aa kụ ututuu hi ne beri avaba ẹtẹ ana ya ẹbẹẹba okuha Ikidironi, huu naa ngụ oze umaata ana a zị ngụ ịnị ẹkụra eyi ọnị ọyịị̄ zịị hụrẹ, vị ana vanaa sịị turenyi yị ọnị. Ọza e me vene vu Ijerusarẹmị ẹtẹ paa.

Ijeremaya 31:40 ပူးပေါင်းရင်းမြစ်များ

2 Ịsamụwẹrị 15:23

Avaba aza ẹnẹẹ màa parahu, dị avaba anẹkụra ọnọọ aa tụ́ orere vavavaa nị. Ohinọyị ọnị rẹ na para okuha Ikidironi hu, dị avaba aza ẹnẹẹ sị ịrẹsụ kà ụnọmị aa na nịị.

2 Ohinọyị 11:16

Ẹnịnị ệ za Atarịya, dị ẹ sị ọ nọ ini irehi ohinọyị nị. Ê tù oze ọbanyị ana aā hị́ oze umaata, dị ẹ wụ̀ ọ ịzọọ nị.

2 Ohinọyị 23:12

Ohinọyị Ijosaya ô wu avaba ụta ẹnị ohinọyị Ijuda nịnị vịdị hi tụ ẹbẹẹba ịrẹsụ irehi Ohinọyị Ahazi ne beri ụta ọnị Ohinọyị Ịmanasẹ hi tụ ịnị ohweje ẹẹva ịnị irehi Ẹnẹyịmavara. Avaba ụta ọnị ó wu vị ọnị ọ kụ na va ha ịnozi Ikidironi.

2 Ohinọyị 23:6

Dị ọ sị ọchị uyi ori Asẹra hụụnị irehi Ẹnẹyịmavara Ohomorihi na ngụ Ikidironi ịrẹma Ijerusarẹmị, dị ọ rị ọ ịra nị. Dị a kụ̀ ọ anka ayị, dị ọ gara atịtọ anị hi ịrẹsụ ukuta aza kẹnẹ ene hi ịzọọ.

2 Ịtọpa 23:15

Dị ẹnịnị za a, dị ẹ sị ọ nọ ini irehi ohinọyị nị. Ê tụ oze ọbanyị ana aā hị́ oze ọbanyị umaata, dị ẹ wụ̀ ọ ịzọọ nị.

Inehemaya 3:28

Dị ohirẹsụ irehi Ohomorihi nịnị tenyi ọvọ na ngụ Oze ọbanyị ana a hị́ oze Umaata. Ọzọza vị ana mẹ̀ ụkọrọ ọvịdị irehi anị.

Ahẹ Ụgama 48:9

Ohomorihi, i mè hi ini irehi awụ di yee ro o ú memeē sì ịrẹyị ọza pooro dị ọ̀ yị mā tụ́ wụ nị.

Ayịsaya 51:22

Ẹnẹyịmavara Ohomorihi awụ nịnị anaā vụ ịrẹvụ yị aza anị kà, ọnị ọ raà dọ ako ọnị ọnị sị yị wa ịnị ọyịkụ. A yị kụkụ vaa sị ụkata-ụkata za wa ka e hu dị ọọ vaa mẹrị wa.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 18:7

Ẹnẹyịmavara kà, àa nyị ụmẹ ọnyọọnyị ọnị ọnị kà a ka ọnị vee hu aza ẹnyẹẹnyị àa vị ohinọyị nịnị hụrị ẹtẹ, dị ọnị ka ọnị aa gara wa ha, dị ọnị ò vu wa ẹtẹ nị.

Ijeremaya 32:36

Booro aanị, Ẹnẹyịmavara, Ohomorihi Anisirẹrị nịnị ka, Anẹkụra ọnọnị ana aza aa kà a ka ịrẹkụ, ụngwẹ ọnịrị ụkụ vaa mẹ ka ẹ̀ hyẹdụ yị ohinọyị Ịbabịrọnị aanị;

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ezikẹẹrị 37:2

Ộ sị ọnị jesi kara avaba inozi ọnọọ, dị ọnị ré ka ẹchụkụ ọnọrayị gụ pụụ ịzọọ nị.

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.

Ezikẹẹrị 39:29

Ọ kà ọnị vaa sị ụhwẹ anịị yị avaba Anisirẹrị nịnị, dị ọnị ẹ́ yị ma vana varẹma ka wa. Ọnị, Ẹnẹyịmavara, Ananyị yị ọ kà avọọ nị.

Ezikẹẹrị 48:35

Ụgọdọ avaba ọvọ ana a tụra kara Ijerusarẹmị vị okuvọ akahị-akahị oze ịhịịna. Hụrị ọyaanị na, ịrẹha ẹkụra ọbanyị ọnọnị á vanaa hị́ Ẹnẹyịmavara ya ịzẹnị nị.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Ịzakaraya 14:11

Aza vaa ra Ijerusarẹmị dị ẹ nyị ọyị sị ayị tụra ka ọza yị vana kụkụ du ọ ha.

Ịzakaraya 14:20

Ẹkụhị ịhị ọnọọ, a vaa chẹrẹ ịsa tụ ịnị ikono ana a sị jẹ umaata ka ọnịnị yị Ẹnẹyịmavara. Avaba ụnọkọ ana a sị mẹ̀ ịsa ini eehi Ẹnẹyịmavara vaa vị ọtirenyi anka ẹnya ana ya ọvịdị ụta avọọ.

Ịjọọnụ 18:1

Ịjị Ijeesu vavọọ sị ịrẹyị ẹnẹẹ kà kẹnẹ, dị ọnịrị ezirẹma anị hụụ ịzọọ, dị ẹ nọ akẹnẹ okuha Ikidironi nị. Â nyị ụbazị ọnya ịzọọ, dị Ijeesu ọnịrị ezirẹma anị ngụ ịnị ụbazị ọnọọ nị.