Ijeremaya 31:31 - IWE ỌNỊNỊ

³¹ Ẹnẹyịmavara kà, re, ụmẹ aa vẹ ọnị ọnịrị Anisirẹrị beri Anijuda nịnị vaa zẹẹ oto ọwọọwa.

Ijeremaya 31:31 ပူးပေါင်းရင်းမြစ်များ

Ayịsaya 59:21

Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 31:27

Ẹnẹyịmavara kà, ọnị ka ụmẹ aa vẹ ọnị ọnị vaa mẹ ka ẹtẹ Isirẹrị ọnịrị Ijuda ẹ vị ohihi yị aza ọnịrị ịsụpa.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Ezikẹẹrị 37:26

Ọnị vaa hị́ eku yị wa ka, ẹngwọọrọ ọ́ vaa vịị yị wa pooro zịna nị. Ọnị vaa mẹ ka ò zé yị wa, dị ẹyaa rụrụụ hu avọọ. Ọnị vaa dà irehi anịị tụ ịnị ẹtẹ ẹnịnị, dị ọ kụkụ yà ịzọọ pooro zịna.

Emọsị 9:13

Ẹnẹyịmavara kà ụmẹ aa vẹ ịnị ụmẹ ọnọọ, dị aza ana kụ ịsọyịna gụ aa dọ aza ana jị ịrụkụ oro dị ọza anaa kwọrọ ẹtụtụ igirepi ọnịrị aza anaa ha a aa dọ ẹngụ oro. Ụbazị ịvayịnị ene hi ịrẹsụ ataba ọnịrị ịrẹsụ otutu vaa tụ́ hyọvọ-hyọvọ dị eche gwẹẹtẹ.

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Ịmaakị 14:24

Dị Ijeesu kà a yị wa ka, “Ọsọnị ọ vị anya amị nị, ana vị oto ọwọọwa, oni mi vee chee sẹ́ ẹtẹ yị aza ọrụrụ-ọrụrụ.

Iruuku 22:20

Dị ọ rẹ sị ako ana a sị ká eche tịtẹ, ẹ mẹ̀ sị ịsa oruva ọnọọ rị nị. Dị ọ ka, “Eche ini ako ọnọnị ọ vị oto ọwọọwa oni Ohomorihi sị anya amị sị ụvọ tụ́ nị. Mi vee che anya amị ọnọọ sẹ́ ẹtẹ yị wụ nịnị.]

1 Anịkọrịntị 11:25

Ịjị ẹ sị ịsa rị, dị ọ rẹ vavọọ sị ako anaa sị ká eche tịtẹ, dị ọ rẹ ka, “Eche ini ako ọnọnị vị ana jẹẹ yị oto ọwọọwa ana a sị anya amị zẹẹ. Ụmẹ tụra ụmẹ wa maanị ee hú eche ọnọnị nịnị, dị ụ wa sịị tamayị amị nịnị.”

2 Anịkọrịntị 3:6

Ịzẹyịza, Ọnị ọ mẹ ka ya zụụ kà a oto ọwọọwa oni Ohomorihi zẹẹ aza nị. Ịzẹzẹ ọnọọ ọ yị vị ịrẹyị ọda ana a chẹrẹ, ama ịrẹyị Ụhwẹ Ohomorihii yọ nị. Ọda ana a chẹrẹ avọọ vị anaā wụ̀ ọza. Ama Ụhwẹ Ohomorihi vị anaā mẹ ka ọza ọ̀ yàra.

Anigaratiya 6:16

Ohomorihi ọ̀ navọ ọ̀ sị ẹngwọọrọ yị avaba aza ana aa saasa oze ọnọnị, dị ọ̀ rẹ vayị ẹnịnị; ẹnị ẹ vị Anisirẹrị obooro nị.

Iwe Ọhụhị Imosiisi ana aa hị́ Ọyịvatụrọda 29:14

Imosiisi kà, ẹ yị vị Anisirẹrị nịnị ịnya Ẹnẹyịmavara aa mẹ̀ oto ọnịrị ịzẹzẹ ọnọnị yị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

Anihiburu 7:12

Àa sị oze ana a zịị̄ sị ohirẹsụ irehi Ohomorihii vara, áa nyị ka à rẹ vara ọda.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.