Ijeremaya 31:35 - IWE ỌNỊNỊ

³⁵ Ẹnẹyịmavara ọ mẹ ọyị ka ọ̀ vị ẹtohweyi yị ọọdụ nị, ọnị ọ mẹ ụhwẹ ọnịrị ụzọmị ka ẹẹ zẹtẹ ịrahụ nị. Ọnị ọ mẹ ka oku ọọ jị ayị dị ọọ da vụụvụ nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 31:35 ပူးပေါင်းရင်းမြစ်များ

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ayịsaya 51:15

Ẹnẹyịmavara kà ọnị ọ vị Ohomorihi ana vara oku dị a jị ayị vụụvụ nị. Ọnị ọ rị Ẹnẹyịmavara Ochẹtẹẹngụ nị.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Iwe Ọhụhị Imosiisi ana aa hị́ Ọyịvatụrọda 4:19

Asị ẹ zẹ ka ayị ẹnịnị o vene ẹnị dị ẹẹ hẹkẹ ọyị a vị ụhwẹ ọnịrị ụzọmị ene e yee re ịnị ihinẹba. Ẹnẹyịmavara ana vị Ohomorihi ẹnịnị vị ana navọ anẹhẹ ana vọ ka ẹẹ hẹkẹ ẹ.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Ijeremaya 51:19

Ohomorihi Anisirẹrị nịnị ọnịrị wa ẹ́ yị vị ọnyọọnya, ka ọnị ọ mẹ avaba ịsa nị. Ọnị ọ nyị Anisirẹrị nịnị ka ẹnịnị ẹ̀ vị aza obooro-obooro nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ijeremaya 32:18

Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Ijeremaya 5:22

Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Ayịsaya 63:12

Ọnị ộ mẹ̀ ka ụkata igirima anị ọ ya pe Imosiisi ọnị ọ sị ga oku hi. A vaa ga a pooro zịna-zịna nị.

Ayịsaya 48:2

Di e yee wu ka ẹnị vị anẹkụra ọnịnị ene chi ayị za Ohomorihi Anisirẹrị ọnị ịrẹha vị Ẹnẹyịmavara Ochẹtẹẹngụ.

Ahẹ Ụgama 119:89

Ẹnẹyịmavara, ịrẹyị awụ vị ana jẹẹ pooro zịna-zịna. Vị ọ nyayịnẹ sị ahụ hi ẹtẹ ini ihinẹba nị.

Ahẹ Ụgama 106:9

Ẹnẹyịmavara mẹ̀ kara eyi hi òkū, dị ọ wụ̄ nị, dị ọ kụ́ aza anị zi oze ini òkū na para hu anka ọza òó reree che ụnọmị nee hu avọọ nị.

Ahẹ Ụgama 89:2

Mị ka mị vaa kà a nị ka ịzẹyịza awụ vị ana jẹẹ pooro aanịka ihinẹba.

Ahẹ Ụgama 78:13

Ô che ẹngụ hi ẹẹva dị ọ mẹ ka enyi ẹ̀ kụ́ jẹẹ anka ọvọ avọọ nị, dị ọ kụ́ aza ẹnẹẹ zi oze ini òkū na para hu nị.

Ahẹ Ụgama 74:16

Ẹwa rẹ nyị ọọdụ ọnịrị ịrahụ nị. Ẹwa mẹ ọyị ọnịrị ụhwẹ hị́ ịzị ẹ yà nị.

Ahẹ Ụgama 74:13

Ẹwa sị ụkata awụ mẹ ka enyi ò che ẹẹva nị, dị ụ za uye odivi ọbanyị ana aā hi Ireviyatani ana yà ịnị oku dị wụ chaka a ịrẹsụ nị.

Ahẹ Ụgama 72:17

Ohomorihi, navọ kwogwo asị ịrẹha ohinọyị vú pàá. Navọ àa tịị tamayị anị pooro zịna. Navọ ahịka vị anẹhẹ vaa kà a ka ò zee yị ẹnị anka o mè zee yị ohinọyị nị. Dị ẹ̀ rẹẹ mẹ̀ aduwa ka ò zee yị ohinọyị.

Ahẹ Ụgama 72:5

Navọ ohinọyị ò ve kú orubo ẹtẹẹtẹrẹ, dị ahịka irima anị ẹ vị vaa rị ohinọyị pooro nị. Èee rị re ọyị ọnịrị ụhwẹ, ahịka ẹnị ẹ vị vaa rị ohinọyị nị.

Ijoovu 26:12

Ọ sị ụkata anị za ahị ịnị oku jẹẹ. Ịrẹyọyẹ anị ọ sị wụ̀ uye odivi ini òkū ana aā hị́ Ịrahabị.

Ijoovu 38:33

Ọ́ọ́ yẹ ọda ana a sị sere ihinẹba? Ọ́ọ́ zụ mẹ ka ọda ẹnẹẹ ẹ mẹ̀ ụkọrọ ịrẹsụ ẹtẹ?

Ahẹ Ụgama 119:91

Ọda ọnị ụ mẹ vị ana jị jẹẹ ve tù ajịnị. Avaba ịsa vi ana aa hẹkẹ wụ.

Ahẹ Ụgama 148:6

Ộ mẹ ka ọzọza ọ̀ yà udi anị pooro zịna-zịna. Ọda ọnị ọ mẹ, ẹ yị nyị ịsị ẹẹ kụ́ ọ kwooze.

Ijeremaya 33:20

Ọza ọ̀ọ zụ kụ ọda ọnị ọnị mẹ yị ọọdụ ọnịrị ịrahụ kwooze, ka asị ẹnịnị zụ vẹ ịnị ụmẹ ẹnịnị.

Ijeremaya 33:25

Ẹnẹyịmavara kà, ọnị ọ raa zẹẹ ịzẹzẹ beri ọọdụ ọnịrị ịrahụ, dị ọnị raa mẹ ọda ana avaba ịsa ene hi ẹhẹ ọnịrị ẹbẹẹba aa saasa nị.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Emọsị 9:8

Ẹnẹyịmavara, Ochẹtẹẹngụ ka ọnị ô re avaba udivi Anisirẹrị nịnị. Agụvị avọọ ọnị vee vu wa ẹtẹ dị ahịka aza chee ẹnịnị kẹnẹ ọnị navọ tụ́ ẹhẹ nị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.