Ijeremaya 31:32 - IWE ỌNỊNỊ

³² Ẹ́ yị vaa vị ẹngụ ịzẹzẹ ọkụkụ ọnị ọnị zẹẹ yị ohiku ẹnịnị ọnị mẹ kụ wa hụrị ẹtẹ Ijipiti. Dị ọ daka vị ka vị ọnị sị mẹẹ anka ọva ọnẹẹ avọọ yị wa nị, ẹnịnị ẹ yị sị ụvọ za ịzẹzẹ ọnọọ.

Ijeremaya 31:32 ပူးပေါင်းရင်းမြစ်များ

1 Ohinọyị 8:9

Nyị ịsị ẹ yà ịnị apoti para ọparị ịrẹta oni Imosiisi sị tụ́ ịzọọ hu. Imosiisi vị ana kụ́ ịrẹta ẹnẹẹ hụrẹ ini ataba Ịhọrẹbị vẹ. Ịnị ịrẹta ẹnẹẹ Ẹnẹyịmavara chẹrẹ ịrẹyị ọnị ọnịrị Anisirẹrị hị́ eku anị yị ẹngụ tụ́ nị. Ịnị ụmẹ ọnọọ ọ sị kụ́ wa jịnẹ hụụnị ẹtẹ Anijipiti nị.

Ahẹ Ụgama 73:23

Ama mẹ yi noze rịrị ẹwụ, ẹwa sị ụvọ gẹ ị ụvọrị nị.

Ahẹ Ụgama 78:37

Ẹnịnị ẹ yị sị ịnẹ zụ̀ Ohomorihi, ẹ yị rẹ jẹẹ pè ịrẹyị ọnị ẹnịrị Ohomorihi kà tịtẹ.

Ọyịkụra 19:5

Kà a ka ẹ̀ẹ wụ́ ịrẹyị amị, dị ẹ jẹẹ pè avaba ọda ọnị mị mẹ. Ẹnị mị vaa sịị mẹ ogu amị ịnị avaba anẹkụra ene hi ẹhẹ nị. Ịzẹyịza ẹma nyị avaba ẹhẹ nị,

Ọyịkụra 32:8

Ệ wụsẹ raà sị ayị hụụnị ọda ọnị mị mẹ yị wa. Ẹ na raà si imaaru mẹ ori yị ẹngụ ẹnịnị. E si nyima ee kú ẹtẹẹ kụ́ ọ, ẹ rẹ yaa mẹ ịsọvọọ yọ, ẹ yaa kà a yị Anisirẹrị nịnị ka ori ana kụ́ wa jịnẹ hụrẹ Ijipiti aa vẹ ọ vị ọnọọ nị.”

Ahẹ Isoromọnị 8:5

Ẹnẹ maanị jị ụvọ chire ọza ọnị ó sì ịrẹyị anị hụụnị ụnọmị aa vẹ aanị? Mâ ha wụ hụnị ara iruvo ọchị apụrụ. Ịzọọ ọnyị awụ yá barẹẹ awụ di ọ́ ma wu nị.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Ayịsaya 41:13

Ẹnẹyịmavara kà ọnị ọ vị Ohomorihi awụ nịnị nị; Ọnị vaa sị ụkata yị wụ. Asị wụ hí angwa ka ọnị vaa gụ wụ ụvọ.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ijeremaya 11:3

Ọnị Ẹnẹyịmavara, Ohomorihi Anisirẹrị. O ree chì hị́ avaba aza ẹnẹ ẹ yị saasa ịrẹyị ọnị ẹnị dọ beri ẹngụ tụ ịnị anị.

Ijeremaya 11:4

Ịrẹyị ọnị ọnị mẹ ọda anị yị ohiku ẹnịnị ọnị mẹ kụ wa hụrị ẹtẹ Ijipiti ọ vị ọnọọ nị. Ẹtẹ Ijipiti vị ana sị mẹẹ anka arasị ịrịịra avọọ yị wa. Ọnị ộ kà a yị wa ka ẹ wụ́ chire ọnị dị ẹẹ mẹ avaba ịsị ọnị mẹ ọda anị yị wa. Ọnị ka ẹnịnị vaa vị aza anị, dị ọnị vị Ohomorihi ẹnịnị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ijeremaya 22:9

Ẹnịnị vee tụ́ ohi ịjị ọnọọ ka, agụvị ka waa hụrị ụvọ ịrẹyị ẹwụrị ọnị, Ohomorihi awụ nịnị dudu dọ beri nịnị yọ nị. Wa naa hẹkẹ ori nịnị, dị waa kụụ yị wa nịnị nị.

Ijeremaya 3:14

Ẹnẹyịmavara kà, vavẹ eehi nịnị, ka aanị ụ vị nịnị nị. Ọ kà ọnị vaa sị ọza ikonyi ikonya hụrị ẹkụra ọnya, aza ẹnị ẹẹva hụụnị ịrẹsụ ọnya, dị ọnị kụ wụ nịnị vavẹ ẹtẹ.

Ijeremaya 31:1

Ẹnẹyịmavara kà ụmẹ aa vẹ ọnị ọnị vaa vị Ohomorihi avaba ịrẹsụ-ịrẹsụ Anisirẹrị nịnị, dị ẹnịnị ẹnị rẹ vị aza anị.

Ijeremaya 34:13

Ọnị, Ohomorihi Anisirẹrị ka, ọnị ọ zẹẹ ịzẹzẹ beri ohiku ẹnịnị ọnị mẹ kụ wa hụrị Ijipiti ịzị a za wa ọrịhị tụ aa vẹ, dị ọnị ka;

Ijeremaya 34:14

ịrayị ịhịmba-ịhịmba ọzọza ọọ hụrẹ ọrịhị anị ana vị Anihiburuu ụvọ, ẹ̀ẹ raa hẹkẹ wa mẹ ịrayị ịhịnọnyị. Ama ohiku awụ nịnị ẹ yị va dọ ịrẹyị anị.

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Ezikẹẹrị 20:37

Ọnị kụkụ vaa mẹ ọdaa tụra wụ nịnị ịrẹsụ, dị ọnị mẹ ka waa saasa ịrẹyị ọnịrị ẹwụ nịnị dọ beri nịnị.

Ezikẹẹrị 23:4

Ịrẹha ana vị ọzọkụ ọ rị Ohora nị, dị ịrẹha ana vị ozweyi rị Ohoriba nị. (Ohora vị ana jẹẹ yị Anịsamarịya nịnị, dị Ohoriba ọnị jẹẹ yị Anijerusarẹmị nịnị nị.) Ẹnẹyịmavara kà ọnị ộ nyị wa, dị ẹnịnị ma ezi yị ọnị nị.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ihoseya 2:2

Dị Ẹnẹyịmavara kà Isirẹrị ọ yị kụkụ vị ose anị, dị ọnị ọ yị rẹ kụkụ vị ọva anị nị. Ộ kà ẹnịnị ẹ da ịpẹ yị ọnyị ẹnịnị ka asị ọ rẹ kụkụ sẹ̀ ịrẹka. Dị ọ hụrẹ ụvọ onyeehi ẹnẹẹ ọnị ọ za ku ayị.

Ihoseya 3:1

Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

Ireevi 26:15

Ẹnịnị èe yi ka ẹnị ẹ́ yị saasa ọda anị, dị ẹnịnị ẹ̀ yị saasa ịrẹyị ọnị ọnịrị wa hị́ eku yị ẹngụ tụ nị,

Ịmaakị 8:23

Dị Ijeesu sị ụvọ gẹ ogweyi ọnọọ, dị ọ sị ọọ nọ ịrẹma ẹkụra nị. Dị Ijeesu jị atẹ hi ọọ eyi, dị ọ sị ụvọ tụra a nị. Dị ọ kà a yọ ka, “Áá nyị ịsị u wee re?”

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Odeyi 23:19

Dị ọga ọbanyị ọnọọ sị ụvọ gẹ ozi ọnọọ nọ oboka, dị ọ họ̀ ọ ka, “Su wee sì ka wa kà zụ̀ mị?”

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.

Iwe Ọhụhị Imosiisi ana aa hị́ Ọyịvatụrọda 1:31

ọnịrị ịnị ụnọmị. Ẹnẹyịmavara Ohomorihi awụ nịnị vị ana sị wa anka ọnyị mẹẹ̄ sị ozi avọọ. Avọọ ọ mẹ sị wa ve tu ụmẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 29:1

Ẹsẹnị ẹ vị ebira ọnị Ẹnẹyịmavaraa kà yị Imosiisi ka Anisirẹrị ẹ̀ mẹ agụvị ọta ọnị ọnịrị wa mẹ yị ẹngụ ịnị ẹtẹ Imowabi nị. Ịrẹyị ẹnẹnị vị irenyi ịsa ọnị ọ vịdị kà yị wa ịrẹsụ ataba Ịhọrẹbị.

Iwe Ọhụhị Imosiisi ana aa hị́ Ọyịvatụrọda 29:21

Ẹnẹyịmavara vaa sị ọ mẹ̀ apojuwe yị avaba ịrẹsụ ene hi Isirẹrị. Ọ vaa kụ́ akanya tu ọ anka avaba ozirenu ana saasa oto ana chẹrẹ tụ́ ịnị iwe Ẹnẹyịmavara anaa sị ịrẹyị anị zụ.

Iwe Ọhụhị Imosiisi ana aa hị́ Ọyịvatụrọda 29:24

Ịjọnọọ avaba anẹkụra ana vọ ịnị ẹhẹ vee họ̀ use ka sị ẹ vẹ dị Ẹnẹyịmavara maanị mẹ ẹtẹ awụ nịnị? Sị ẹ vẹ dị ọ maanị nyayịnẹ kụ́ ayị?

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.

Iwe Ọhụhị Imosiisi ana aa hị́ Ọyịvatụrọda 5:2

Ẹnẹyịmavara ana vị Ohomorihi awụ nị ộ wo oto yị ịnị ataba Ịsịnayị.

Iwe Ọhụhị Imosiisi ana aa hị́ Ọyịvatụrọda 5:3

Ệ yị wo oto yị ohiku ayị ama ẹyị ana yàra ene hi ịzẹnị ajịnị.

Anihiburu 8:9

O yi kuku vee véné oto ọnị ọnị vịdị wo yị ohiku ẹnịnị ịnị ẹkụhị ọnị ọnị sị ụvọ gẹ wa, dị ọnị kụ́ wa hụụnị ẹtẹ Ijipiti. Ẹnịnị ẹ yị nyị ịzẹyịza tụ́ ịnị ịrẹyị oto ọnọọ ọnị ọnị wo yị wa. Agụvị avọọ ọnị ẹ yị kụkụ sị ayị tụ́ ịnị ịrẹyị ẹnịnị.